Tíminn - 21.10.1975, Page 11

Þriðjudagur 21. október 1975
TÍMINN
11
„Vandi frdskilinna
feðra með börn smámunir
hjá vandamálum fráskilinna kvenna í sömu
aðstöðu" — 296 einstæðir feður með börn á landinu, þar af um 150 fráskildir
SJ-Reykjavík Nærri mun láta að
fráskildir feður, sem hafa forræði
barna sinna, séu um 150 á öllu
landinu. Þetta kemur fram i
grein, sem fráskilinn faðir Egill
Friðleifsson ritar í nýútkomið
félagsbréf Félags einstæðra for-
eldra. Undrasthann, að fleiri feð-
ur skuli ekki hafa forræði barna
sinna,en hjónaskilnuðum fjölgaði
nær um helming á áratugnum
1963 tii 1973 (úr 196 i 384). Börnin
fylgja móðurinni i langflestum
tilvikum eftir skilnað, þótt réttur
föðurins eigi að vera sá sami
samkvæmt lögum.
— Getur verið, að móðurréttur-
inn sé sterkari þegar á reynir, eða
vilja feður hreinlega ekki fá for-
ræði barna sinna? spyr Egill.
Sennilega eiga báðar tilgáturnar
við einhver rök að styðjast. Ef
ekki næst samkomulag um for-
ræði barna við skilnað, fellur úr-
skurður yfirvalda oftast móður-
inni i vil, og oft mun það gerast,
að faðir gefur eftir sinn rétt vegna
þess að honum vex i augum það
amstur og erfiði, sem uppeldi og
heimilisstörf útheimta. Veiga-
mikil rSi eru einnig, að ekki þykir
heppilegt að sti'a systkinum i
sundur við skilnað.
Það er vi'ðtekin skoðun, að karl-
menn séu vart færir um að ala
upp börn svo i lagi sé. Athugun
bendir hins vegar til, að bömum
virðist ekki siður vegna vel hjá
föður en móður. Ef samanburður
er gerður á högum einstæðra
feðra og mæðra, kemur i ljós, að
feðurnir eru mun betur settir
hvaðytri aðbúnað snertir, þegar
á heildina er litið. Þeir standa oft-
ast fastari fótum i atvinnulifinu
og hafa hærri meðaltekjur. Hús-
næði þeirra er i mun betra lagi og
svo mætti lengi telja.
— Nú má enginn skilja orð min
svo, að verið sé að kasta rýrð á
móðurhlutverkið, segir Egill. —
Ég vil aðeins benda á að við búum
við breytta þjóðfélagshætti, þar
sem hefðbundin verkskipting
kynjanna er á hröðu undanhaldi.
Mæður vinna i auknum mæli utan
heimilis.og áreiðanlega væri far-
sælla i mörgum tilvikum, ef hlut-
ur feðra væri stærri i uppeldis-
málum-en nú er.
Og Egill Friðleifsson spyr er.n,
hver séu helztu vandamálin, sem
mæta föður, er halda vill heimili
fyrir börn sin? E.t.v. fyrst og
fremst heimilisstörfin, i sumum
tilvikum að minnsta kosti (hér er
sleppt þeim tilfinningalegu og
fjárhagslegu erfiðleikum, sem oft
fylgja skilnaði, og er vandamál
beggja aðila). Það getur verið
töluvert átak fyrir mann, sem
vanur er þvi eftir langan vinnu-
dag að setjast inn i sófa með
kaffibolla i annarri hendi og dag-
blað i hinni, að þurfa allt i einu að
burðast við að elda mat, puða við
að þvo og skúra og jafnvel reyna
að staga i sokka eða gera við
saumsprettu. Störf, sem eru svo
auðveld þegar horft er á aðra
vinna þau, vefjast svo sannarlega
fyrir þeim, sem óvanir eru. Hins
vegar eru þetta engan veginn
óyfirstiganlegir erfiðieikar. Það
tekur aðeins tima að venjast
breyttum aðstæðum, og með
æfingunni hefst það. Alla vega
eru það smámunir hjá vanda frá-
skildu móðurinnar, sem þarf að
fara út á vinnumarkaðinn
kannski eftir áralangt hlé,og á oft
aðeins kost á illa launuðu og
erfiðu starfi.
Þess skal að lokum getið, að 1.
des. 1974 voru á öllu landin 5013
einstæðar mæður er höfðu forræði
12343 barna, en einstæðir feður
voru 296 með 732 börn á sinum
vegum. Ef tölur þessar eru lagðar
saman kemur i ljós, að hér er um
að ræða næstum tiunda hluta is-
lenzku þjóðarinnar. Félag ein-
stæðra foreldra hefur þvi mjög
þýðingarmiklu hlutverki að
gegna, að gæta hagsmuna þeirra
rúmlega 13 þúsund barna, er hér
um ræðir.og vinna að þvi að veita
þeim sömu skilyrði til vaxtar og
þroska og önnur börn hafa. Það er
aðalatriðið. Að þvi marki er vert
að keppa.
LEÐURHUSGÖGN
Nú stóraukum við úrvalið í leðurhúsgögnum
Þér getið valið úr a.m.k. 5 gerðum og 9 litum
af sófasettum og stakir leðurstólar eru fyrirliggjandi
í miklu úrvali, íslenzkir, norskir eða belgískir
Nýja leðurdeildin er á 3ju hæð og þangað bjóðum við öllum
þeim að koma, sem eru að leita að vandaðri og góðri vöru
Verzlið
þar sem
úrvalið er
mest og
kjörin bezt