Tíminn - 10.12.1975, Blaðsíða 6

Tíminn - 10.12.1975, Blaðsíða 6
TÍMINN Miövikudagur 10. desember 1975. LYÐRÆÐI? Er lýðræðið réttasta stjórnarformið? Undarlega er spurt. Það er viðtekinn skilningur á þessu landi, að lýðræðisskipulagið sé það skipulag, sem okkur hentar bezt. Lýðræðið beizlar krafta allra þegna samfélagsins, og þar er bezta og skynsamlegasta stefnan i þjóðmálum mótuð með umræðum og skoðanaskiptum meðal sem flestra. Það er sagt, að lýðræðið með alla sina galla sé bezta og réttlátasta stjórnskipulagið, sem völ er á. Hvers vegna tekst okkur þá ekki að stjórná þessu örsmáa samfélagi okkar, þegar við höfum bezta kerfið, sem völ er á? Islendingar eru ekki fátækir, þeir eru auðugir. Við tilheyrum hinum svokölluðu sóunarþjóðfélög- um. Við eigum miklar náttúruauðlindir. Við eyðum langt umfram það sem við öflum og stundum rán- yrkju á auðlindum okkar. Þjóðin býr við almenna velmegun. Það er gæfa okkar, að hér þekkjast ekki fátækrahverfi. Hérlendis er óstjórnlegt ráðleysi og sóun i meðferð fjármuna. Hér er þjóðarframleiðsla á mann með þvi hæsta sem gerist. Við greiðum lægri laun en sambærilegar þjóðir. Við styrkjum vanþróaðar og fátækar þjóðir en þiggjum að laun- um hærra framlag frá Sameinuðu þjóðunum. Hægt er að telja dæmin lengi. Hvarvetna blasir við óstjórn og skipulagsleysi. Alþingi er kennt um, en þegar mest á riður og til stendur að stýra efna- hagsmálum þessarar þjóðar, þá birtast aðilar vinnumarkaðarins. Hverjir eru þeir? Jú, það eru þeir sem krefjast þess, að samningsfrelsið um vinnulaun sé óhef t. Þeir eru hinsvegar þeir sörnu og ney ttu lýðræðislegra réttinda sinna og völdu ménn á Alþingi til þess að gæta hagsmuna sinna og stjórna þjóðinni i þeirra umboði. Vilja íslendingar ekki láta að stjórn, eða eru ef til vill einkenni verðbólgusýkinnar og efnahags- óstjórnar að koma i ljós? Sérfræðingar og fræði- menn halda þvi fram, að ekkert lýðræðisriki stand- ist óðaverðbólgu til lengdar. Þeir nefna dæmi máli sinu til stuðnings. Okkur væri hollt að hugsa til þess, sem gerðist i Þýzkalandi, er þjóðernissinnaðir jafnaðarmenn komust til valda, og þess sem nú er að gerast á ítaliu. Þar hafa verið hvað skamm- lifastar rikisstjórnir, og uppgangur fasista virðist sifellt vera að eflast. Gallar lýðræðiskerfisins eru sifellt að verða okkur ljósari. Þess vegna eigum við að gera okkur grein fyrir þeim og breyta vinnuaðferðum okkar i sam- ræmi við það. Breytingarnar þurfa að verða þær, að Alþingi taki og beiti valdi sinu til þess að stjórna,að hver alþingismaður telji sig kjörinn til þess að sinna almannahagsmunum, en ekki oft fánýtum og litils- verðum málefnum þrýstihópa. Alþingismenn verða að lita upp úr kraðaki fyrirgreiðslupólitikurinnar og smámálanna. Þeir ættu lika að hafa það i huga, að almenningur i landinu væntir þess að þeir stýri landinu, og að sá maður, sem hefur skoðun, nýtur alltaf virðingar. P.E. Umsjónarmenn: Helgi H. Jónsson og Pétur Einarsson Aðalfundur FUF í Kópavogi Aöalfundur FUF i Kópavogi var haldinn 2. desember siöast- liöinn. Fundurinn var ágætlega sóttur og umræður allgóðar. Magnús Olafssonformaöur SUF kom á fundinn og flutti ávarp. Jóhann H. Jónsson forseti bæjarstjórnar Kópavogs flutti ræöu um bæjarmál. Kjörin var ný stjórn félagsins en hana skipa: Formaöur: Sveinn Jónsson, varaformaöur Vilhjálmur Einarsson, ritari Baldvin J. Erlingsson, gjaldkeri Auöunn Snorrason og me&stjórnandi Már Pétursson. I varastjórn: Jón B. Pálsson, Pétur Einars- son, Ragnar Sn. Magnússon, Magnús Leópoldssonog Magniis Strandberg. Hinn nýi formaöur FUF I Kópavogi Sveinn Jónsson er húsasmlðameistari fæddur 1943 á ísafirði og flutti til Kópa- vogs 1949 og hefur starfað vel að málum Framsóknarflokksins I Kðpavogi. Eftirfarandi tillögur voru samþykktar á fundinum: Aðal- fundur FUF i Kópavogi skorar á rikisstjórn íslands að slita nú þegar stjórnmálasambandi