Tíminn - 31.10.1975, Blaðsíða 2
2
TÍMINN
Föstudagur 31. október 1975
Vinaþjóðir ættu að
ná samkomulagi
— spjallað við Bernhard Zepter, tull-
trúa v-þýzka utanríkisráðuneytisins,
um landhelgisdeiluna við Islendinga
MM—Reykjavik — Ég hef alltaf haft mikinn áhuga á íslandi og
langaö til aö koma hingað, en ekki heppnazt þaö fyrr en nú. Land
ykkar er stórkostlegt, ennþá stórkostlegra cn maður getur imyndaö
sér af myndum, sagöi Bernhard Zepter, er blaðamaður Tlmans
rabbaöi við hann á Hótcl Sögu á miðvikudagskvöldið. — Hlé hefur
verið gert á umræðum að sinni, en við gengum að þvi visu að geta
ekki snúið til baka með lullunna samninga að loknum þessum
áfanga.
— Við gerðum grein fyrir skoðunum okkar við isl. rikisstjórn-
ina, og þær voru einnig ræddar. Það er augljóst, að rikisstjórn ykk-
ar verður á fá umhugsunarfrest og þarf að ræða tillögur okkar á
þingi og i stjórn. í þeim kemur ýmislegt nýtt fram, og þvi er óeðli-
legtannaðen islenzka rikisstjórnin taki sér tima til þess að ákveða,
að hve miklu leyti þeir geta komið til móts við okkur. En með þess-
um tillögum okkar göngum við eins langt og okkur frekast er unnt.
Það varð að samkomulagi að láta ekki uppi að svo stöddu gang
málanna i einstökum atriðum. En ég get þó sagt það, að um bein
efnisleg atriði var að ræða, svo sem aflamagn, viðurkenningu 200
milnanna, tollaivilnanir samkvæmt „bókun sex” i samningi EBE.
hvar hægt væri að veiða og hvar ekki, hvar hvar það væri óæskilegf
frá liffræðilegu sjónarmiði. Fljótlegt ætti að vera að komast að
samkomulagi um friðunarsvæði.
Lengd samningstimabils kom einnig til umræðu. Við sögðum
strax frá byrjun vilja semja um eins langan tima og mögulegt væri,
en tslendingar vilja hafa eins stuttan tima og hægt er, og þetta er at-
riði, sem enn eru skiptar skoðanir um.
— Ef komizt verður að samkomulagi, verða þá 200 milurnar
viðurkenndar?
— Við erum reiðubúnir að gera samninga um veiðar á 200 milna
svæðinu, með tilliti til réttarfarslegra réttinda íslendinga, burtséð
frá þvi, hvað alþjóðalög mæla fyrir um Við getum hins vegar ekki
rofið samstöðu Efnahagsbandalagsins á hafréttarráðstefnunni. ís-
lendingum ber lika að hafa skilning á þvi. Þetta þýðir þó ekki, að
ekki séhægt að finna úrlausn, sem væri aðgengileg fyrir báða aðila.
— Hvað um „bókun sex”?
— Við höfum frá byrjun gert grein fyrir þvi, að ef samkomulag
næðist, stæðum við ekki lengur i vegi íyrir, að bókunin kæmi til
framkvæmda. Að sjálfsögðu þurfa hin bandalagsrikin að gefa
samþykki sitt lika. En það mun sem sagt ekki standa á okkur.
— Hefur verið fjallað um 50 milna lögsöguna sérstaklega, og veið-
ar innan hennar?
— Þegarkomizt verður að samkomulagi um aflamagn og fiskteg-
undir, er ekki rétt að vera með smámunasemi i sambandi við 50
milna linuna. Taka ber 200 milurnar sem eina heild, og tslendingum
ætti að vera sama, hvar á svæðinu veitt er.
Við höfum mestan áhuga á karfa og ufsa og erum reiðubúnir að
hætta þorskveiðum.
Af þeim ástæðum, og áðurnefndri friðun vissra svæða, koma sum
svæði alls ekki til greina fyrir okkur.
— Þýðir þetta að Þjóðverjar hafi takmarkaðan áhuga á svæðum
innan 50 milna markanna?
— Þvi vil ég ekki halda fram. Það sýnir sig, að vissu aflamagni
verður ekki náð, nema með þvi að fara inn fyrir þau mörk.
— Er langt i land með samkomulag i mörgum atriðum?
— Ekki tel ég það. Ég hef fylgzt með umræðunum, og ég er i raun
og veru mjög bjartsýn- um að við komumst mjög bráðlega að sam-
komulagi. Ég hygg, að báðir aðilar hafi áhuga á að semja, og við
höfum lagt áherzlu á það i umræðunum, að okkur er i mun, að betra
andrúmsloft riki i samskiptum landanna en verið hefur. Og við vilj-
um endurvekja hin hefðbundnu tengsl, sem alltaf hafa verið milli
þessara landa. Það er fráleitt að fjarlægjast svo mjög, sem við
höfum gért, út af ágreiningi, sem vel er mögulegt að leysa.
