Tíminn - 30.12.1975, Blaðsíða 7

Tíminn - 30.12.1975, Blaðsíða 7
Þriðjudagur 30. desember 1975. TÍMINN Flugvirkjar lýsa yfir stuðningi við þingsályktunartillögu Jóns Skaftasonar: „Aðstaða til viðhalds flug- véla með öllu óviðunnandi" — heilsu flugvirkja hætt vegna lélegra vinnuskilyrða? SJ-Reykjavik. 1 nýútkomnu fréttabréfi Flugvirkjafélags ís- lands eru talin upp 19 atriöi i sambandi viö heimahöfn fyrir viðhald og viðgerðir flugvéla Flugfélags tslands I Reykjavik, sem talin eru alls ófullnægjandi. Byggingar eru flestar að falli komnar og heildarskipulagi bygginga á vinnusvæði er lýst svo að það sé ekki til. Það er félagsmaður i F.V.F.I. og starfsmaður F.I., sem lýsir vinnuaðstæðum sinum og sam- starfsmanna sinna og „leitast við að skoða hlutina frá sjónar- hóli ókunnugs manns, sem hvorki hefur hagsmuna vinnu- veitenda né starfsmanna að gæta." Um fimmtiu flugvirkjar auk annarra vinna að viðhaldi og viðgerðum fimm flugvéla af gerðinni Fokker Friendship, sem er 48 sæta skrúfuþota hjá FI hér i Reykjavik. „Vinnan er fólgin i framkvæmd nákvæmra og flókinna tæknistarfa, sem hafa bein áhrif á öryggi mikils hluta landsmanna á ári hverju", kemst bréfritari að orði. Byggingar málningardeildar, klæðningardeildar.hlutadeildar, rafmagnsdeildar, mælitækja- deildar, fjarskiptadeildar, járn- smiðadeildar og renniverkstæði eru sagðar að falli komnar. Aðalverkstæði er ófullnægjandi og 100 m frá flugskýli og 50 m frá lager, að heita má glugga- laus vinnusalur, enda gömul vöruskemma. Skrifstofur deildarstjóra og verkstjóra eru 50-100m frá hinum ýmsu deild- um og 100 m frá flugskýli. Skrúfudeild er afþiljað horn á vöruskemmu, lOOm frá lager. Skipulagsdeild er talin ófull- nægjandi vegna fjarlægðar frá flugvelli, sömuleiðis verkfræði- deild og skoðunardeild. Vinnu- pallar eru ófullnægjandi og pallasamstæða ekki til. Kaffi- stofu starfsfólks er lýst sem sex fermetra gluggalausum af- kima, og salernisaðstaða talin þrisvar sinnum lélegri en lands- lög gera ráð fyrir. Bréfi flugvirkjans lýkur með þessum orðum: „Af ofangreindu sést, að að- staða FI hér i Rvik til viðhalds flugvéla sinna er gersamlega viðunandi, og skiptir þá ekki máli hvort menn setja sig i spor vinnuveitenda eða starfs- manna, hitt hlýtur öllum að vera ljóst jafnt þeim sem til flugreksturs þekkja og hinna að svona ástand fær vart staðizt til lengdar. Að siðustu vil ég bera fram þá ósk að F.V.F.l. megi takast að knýja flugfélögin frá nuverandi „bragga og erlendis"-stefnu sinni inn á nútimalega „innan- lands og þjóðernis"-stefnu, er þjóni öllum i senn, fyrirtækjun- um, islenzkum flugvirkjum og þjóðarbúskap landsmanna." Fréttabréf Flugvirkjafélags Islands hefst raunar á grein, þar sem lýst er eindregnum stuðningi félagsins við þings- ályktunartillögu Jóns Skafta- sonar um viðhalds- og viðgerða- aðstöðu flugvéla á Keflavikur- flugvelli. Þess er getið, að um brýnt mál sé að ræða bæði hvað snertir atvinnuöryggi og gjald- eyrissparnað. Einnig er bent á, að á árunum eftir 1970 hafi við- hald á flugvélum Loftleiða verið stærri hluti af heildarrekstrar- kostnaði félagsins, heldur en hjá