Tíminn - 21.10.1975, Blaðsíða 8
8
TÍMINN
Þriðjudagur 21. október 197E
Geir Hallgrímsson forsætisrdðherra:
Engir samningar við er-
lendar þjóðir ón umræðna
og samþykkis Alþingis
Umræður urðu utan dagskrdr í sameinuðu þingi í gær um landhelgismdlið
A fundi i sameinuðu þingi í gær
kvaddi Lúðvik Jósepsson (Ab)
sér hljóö utan dagskrár og gerði
landhelgismáliö að umræðuefni.
Sagði hann, að tilefnið væri
væntanlegför samningamanna af
hálfu ríkisstjórnarinnar til Lon-
don siðar i þessari viku.
Sagði Lúðvik, að það færi ekki
milli mála, að almenningur i
landinu væri mótfallinn þvi, að
samið yrði um undanþágur fyrir
útlendinga um veiðar innan hinn-
ar nýju fiskveiðilandhelgi. Sér-
staklega ætti
það viö um
svæðið innan 50
milna. Rifjaði
hann upp, aö
ýmis félaga-
samtök heföu
lagzt gegn
samningum. Þá
gagnrýndi þing-
maðurinn vinnubrögð rikis-
stjórnarinnar I málinu og sagði,
að hdn hefði ekkert samráð haft
við stjórnarandstöðuna um málið
upp á siðkastið. Sagði Lúðvik, að
landhelgisnefndin hefðiekki verið
boðuð til fundar s.l. 3 mánuði.
óskaði hann eftir þvi, að nefndin
yrði kölluð saman.
Þá geröi Lúðvik Jósepsson að
umtalsefni nýbirta skýrslu Haf-
rannsóknastofnunarinnar og hin-
ar alvarlegu niðurstöður um
ástand fiskstofnanna, sem i
skýrslunni eru. Skoraði þing-
maðurinn á rikisstjórnina að gefa
yfirlýsinguum,að ekki yrði sam-
ið um neinar undanþágur innan 50
milnanna.
Geir Ilallgrimsson forsætisráö-
hcrra tók næstur til máls. Gat
hann fyrst um ágreining, sem
orðið hefði i landhelgisnefndinni
milli stjórnarflokkanna og
stjórnarandstöðunnar um afstöðu
til þess, hvort
ræða ætti við
erlendar þjóðir,
sem þess ósk-
uðu. Stjórnar-
andstaðan hefði
lýst sig andviga
slikum viðræð-
um. Af þeim
sökum hefði
slitnað upp úr samvinnu, þar sem
stjórnarflokkarnir hefðu talið
eðlilegt að ræða við útlendinga.
Nú hefði hins vegar borizt ósk um
fund i nefndinni af hálfu stjómar-
andstöðunnar og myndi rikis-
stjórnin verða við þeirri beiðni.
Þá vék forsætisráðherra að
væntanlegum samningum. Sagði
hann, að þær viðræður færu fyrst
og fremst fram i þeim anda, að
200 milurnar yrðu verndaðar. Ef
til samninga kæmi, yrðu þeir til
skamms tima og stefnt að þvi, að
50 milurnar yrðu friðaðar sem
mest.
Þá lagði Geir Hallgrimsson for-
sætisráðherra á það áherzlu, að
engir samningar yrðu gerðir við
erlendar þjóðir, án umræðna og
samþykkis Alþingis.
Forsætisráðherra gerði að um-
talsefni skýrslu Hafrannsóknar-
stofnunarinnar. Upplýsti hann, að
rikisstjómin hefði fengið skýrslu
frá stofnuninni I ágústmánuði s.l.,
en ekki taliö hana nægilega
skýra. Það hefði þvi orðið að ráði,
að Hafrannsóknarstofnunin hefði
að beiðni rikisstjórnarinnarunnið
að annarri skýrslu. „Þessi
'skýrsla verður notuð sem rök fyr-
ir nauðsynlegum friðunaraðgerð-
um I viðræðum okkar við út-
lendinga”, sagði forsætisráð-
herra. Hann upplýsti loks, að
sjávarútvegsráðherra hefði i
hyggju að beita sér fyrir ráð-
stefnum um friðunarmál með
þátttöku islenzkra og erlendra
sérfræðinga.
Benedikt Gröndal (A) sagði, að
það kæmi sér á óvart, að forsætis-
ráðherra sakaöi stjórnarandstöð-
una um að hafa slitið samstarfi I
landhelgisnefndinni. Að öðru leyti
kvaðst Benedikt vilja gera tvö
atriði að um-
ræðuefni. Hið
fyrra væri þaö,
að sér fyndist,
að ekki hefði
verið staðiö
nægilega vel að
kynningu land-
helgismálsins á
erlendri grund.
Þegar færthefði verið út I 50 mil-1
ur hefðu ýmsir ásakað þáverandi
blaðafulltrúa rikisstjórnarinnar
fyrir of mikinn áhuga. Ekki væri
laust við, að hans væri saknað nú.