Ég viðurkenni, að við erum ekki sammála i nokkrum atriðum, en
ég er sem sagt vongóður um að erfiðleikarnir verði yfirunnir. Það
eru ekki alvarlegir erfiðleikar, heldur meira sérþætt vandamál. En
sem stendur þurfa báðir aðilar umhugsunarfrest.
Umræðurnar fóru fram á vinsamlegan hátt, en þó mjög ákveðinn.
Við hofum míkinn skílning á málstað Islendinga, þar sem þið eruð
svo háðir fiskveiðum. En við eigum lika við innanrikisvandamál að
striða það er talsvert atvinnuleysi, og við verðum að semja við for-
ráðamenn i fiskiönaði okkar i þessum málum. En við erum reiðu-
búnirað taka á okkur pólitiska erfiðleika, sem af samningunum við
Islendinga kunna að leiða.
Kæningjarnir þrir
Nú eru aðeins eftir tvær sýningar
á þessum leikritum i Þjóðleikhús-
inu. RINGULREIÐ þeirra Flosa
Ölafssonar ög Magnúsar Ingi-
marssonar verður sýnd i næst sið-
asta sinn á þriðjud., og i
allra siðasta sinn á fimmtudags-
kvöld. Óperuskopstlæing þeirra
félaga hefur vakið hrifningu
þeirra, sem séð hafa en sýningar
eru orðnar 15. Fimm leikarar
koma fram i sýningunni: Sigriður
Þorvaldsdóttir, Randver Þor-
láksson, Arni Tryggvason,
Ingunn Jensdóttir og Guðrún
Stephensen, auk dansmeyja og
hljómsveitar, sem Arni Elfar
stjórnar.
Barnaleikritið vinsæla
KARDEMOMMUBÆRINN verð-
ur nú að vikja af Stóra sviðinu
vegna nýs barnaleikrits, sem er i
æfingu. Næst siðasta sýning á
Kardemommubænum, og jafn-
framt sú 63, verður á sunnu-
daginn kl. 15. Allra siðasta sýning
verður sunnudaginn 9. nóvember.
Klemens Jónsson er leikstjóri
sýningarinnar, en hlutverk ræn-
ingjanna þriggja eru nú i höndum
Ævars R. Kvarans, Randvers
Þorlákssonar og Guðjóns Inga
Sigurðssonar. Guðrún Stephensen
leikur Soffiu frænku og Arni
Tryggvason Bastian bæjarfógeta.
Hljómsveitarstjóri er Carl
Billich.
Níu manns
fengu
riddara-
krossinn
FORSETI Islands sæmdi i gær
eftirtalda islenzka rikisborgara
riddarakrossi hinnar islenzku
fálkaorðu: Arna Bjarnason, for-
mann þjóðræknisfélags Akureyr-
ar, fyrir störf aö tengslum við
Vestur-lslendinga, Guðlaugu
Narfadóttur, Akureyri, fyrir störf
að bindindis- og félagsmálum,
Guðlaug Þorvaldsson, rektor Há-
skóla Islands, fyrir embættis-
störf, Hallgrim Dalberg ráðu-
neytisstjóra fyrir embættisstörf,
Ragnhildi Ingibergsdóttur yfir-
lækni fyrir embættisstörf, Sigurð
Sigurgeirsson, fv. formann Þjóð-
ræknisfélags Islendinga, fyrir
störf að tengslum við Vestur-Is-
lendinga, Sigurlaugu Arnadóttur,
Hraunkoti i Lóni, Skaftafells-
sýslu, fyrir störf að menningar-
og félgsmálum, Unni Agústsdótt-
ir, formann Thorvaldsensfélags-
ins, fyrir störf að liknar- og fé-
lagsmálum, og Valgarö Briem
hæstaréttarlögmann fyrir störf
að umferðarmálum.
Þorlákshafnarbátur sökk:
VARPAN LOKAÐI
LENSPORTUNUAA
BT—Þorlákshöfn — Brynjólfur
AR 4 sökk uin hálffimmleytið að-
faranótt fimmtudags, þar sem
hann var að veiðum niu sjómilur
vestur af Vestmannaeyjum. Skip-
verjar á Brynjólfi, sem voru sex
talsins, komust allir áfallalaust
um borö i Arnar AR 55, sem var
að veiöum þarna skammt frá.
Ahugaleikarar á þingi
Á ÞESSU ári eru 25 ár liðin frá
stofnun Bandaiags islenzkra leik-
félaga — BIL — og af þvi tilefni
heldur bandalagið ráðstefnu i
Reykjavik 1. og 2. nóvember
næstkomandi, þar sem fjallað
verður um stöðu áhugaleikfélaga,
starf þeirra og afkomu. Ráðstefn-
una sækja um 40 fulltrúar hvað-
anæva af landinu, og til hennar er
auk þess boðið gestum frá stofn-
unum og félagasamtökum tengd-
um leiklistarstarfi.