við Breta, vegna hernaðaraðgerða þeirra á íslandsmiðum. Fund- urinn mótmælir harðlega að aö- ildarrikjum i Atlantshafsbanda- laginu haldizt endurtekið uppi að beita vopnlausa aðildarþjóð sliku ofbeldi og telur að slíkt hljóti að leiða til endurmats á stöðu okkar i bandalaginu. Enn- fremur verði alvarlega athugað með lokun herstöðvarinnar og a.m.k. stórlega dregið Ur öllu samstarfi við NATO. Sfðan var samþykkt tillaga um dagheimilismál i Kópa- vogi: Þörf fyrir dagheimili er brýn i Kópavogi. ógnvekjandi tölur hafa birzt um börn á bið- lista. Aðalfundurinn hvetur full- trúa Framsóknarflokksins f bæjarstjórn Kópavogs til þess að beita áhrifum sinum þannig að leyst verði úr þessum aðkall- andi vanda hið fyrsta. Aðalfundurinn leggur áherzlu á nauðsyn þess fyrir nUtimaþjóð- félagiö að starfrækt séu nógu mörg dagheimili og leikskólar. Það er m.a. snar þáttur í jafn- rétti kynjanna. Stjórn FUF I Kópavogi 1975: Vilhjálmur Einarsson, Már Pétursson, Jón B. Pálsson, Pétur Einarsson, Au&unn Snorrason, Ragnar Magnússon og Sveinn Jónsson talið frá vinstri. Þriðji heimurinn þróunarlöndin A meðan þú lest eina málsgrein I þessari skýrslu fæðast nlu börn i þénnan heim, en fimm manns deyja. Ríimlega fimmti hver maöur getur þó ekki lesið slika málsgrein vegna ólæsi. Mannkyniðer að fylla fjórða mill- jaröinn. íbuatala jarðar er talin 3.860 millj. og er þvi spáð, að árið 2007 muni mannkyninu hafa fjölgaö um helming frá þvl sem nú er, en árleg fjölgun yfir heim- inn allan er samkæmt skýrslum Sameinuðu þjóöanna, 2,1%. Um næstu aldamót munu 4/5 jarðar- biia bUa I löndum þriðja heimsins þ.e. Asiu, Afriku og rómönsku Ameriku, en I dag eru það 2/3 hlutar. Sá þriöjungurer býr i iðn- rikjunum á erfitt meö að gera sér grein fyrir þeim vandamálum er þjaka þá 2/3 hluta mannkyns er búa við vannæringu, örbirgð og skort. En hafa veröur I huga mis- skiptinguheimsinsgæða. Taliðer að tlundi hluti ibúa jaröar ráði yfir 60% af tekjum jaröarbúa, en hinir nlu tlundu hlutarnir verða að láta sér nægja 40% af tekjun- um. Jafnframt breikkar stöðugt biliö milli Hfskjara Ibúanna í iðn- rfkjunum og þróunarlöndunum. En hvað veldur skiptingu heims- ins I rlkar þjóðir og snauöar? Þaö neyðarástand sem rikir i Asíu, Afriku og rómönsku Ameriku veröur ekki skýrt með þvi einu aö benda á náttúruham- farir og offjölgun sem aðalorsök hungursneyðar. Vissulega hafa þurrkar i Vestur-Afriku og flóð I Bangla-desh mikil áhrif og valda hungursneyð hjá milljónum manna sem fyrir þessum náttiiruhamförum verða. En skortur og neyð er þjaka alþýðu þriðja heimsins á sér dýpri rætur, sem skýra má á sögulegan hátt og með skýrskotun til efnahagslegra og pólitiskra valdahlutfalla i heiminum. 1 sögulegu tilliti verð- ur þyngst á metunum að rifja upp þær afleiðingar iðnbyltingarinnar að þjóðir Evrópu og Norð- ur-Ameríku fóru að sækjast eftir hráefnum og mörkuðum er hafði i för með sér þá nýlendustefnu er upp Ur 1870 leiddi til skiptingar heilla heimsálfa milli auðugra og Framhald á 14. siðu. I „viSmiðunarútreikningi" samkvæmt heimslmyndinni er ekki gert ráð fyrii neinni meiri háttar breytingu á þeim efnislegu, fjárhagslegu eða félags- legu tengslum, sem ráðið hafa þróun heimskerfisins hingað til. Állar breyti- stærðir, sem hér eru sýndar, eru í samræmi við staðreyndir sögunnar á timabilinu 1900-1970. Matvæli, iðnaðarframleiðsla og fólksfjöldi fara veldisvaxandi, þangað til hraðminnkandi auðlindaforði knýr fram hægari iðnvöxt. Vegna eðlislægra tafa I kerfinu halda bæði fólksfjöldi og mengun áfram að vaxa um nokkurt skeið, eftir að iðnvæðing nær hámarki. Fólki hættir að lokum að fjölga, vegna þess að dánartala hækkar, þegar fæðu- öflun dregst saman og heilbrigðispjónustu hnignar.

x

Tíminn

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Tíminn
https://timarit.is/publication/50

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.