í öðru lagi sagðist þingmaðurinn
vilja gagnrýna það, að skýrsla
Hafrannsóknastofnunarinnar
heföi ekki birzt fyrr en daginn
fyrir útfærsluna.
Loks sagði Benedikt Gröndal,
að Alþýðuflokkurinn væri sam-
mála þvi, að rétt væri að ræða við
útlendinga. Hann sagöi, að flokk-
ur sinn væri algerlega andvigur
þvi, að samið yrði um undanþág-
ur innan 50 milnanna, en til álita
kæmi að semja um undanþágur á
svæðinu þar fyrir utan.
Karvel Pálmason (SFV) sagði,
að það væri ekki á rökum reist, að
stjórnarandstaðan hefði slitíð
samstarfinu i landhelgisnefnd-
inni. Þingmaöurinn sagði, að
þjóðin krefðist skýlausra svara af
hendi stjórnar-
flokkanna um
þa ð , h v o r t
semja ætti um
undanþágur
innan 50 miln-
anna eða ekki.
Hann gerði aö
umtalsefni
skýrslu Haf-
rannsóknastofnunarinnar, og
sagði, að samkvæmt henni væri
ekki um neitt að semja. Siðan
skoraöi hann á forsætisráðherra
og dómsmálaráðherra að gefa
yfirlýsingu um það, að ekki yrði
samiðum veiðiheimildir innan 50
mllnanna.
Olíusjóður fiski-
skipa lagður niður?
Ólafur Þórðarson flytur tillögu þess efnis
Ólafur Þórðarson (F) hefur
lagt fram þingsályktunartillögu
um afnám Oliusjóös tii fiskiskipa.
t tiilögunni er gert ráð fyrir, að
rikisstjórnin leggi niður OHusjóð
fiskiskipa og afnemi þau
útflutningsgjöld er honum koma
við. Endurskoðaðar verði allar
greiðslur sjávarútvegsins i formi
útflutningsgjalda með lækkun
þierra fyrir augun. Fiskverð
verði hækkað scm þessum leið-
réttingum nemur.
t greinargerð segir flutnings-
maður m.a.:
,,A undanförnum árum hafa
vaxið mjög afskipti Alþingis af
deilum sjómanna og útgerðar-
manna um kaup og kjör. Hafa af-
skipti þessi löngum orðið á þann
veg að stærri og stærri hluti fisk-
verðsins hefur verið greiddur
utan skipta. Þetta hefur verið
gertmeð myndun sameiginlegra
sjóða af útflutningsgjöldum á
sjávarafurðum. Með þessu móti
nýtur hvert skip ekki lengur að
fullu þess afla sem það færir að
landi. Þetta kerfi brýtur öll hag-
fræðilögmál, skapar rangar hug-
myndir um það, hvað sé arðbært i
sjávarútvegi á hverjum tima, og
stuðlar að rangri ákvarðanatöku.
í sumar fór af verði bræðslu-
fisks meira en helmingur af fisk-
verðinu i sjóðina, tekið sem út-
flutningsgjöld.”
Endurflytur tillögu-
um viðhalds-
þjónustu
Jón Skaftason (F) endur-
flytur þingsályktunartillögu
slna um viðgerðar- og við-
haldsaðstöðu flugvéla á Kefla-
vikurflugvelli. thenni er skor-
að á rikisstjórnina að láta at-
huga i samráði við Flugleiðir
hf. og önnur flugfélög er hags-
muna hafa að gæta á hvern
hátt hagkvæmast sé að koma
upp aðstöðu til viðgerða og
viöhalds flugvéla á Kefla-
vfkurflugvelli.
Sem kunnugt er, flutti Jón
Skaftason þessa tillögu á sið-
asta þingi, en þá varð hún ekki
útrædd.
Skólaskipan
á framhalds-
skólastigi
Helgi Seljan og Ragnar Arnalds
(Ab) hafa lagt fram þingsálykt-
unartillögu um skólaskipan á
framhaldsskólastigi. Lagt er til
að rikisstjórnin láti semja og
leggja fyrir næsta Alþingi frumv
um iöggjöf um skólaskipan á
framhaldsskólastigi. Megintil-
gangur frumvarpsins verði að
leggja grundvöll að samræmdum
framhaldsskóla, þar sem kveðið
sé skýrt á um verkskiptingu og
tengsl hinna ýnsu skóla og náms
brauta. Jafnframt þarf frum-
varpið að vera stefnumótandi um
hlutdeild rikis og hugsanlegs
mótaðila I stofnkostnaði, rekstri
og stjórnun framhaldsskólanna,
eins og segir i þessari þings-
alyktun.
