Tíminn - 11.01.1976, Blaðsíða 20
20
TÍMINN
Sunnudagur 11. janúar 1976.
MANNABREYTINGARNAR, sem nú hafa verið gerðar ú
liðsskipan hljómsveitarinnar Paradís hafa vakið óskipta
athygli poppunncnda, enda hafði hljómsveitin eins og hún
var áður skipuð, hlotið gifurlegar vinsældir, þrátt fyrir að-
eins nokkurra mánaða starfstima — og svo virtist sem
þær vinsældir færu sizt þverrandi. Það kom þvi eflaust
flestum aðdáendum Paradisar mjög á óvart, er frá þvi
var greint i fréttum, að tveimur af hljómfæraleikurum
Paradisar, Ragnari Sigurðssyni, gitarleikara, og Ólafi
Kolbeins, trommuleikara, hefði verið vikið úr hljómsveit-
inni, og i þeirra stað hefðu verið ráðnir Björgvin Gisiason,
gítarieikari og Asgeir Óskarsson, trommuleikari, báðir úr
Pelican.
Þessar breytingar koma einkum á óvart fyrir tvennt, i
fyrsta lagi vegna þeirra vinsælda sem Paradis hafði hlotið
á skömmum tima og i öðru lagi vegna þess að hljó ðifæra-
leikararnir, sem koma nú inn i hljómsveitina eru báðir
fyrrverandi meðlimir Pelican, en öllum er kunnugt um
þær persónulegu deilur, sem upp risu á liðnu sumri, er
Pétri Kristjánssyni, söngvara var vikið úr Pelican. Þá
stofnaði hann Paradis.
i tilefni þessara breytinga hafði Nú-timinn tal af
nokkrum þcirra sem nú eru i eldlinu poppsins, Pétri
Kristjánssyni, söngvara, Björgvini Gislasyni, gitarleik-
ara, Ragnari Sigurðssyni gitarleikara og Óiafi Kolbeins,
trommuleikara, en hann hefur nú gengið til samstarfs við
Eik. — Gsal —
° r
Astæoan er
persónu-
legur
r • •
agreiningur
— segir Pétur
Kristjánsson
Nú-timinn fór þess á leit við
Pétur Kristjánsson, söngvara
Paradisar, að hann gerði Nú-
timalesendum stuttlega grein
fyrir þeim ástæðum, sem lágu
að baki breytingunum á liðs-
skipan hljómsveitarinnar. Pét-
ur sagði:
— Ástæðan er persónulegur
ágreiningur, sem kom upp á
milli Ragnars gitarleikara og
Péturs Hjaltested orgelleikara
— og leiddi af sér þá óumflýjan-
legu staðreynd að annar hvor
þeirra varð að hætta i hljóm-
sveitinni. Pétur kom sjálfur að
máli við mig vegna þessa og
sagði þá, að annað hvort hætti
hann ellegar Ragnar.
Við tókum þá ákvörðun að
hafa Pétur frekar i hljómsveit-
inni en Ragnar, fyrst og fremst
vegna þess að ég tel hann betri
hljóðfæraleikara. Við fórum svo
strax að huga að nýjum gitar-
leikara fyrir hljómsveitina, og
höfðum þá einkum i huga Björg-
vin Gislason, en Pelican var þá
nýhætt.
Nú er það svo, að Ragnar og
Ólafur Kolbeins trommuleikari
eru mjög samrýndir, og komu
m.a. úr sömu hljómsveitinni,
þegar þeir fóru yfir i Paradis —
og einnig eru Björgvin og Asgeir
Óskarsson trommuleikari mjög
nánir félagar. Það gaf þvi auga
leið, að bæði Ragnar og Ólafur
hlytu að fara úr hljómsveitinni
og inn kæmu Björgvin og As-
geir, en þá tvo tel ég vera snjöll-
ustu hljóðfæraleikara hérlendis
á gitar og trommur.
— Ragnar gitarleikari neitar
þvi, að nokkur ágreiningur hafi
verið milli hans og Péturs
Hjaltested...
