Tíminn - 14.11.1975, Blaðsíða 14
14
TÍMINN
Föstudagur 14. nóvember 1975
LÖGREGLUHA TARINN
66 Ed McBain
ið La Bresca í bifreið sinni á föstudagskvöldið var líka
ókunn stærð. Um hana var ekkert vitað. Starf smenn lög-
reglunnar bauð i grun að ef hafa mætti upp á öðru hvoru
þeirra þá mætti toga út úr þeim sannleikann með ein-
hverju móti. Þá væri hægt að fá úr því skorið hvort hinn
fyrirhugaði verknaður'væri að einhverju leyti tengdur
morðunum. Þá myndi einnig koma í Ijós hvort La Bresca
væri á einhvern hátt tengdur heyrnardaufa manninum.
Lögreglan var með fjöldann allan af ósvöruðum
spurningum. Það vantaði aðeins einhvern til að veita
svörin.
Donner fékk þegar samband:
—„Ég held ég viti hver hann er þessi Dom, sem þú ert
að leita að,“ sagði hann við Willis.
— Fyrirtak. Hvert er eftirnafnið?
— Di Fillippi. Dominick Di Fillippi. Hann býr i River-
head hverfinu hjá gamla Coliseum. Kannast þú nokkuð
við hverfið?
— Heldur betur. Hvað hefur hann á samvizkunni?
— Hann vinnur með Coxial Cable-hópnum.
— Einmitt það, sagði Willis.
— Það er lóðið?
— Hvað svo?
— Hvað áttu við?
— Hvað á þetta að segja mér?
— Þetta hvað?
— Þetta sem þú varst að segja mér. Er þetta eitthvert
dulmál?
— Er hvað dulmál? — spurði Donner, sakleysislega.
— Coxial Cable.
— Alls ekki. Þetta er hljómsveit.
— Þessi Cable hópur?
— Einmitt. En nú kallast þetta hópur en ekki hljóm-
sveit.
— Hvað kemur þessi hljómsveit málinu við?
— Hljómsveitin heitir Coxial Cable.
— Þú ert að grínast, sagði Willis.
— Hjálpi mér allir heilagir, ef ég lýg einu orði.
— Á hvaða hljóðfæri leikur Di Fillippi?
— Ryþmagítar, svaraði Donner spozkur.
— Hvar get ég haft uppi á honum?
— Heimilisfangið er North Anderson 365.
— Er það í Riverhead?
— Svo sannarlega.
Þýðandi Haraldur Blöndal
J
— Hvernig veiztu að hann er sá sem við leitum að?
— Hann er einn af þessum loftbólulistamönnum.
Undanfarnar vikur hefur hann verið að barma sér yfir
því að hafa tapað stórupphæðum vegna hnefaleika-
keppninnar. Það hefði mátt halda að það væru nokkur
hundruð þúsund, en i raun og veru voru það aðeins tutt-
ugu og f imm þúsund. Það er engin stórupphæð, er það?
— Haltu áfram.
— En hann hef ur einnig mikið um það rætt undanfar-
ið, að hann viti um stórverknað, sem eigi að hrinda í
f ramkvæmd.
— Hverjum segir hann þetta?
— Einn hljómsveitarmannanna er gamall uppgjafa-
jálkur. Ég hef sambönd við hann. Þannig komst ég á
sporslóð Di Fillippi. Þeir lentu á fylleríi fyrir tæpum
fjórum dögum. Þá var Di Fillippi að gorta af þessari
vitneskju sinni.
— Nefndi hann nokkuð hvers eðlis verkið væri?
— Nei.
— Hvers konar fyllerí var þetta? Áfengi eða eitur?
— Eitur. Vinsamlegt kvöld, notalegt og hlýlegt.
— Kannski var Di Fillippi viti sínu fjær?
— Það er líklegt. Hvað kemur það annars þessu við?
— Hann gæti hafa dreymt þetta allt, sagði Willis.
— Það held ég ekki.
— Minntist hann nokkuð á La Bresca?
— Ekki einu orði.
— Nefndi hann nokkuð hvenær verknaðinn ætti að
vinna?
— Nei.
— Ekki er þetta nú mikið að styðjast við, Fats.
— Fimm þúsund króna virði.
— Tvö þúsund í mesta lagi, sagði Willis.
— Nei, heyrðu mig nú, þetta var hreint ekki svo lítil
fyrirhöfn hjá mér.
— Það minnir mig á annað, sagði Willis.
— Huh?