Kostnaður
við sveita-vegi
ó Austurlandi
Helgi Seljan (Ab) hefur lagt
fram þingsáiyktunartillögu um
úttekt á kostnaði við sveitavegi á
Austurlandi. Gert er ráð fyrir þvi
i tillögunni, að rikistjórnin láti
framkvæma úttekt á þvi verkefni,
að gera greiðfæra sem vetrarvegi
þá vegi i sveitum á Austurlandi,
sem afgerandi þýðingu hafa fyrir
atvinnurekstur bænda (mjólkur-
flutning).
Frumvarp um breytingar ó umferðarlögum:
Hætt að umskrá ökutæki vegna
flutninga milli lögsagnarumdæma
vélsleðar skráðir. Stefnt að einfaldara skráningarkerfi bifreiða
- framvegis verða
Lagt hefur verið fram i
neðri deild stjórnarfrumvarp
um breytingu á umferðarlög-
um. Meginefni frumvarpsins
felur i sér þær breytingar á
ákvæðum umferðarlaga, að
gert er ráð fyrir þvi, að hætt
verði að umskrá ökutæki
vegna flutninga milli lög-
sagnarumdæma, svo og þvi,
að Bifreiðaeftirlit rikisins
annist skráningu ökutækja i
staö lögreglustjóra. Frum-
varpið hefur enn fremur að
geyma ákvæði um skráningu
og notkun vélsleða og um
hámarkslengd ökutækja. Þá
er lagt til, að hækkaðar verði
vátryggingarfjárhæðir fyrir
hina lögboðnu ábyrgðartrygg-
ingu ökutækja, og gert er ráð
fyrir ýmsum öðrum breyting-
um, m.a. þvi að framvegis
fylgi sama skrásetningar-
númer bifreið frá þvi að hún er
tekin f notkun og þar til hún er
tekin af skrá, enda ekki nothæf
lengur.
í athugasemdum með frum-
varpinu fylgir tafla, þar sem
fram kemur, að umskráning-
ar bifreiða hafa aukizt um lið-
lega 100% á fjórum árum.
Þannig voru þær 13321 árið
1971, en 27340 á siðasta ári. 1
framhaldi af þvi segir:
„Þessi auknu umsvif hafa
kallað á fjölgun starfsliðs og
aukinn rekstrarkostnað.
Hefur þvi á undanförnum ár-
um verið til athugunar, á
hvern hátt draga megi úr
kostnaði á þessu sviði og gera
skráningarkerfið einfaldara,
bæði fyrir þegnana og hið
opinbera. Er með frumvarpi
þessu lagður grundvöllur að
þvi að skráningu ökutækja
verði breytt á þann veg, að
tekið verði upp fast númera-
kerfi fyrirallt landiö, þar sem
meginreglan er sú, að ökutæki
haldi óbreyttum skráningar-
merkjum frá þvi þaö er fyrst
skráð og þar til það er tekið af
skrá sem ónýtt. Kostir við
þessa breytingu eru fyrst og
fremst sparnaður i vinnu og
aöstöðu, þar sem hætt yrði að
umskrá ökutæki vegna flutn-
ings milli umdæma eða ann-
arra ástæðna. Jafnframt
mundu falla niður þær skoðan-
ir, sem nú er skylt að fram-
kvæma við umskráningu.
Sparnaður þessi mundi ekki
einungis koma fram hjá þeim
opinberu stofnunum, sem hlut
eiga að máli (lögreglustjór-
um, bifreiðaeftirliti og þing-
lýsingadómurum), heldur
einnig hjá eigendum ökutækj-
anna, svo og öðrum, t.d.
vátryggingafélögum. Breytt
skráningarkerfi mundi og
auövelda viðhald ökutækja-
skrár og skýrsluvélavinnu, og
draga úr hættu á misskráning-
um. Með breytingunni mundu
falla niður þau auðkenni á
ökutækjum, sem leiða af
skiptingu landsins i
skráningarumdæmi. Gert er
þó ráð fyrir þvi, að hver lög-
reglustjóri haldi áfram skrá
yfir ökutæki i umdæmi sinu,
auk þess sem allsherjar-
spjaldskrá verður haldin, svo
sem nú er, og unnin i skýrslu-
vélum.
Undirbúningur að nýju
skráningarkerfi er þegar haf-
inn, m.a. með kaupum á
skráningarvél, sem skráir
upplýsingar um ökutæki,
vegna spjaldskrár og á
skráningarskirteini, auk þess
sem hún gatar á strimil upp-
lýsingar til úrvinnslu i
skýrsluvélum. Er gert ráð
fyrir þvi, að hvert ökutæki
verði auðkennt með tveimur
bókstöfum og þremur tölustöf-
um. Þessi undirbúningur er
óháður þvi, hvort skráningar-
merkjum verður breytt eða
ekki, en kemur að notum, ef
horfið verður að þvi ráði að
breyta þeim, en ekki er nauð-
synlegt að skipta um merki á
öllum ökutækjum samtimis.”