Flugfélagi Islands, en Loftleiðir hafa viðhald flugvéla sinna að mestu leyti erlendis, en Flug- félag Islands framkvæmir við- hald hér heima eftir þvi sem kostur er. „Einn veigamikill þáttur þessa máls er sá, að tækniþekk- ing sé ekki látin hverfa úr land- inu vegna þess að gamalt og af sér gengið flugskýli hafi brunn- ið, heldur sé reynt að skapa þau skilyrði að hún megi vaxa hér og dafna. Mikilvægt er aö málið verði tekið nú þegar föstum tök- um," segir i fréttabréfi Flug- virkjafélagsins. Auk kjaramála er baráttan fyrirbetri vinnuaðstöðu og fleiri flugvirkjastöðum inn I landið höfuðmál flugvirkja nú. I tittnefndu fréttabréfi er einnig smáklausa, þar sem greint er frá þvi að heilsufar flugvirkja sé ekki eins gott og skyldi. „Má tvimælalaust kenna um þeirri fádæma lélegu vinnu- aðstöðu, sem þeir almennt búa við, einkum eftir skýlisbrunann fræga. I kjölfar þessa hafa svo greiðslur úr sjúkrasjóði félags- ins aukizt." MEDALVIGT DILKA BETRI fHAUSTEN ÁRIÐ 1974 — möguleikar ó sölu ullarteppa til Kuwait og íran gébé—Rvik. — Heildarslátrun sauðfjár siðastliðið haust var 959.941 kindur. Þar af voru dilkar 871.059, en meðalvigt reyndist vera 14,64 kg, sem er 420 gr. meira en á siðastliðnu ári. Heildarmagn af dilkakjöti voru 12.780 smálestir, en gert er ráð fyrirað flytja út um 4000 smálest- ir af dilkakjöti, og hefur þegar verið afgreitt af þvi magni um 1800 smálestir til Noregs og Fær- eyja. Sviar munu kaupa 650 smálestir og Danir 400-500. A vegum Sambands isl. sam- vinnufélaga, hafa verið kannaðir sölumöguleikar á kindakjöti i Iran og Kuwait, en I þessum lönd- um er mikil neyzla kindakjöts, og er kjöt flutt inn frá Nýja-Sjálandi, Astraliu, Argentlnu og Tyrklandi. Þarna er nægilegur markaður fyrir kinda- kjöt, en verðið, sem þeir greiða fyrir kjötið, er svo lágt, að út- , flutningur þangað frá Islandi, er vonlaus. 1 ár hefur meðalverð á fersku kjöti, komiðá losnunarhöfn, verið rétt rúmar 200 kr. á kg. Þá hafa sölumöguleikar á islenzku kjöti verið kannaðir viðar, en niður- staða hefur verið á einn veg, að ekki er hægt að fá viðunandi verð vegna mikils framboðs á ódýru kjöti frá Ástraliu og Nýja-Sjá- landi. Jafnframt voru kannaðir sölu- möguleikar i Iran og Kuwait fyrir aðrar landbúnaðarvörur og fisk, en niðurstaðan varð sú, að helzt kæmi til greina að selja þangað ullarteppi.. Auglýsið í Tímanum Skyldi ekki vera komið að þér? Einmitt í þessari lotu. Það er nefnilega hjá okkur sem möguleikamir eru einn á móti fjórum. Vinn- ingarnir 17500, tveir á milljón og 24 á hálfa milljón. 78 vinningar veröa á 100-200 þúsund. Þú veist þessir sem koma þægilegast á óvart. Lægstu vinningar eru 50 og 10 þúsund. Happdrætti Aukavinningurinn í júní. Það er þessi margum- ræddi Citroén CX 2000. Óskabíllinn í ár. Maöur veit nátturulega aldrei. En miöinn kostar aðeins 400 kr. Og allir njóta góðs af starfi SÍBS. Sláðu til - svo eitthvað geti komið þægilega á óvart. iv-Auknir möguleikarallra %^0^-^x

x

Tíminn

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Tíminn
https://timarit.is/publication/50

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.