— Losaðu þig við þennan leikfélaga þinn.
— Huh?
— Stúlkuna. Næst þegar ég hitti þig verður hún að vera
farin.
— Hvers vegna?
— Ég velti þessu fyrir mér og komst að neikvæðri
niðurstöðu.
14. nóvember
7.00 Morgunútvarp Veður-
fregnir kl. 7.00, 8.15 og 10.10.
Morgunleikfimi kl. 7.15 og
9.05. Fréttir kl. 7.30, 8.15 (og
forustugr. dagbl.), 9.00 og
10.00. Morgunbæn kl. 7.55.
Morgunstund barnanna kl.
8.45: Guðrún Guðlaugsdótt-
ir les „Eyjuna hans Múmin-
pabba” eftir Tove Jansson i
þýðingu Steinunnar Briem
(14). Tilkynningar kl.
9.30.Þingfréttir kl. 9.45. Létt
lög milli atriða. Spjallað viö
bændur kl. 10.05 tJr hand-
raðanum kl. 10.25: Sverrir
Kjartansson talar við Guð-
nýju Jónsdóttur frá Galta-
felli: annar þáttur. Morgun-
tónleikar kl. 11.00:
12.00 Dagskráin. Tónleikar.
Tilkynningar.
12.25 Fréttir og veðurfregnir.
Tilkynningar.
13.00 Við vinnuna: Tónleikar.
14.30 Miðdegissagan :
„Fingramál” eftir Joanne
Greenberg Bryndis Vig-
lundsdóttir les þýðingu sina
(3).
15.00 Miðdegistónleikar
15.45 Lesin dagskrá næstu
viku
16.00 Fréttir. Tilkynningar.
(16.15 VeðurfregnirJ.
16.20 Popphorn
17.10 Útvarpssaga barnanna:
„Tveggja daga ævintýri”
eftir Gunnar M. Magnúss.
Höfundur ies sögulok (9).
17.30 Tónleikar. -Tilkynning-
ar.
18.45 Veðurfregnir. Dagskrá
kvöldsins.
19.00 Fréttir. Fréttaauki. Til-
kynningar.
19.35 Daglegt mál Helgi J.
Halldórsson flytur þáttinn.
19.40 Þingsjá Kári Jónasson
sér um þáttinn.
20.00 Frá tónleikum Sinfóníu-
hljómsveitar tslands i Há-
skólablói kvöldið áður.
Stjórnandi: Karsten Ander-
sen. Einleikarar: Gayle
Smith og Hideko Udegawa.
Stúlkur úr kór Menntaskól-
ans við Hamrahlíð syngja.
Kórstjóri: Þorgerður
Ingólfsdóttir. a. Þrjár nok-
túrnur eftir Debussy. b.
„Upp til fjalla”, svita eftir
Árna Björnsson. c. Konsert
fyrir fiðlu og selló eftir
Brahms.
21.30 Útvarpssagan: „Fóst-
bræður” cftir Gunnar
Gunnarsson Jakob Jó-
hannesson Smárri þýddi.
Þorsteinn ö. Stephensen
leikari les (15).
22.00 Fréttir.
22.15 Veðurfregnir. Dvöl
Þáttur um bókmenntir.
Umsjón: Gylfi Gröndal
22.50 Afangar Tónlistarþáttur
i umsjá Ásmundar Jónsson-
ar og Guðna Rúnars Agn-
arssonar.
23.40 Fréttir i stuttu máli.
Föstudagur
14. nóvember
20.00 Fréttir og veður
20.30 Dagskrá og auglýsingar
20.40 Kastljós. Þáttur um inn-
lend málefni. Umsjónar-
maður Guðjón Einarsson.
21.30 Samleikur á gitar og
biokkflautu. Snorri örn
Snorrason og Camilla Söd-
erberg leika. Stjórn upptöku
Tage Ammendrup.
21.50 Ast. (Laska). Tékknesk
biómynd frá árinu 1973.
Leikstjóri er Karel Kach-
yna, en aðalhlutverk leika
Oldrich Kaiser, Jaroslava
Schatterova, Milena
Dvorska og Frantisek Vel-
esky. Eva hittir af tilviljun
fyrrverandi unnusta sinn,
Brukner. Þau eru bæði frá-
skilin. Hún á 16 ára dóttur
og hann á son á liku reki.
Feðgarnir flytja heim til
Evu. en sambúðin er ekki
árekstralaus. Þýðandi Ósk-
ar Ingimarsson.
23.20 I'agskráriok.