Dagskrá ráðstefnunnar verður
i höfuðatriðum þessi: Vilhjálmur
Hjálmarsson menntamálaráb-
herra flytur ávarp Vigdis Finn
bogadóttir ræðir áætlanir LR um
„Leikviku landsbyggðarmn-
ar,”
Jónina Kristjánsdóttir, formaður
BIL, segir frá norrænu samstarfi
áhugaleikfélaga, Helga Hjörvar,
framkvæmdastjóri BIL, greinir
frá stamstarfi BIL og Þjóffleik-
hússins og alþjóðasamstarfi,
Fylkir Ágústsson, fulltrúi Litla
leikklúbbsins á tsafirði, flytur
framsögu um meginviðfangsefni
ráðstefnunnar, sem fyrr er getið,
og siðan hefjast umræður.
Ráðstefnan verður i Tjarnar-
búö og hefst klukkan' 14.00 báða
dagana.
Brynjólfur var á spærlings-
veiðum, og slysið varð með þeim
hætti, að sjófylla kom á skipið og
varpan kastaðist inn á þilfarið og
lokaði lensportunum. Mikil slag-
siða kom þá á skipið, sem sökk
skömmu siðar.
Brynjólfur var hið mesta
happa- og aflaskip. Hann var 127
lestir, smiðaður á Akureyri. Eig-
andi var Meitillinn i Þorlákshöfn,
sem eignaðist skipið 1972.
Skipstjóri á Brynjólfi var Guð-
mundur Guðfinnsson, en skip-
stjóri á Arnari er Einar Sigurðs-
son, sem áður var skipstjóri á
Brynjólfi.
Sjópróf i málinu átti að fara
fram á Selfossi i gær.
Leigubílstjórar
kæra varnarliðs-
menn fyrir fólsku
legar árásir
BH—Reykjavik — Leigubif-
reiðarstjórar á Keflavikurflug-
velli liafa kært lil lögregiuemb-
ættisins þar árásir drukkinna
varnarliðsmanna á sig og farar-
tæki sin. Að sögn Jóns Magnús-
sonar, l'ormanns bifreiðarstjóra-
l'élagsins Fylkis i Keflavik, virð-
istsvo scm yfir gangi alda áreitni
varnarliðsmanna við bifreiðar-
stjóra. Þorgeir Þorsteinsson, lög-
rcglustjóri á Keflavikurflugvelli,
staðfesti i viðtali við Tiinann i
gær, aö til rannsóknar hjá emb-
ættinu væru nokkur mál þessa
eðlis, en góðar vonir væru um, að
upp á sökudólgunum hæfist innan
skamms.
Að sögn Jóns Magnússonar
gerðust fjögur slik atvik núna um
helgina. Tveir varnarliðsmenn
réðust á bifreiðarstjóra og lömdu
hann, er hann hafði ekið þeim að
ibúðarblokk. Siðan stungu þeir af,
en er hann kom að sömu ibúðar-
blokk siðar um kvöldið, komu
þessir menn út og grýttu bifreið-
ina.
Á laugardagskvöldið réðust
tveir menn á annan leigubifreið-
arstjóra að loknum akstri og
lömdu hann, en stungu siðan af.
Að sögn Jóns gæti verið um sömu
menn aðtæða, eftir lýsingum að
dæma.
A laugardagskvöldið gerði hóp-
ur varnarliðsmanna aðsúg að bif-
reið utan við Viking Club. Klifr-
uðu þeir upp á bifreiðina og
spörkuðu i hana, og sátu fjórir
aftan á farangursgeymsluloki,
þegar . bifreiðarstjórinn sá sitt
óvænna og ók af stað.
Þá sagðist Jón Magnússon hafa
orðið fyrir þvi fyrir utan ibúðar-
blokk á vellinum, að þjarmað
hefði verið að honum og skemmd-
um valdið á bifreið hans. Hefði
hann verið kallaður að blokkinni,
og hefði þá um fimmtán manns
komið út og veitzt að bifreiðinni.
Hefði t.d. einn valdið skemmdum
á farangursgeymsluloki, og hafði
Jón ætlað að veita honum eftirför,
en hinn horfið út i náttmyrkrið.
Erhann kom að bifreiðinni aftur,
hefðu 2-3 setið uppi á henni, en
snarazt niður, er hann settist við
stýrið og ók á brott. Hefði bif-
reiðin orðið fyrir talsverðum
skemmdum.
Jón kvað vandræðaástand hafa
verið að skapast siðustu árin, og
væri mikill munur á háttalagi sjó-
liðanna, sem nú væru á veliinum,
og flugliðanna áður. Þó keyrði um
þverbak, eftir að mannaskipti
urðu nú siðast og ..Szaudron VP-
56” tók við af „VP-16”.
TELPA
SLASAST
gébé Rvik— Alvarlegt umferðar-
slys varð á Nesvegi á móts við
Tjarnarból um klukkan átta i
gærmorgun. Ellefu ára telpa,
sem var á leið i skólann, hjólaði
yfir götuna til að komast yfir á
hægri akrein, en varð þá fyrir bif-
reið, sem var á leið vestur úr.
Telpan slasaðist mikið og var
flutl á slysadeild Borgarspitalans
og þegar siðast fréttist, var hún
ekki komin til meðvitundar.