Tíminn - 11.12.1975, Blaðsíða 3

JÓLABLAÐ 1975
3

:•:•:•:•:•
•:•:•:•:•:
::s:í
m
Séra Gunnar Árnason:
JÓLAHUGVEKJA
„Ég er meðal yðar eins og sá, sem þjónar”
Jólin eru minningarhátið fæðingar Jesú Krists, sem við
íslendingar játum nær einhuga, að sé ,,ljós heimsins.”
Jólagjafirnar eru tákn mannkærleika hans. Hann flutti
ekki aðeins fagnaðarboðskap, hann gekk um kring og gerði
gott.
Mér hefur alltaf fundizt það skipta fremur litlu máli
hvernig hann kom inn i heiminn. Það er lif hans og boð-
skapur, dauði og upprisa, sem koma öllum við.
Guðfræðingum er gjarnt að deila um ótal kennisetning-
ar, sem komið hafa fram i þeirra hópi og valdið sifelldum
flokkadráttum og margs konar klofningi.
Kristur á enga sök á þvi.
Hann spurði bersyndugu konuna ekki um neina trúar-
játningu, eða Zakkeus i hvaða söfnuði hann væri. En hann
vakti hjá þeim sinnaskipti, ný lifsviðhorf, sem gerði þau að
betri og sælli mönnum.
Sögur af kraftaverkum Krists bárust eins og logi ýfir ak-
ur út um landið. Sjálfur lagði hann litla áherzlu á þau,
gerði þau yfirleitt af sárri og óslökkvandi meðaumkvun.
Það var kærleikur Krists til Guðs og manna, sem dró
flesta að honum og hafði rikust áhrif á þá, sem gengu hon-
um á hönd.
Titus keisari er með réttu enn lofaður fyrir orðtak sitt:
,,Þessum degi hef ég glatað”. Svo mælti hann, ef hann
hafði ekki gert eitthvert góðverk þann daginn.
En allt lif Krists var þjónusta og dauði hans fórn.
Siðasta kvöldið sem hann lifði, þvoði hann fætur læri-
sveinanna, — sem var þrælsverk —og sagði: ,,Ef (þá) ég,
herrann og meistarinn, hefi þvegið fætur yðar, ber einnig
yður að þvo hver annars fætur.”
„Trúin er dauð án verkanna” og öll guðfræði „hljómandi
málmur og hvellandi bjalla” án mannkærleika.
Séra Matthias Jochumsson skildi það. Hann kvað um fá-
tæku og sjálfmenntuðu sveitakonuna, móður sina:
„Ég hefi þekkt marga háa sál,
ég hefi lært bækur og tungumál
og setið við listalindir,
en enginn kenndi mér eins og þú
hið eilifa og stóra, kraft og trú
né gaf mér svo guðlegar myndir.
Sálmar hans sanna þessi áhrif. Eins sú vitneskja, að
hann mátti ekkert aumt sjá, án þess að vilja hugga og bæta
úr bölinu. Þeim mun minnilegra er, að við lá, að hann væri
sviptur kjóli og kalli sakir þess ámælis, að hann væri ekki
nógu rétttrúaður. Hann sem átti bæði guðlegan anda og
gott hjarta.
Likur var andi forstöðukonu heimilis munaðarlausra
: barna á Indlandi. Kunnur maður hafði orð á þvi, hvað það
hlyti að vera kostnaðarsamt að reka slika stofnun. Hún
brosti og sagði, að þar krefðist enginn launa. „Við gerum
þetta allar af kærleika.”
Ég hef kynnzt tiltölulega fáum leikmönnum, sem hafa
haft trúarjátningar sinar i hámæli, en mörgum, sem borið
hafa kristnina með sér. Dagfar þeirra, dómar um menn og
málefni, og viðbrögð við gleði og sorg, hafa ekki leynt þvi.
Hér er um að ræða vammlaust og góðviljað fólk, hjálpfúst
og dómmilt, sem tekið hefur mótblæstrinum eins og
hrislan, sem svignar i storminum, en réttir sig við, þegar
lygnir.
Svo hefur og verið um suma presta, þá áhrifamestu. Ég
tek aðeins dæmi af séra Davið Guðmundssyni á Hofi, sem
Guðmundur á Sandi orti svo um:
Hann gekk milli bæjanna, gerði sér far
að gefa þeim djörfung, sem ráðþrota var,
og miðla þeim fróðleik, sem fávisi leið,
og fögnuð þeim veita, er dauða sins beið.
í hálfa öld gekk hann frá manni til manns
á mjöllum og grjóti vors strálbýla lands —
i fyrir með glóðir sins áhugaelds
en ábyrgð á herðum frá morgni til kvelds.
Séra Daviðs er ekki getið i kirkjusögunni, frekar en þess
ónefnda fjölda, sem ég vék að.
En þetta eru grænu grösin á akri kristninnar. Mestu og
beztu vottar jólabarnsins — Jesú Krists.
Við búum enn að heimstyrjöldunum, sem aðallega voru
háðar i kristnum löndum. Þá voru fleiri og máttugri öfl
mannspillingarinnar leyst úr læðingi en nokkru sinni fyrr i
sögu mannkynsins. —
Það er mikill misskilningur, að sú geigvænlega orrahrið
hafi afsannað gildi kristninnar. Þvert á móti.
Sameinuðu þjóðirnar og alkirkjuhreyfingin eru m.a.
vottar þess, að menn skilja nú, þrátt fyrir allt, að allir
menn eru bræður og alheimsfriður lokatakmarkið.
Og það mesta i héimi er kristinn kærleikur og þjónusta.
Gleðileg jól!
1!
l:i
:•:•:•:•:•:
síg:
vXv:
II
II
: :
S5ÍÍ
II
m
Wii
ii