— Mér er kunnugt um, að
hann hafi verið að reyna að bera
það af sér, en engu að siður full-
yrði ég, að þessi ágreiningur
var til. Ragnar leit Pétur
Hjaltested alltaf hornauga, allt
frá þvi Pétur hóf að leika með
hljómsveitinni. Mér er minnis-
stætt fyrsta kvöldið, sem Pétur
Hjaltested lék með okkur. Þá
var Ragnar mjög óánægður, og
raunar alveg miður sin — og
ástæðan var sú, að Pétur
Hjaltested var kominn i hljóm-
sveitina.
— Gaf Ragnar einhverja
skýringu á þessu?
— Já, hann sagði að Pétur
væri leiðinlegur og bezt væri að
losna við hann úr hljómsveit-
inni. Þá sýndi hann mjög glöggt,
bæði innan hljómsveitarinnar
og út á við, að honum fyndist
óþolandi að Pétur væri i hljóm-
sveitinni. Þetta hafði það auð-
vitað i för með sér, að smátt og
smátt fór Pétri einnig að lika
illa við Ragnar — og að lokum
varð andúð Péturs á Ragnari
svo mikil, að hann kom til min
og sagði, að nú væri svo komið,
að annar hvor þeirra yrði að
vikja.
— Hvenær mun „nýja” Para-
dís koma fram I fyrsta skipti?
— Við vonumst til að geta
byrjað 16. janúarf Tónabæ og ég
vil geta þess, að sú stefna, sem
Paradfs hefur fylgt, mun áfram
verða höfð i hávegum.
PARADÍS
Ég heyrði í
Paradís í
fyrsta sinn
á nýórsdag
— segir Björgvin
Gíslason
NÚ-timinn efnir nú öðru sinni til vinsældarkosningar um beztu plötu ársins og væntir sem fyrr al-
mennrar þátttöku lesenda sinna. 1 fyrra bárust rúmlega 300 atkvæðaseðlar og þá var plata Steve
Wonder's Fulfillingness First Finale kosin beztsplatan. Sem fyrr má greiöa jafnt islenzkum sem er-
lendum plötum atkvæði og þess skal getið að plöturnar þrjár sem þið nefnið fá allar eitt atkvæði
hver. Það skiptir þvi ekki máli i hvaða röð þið skrifið þær á atkvæðaseðilinn. SENDIÐ ATKVÆÐA-
SEÐLANA STRAX 1 DAG. Utanáskriftin er: Nú-timinn, Edduhúsinu v/Lindargötu.
Vinsældakosning Nú-tímans
Atkvæðaseðill
1.
2.
3.
Nafn:
Heimili:
Aldur:_
Ólafur Kolbeins trommuleikari:
Úr Paradís í Eik
Ólafur Kolbeins, fyrrum
trommuleikariParadisar, hefur
þekkzt boð frá hljómsveitinni
Eik um að taka þar við trommu-
leik. Ólafur kemur þar i stað
Ólafs Sigurðssonar.
— Ég get ekki neitað þvi, að
mér kom það dálitið á óvart, að
ég skyldi vera rekinn úr Para-
dís. Ég var þó búinn að heyra
ávæning af þessu áður en Pétur
Kristjánsson sagði mér það.
Þegar við Raggi heyrðum um
þetta, spurðum við Pétur, hvort
rétt væri, að það stæði til að
reka okkur úr hljómsveitinni, og
þá þóttist hann ekkert vita um
það.
— Það er búið að bjóða mér i
Eik, og ég mun taka því.boði.
Nú-timinn innti Björgvin Gisla-
son, gitarleikara eftir þvf, hvað
hefði valdiö þeirri ákvörðun
hans að ganga yfir I Paradis
Péturs Kristjánssonar eftir all-
ar þær deilur sem urðu á liðnu
sumri milli Pelican og Péturs.
Björgvin sagði:
— Þegar mér bauðst þessi
staða i Paradis voru Pelican
hættir, og þar sem hljóðfæra-
leikur er mitt lifibrauð ákvað ég
að taka boðinu — og ég held að
ég eigi ekki eftir að sjá neitt eft-
ir þvi. Hljómsveitin hefur þegar
haldið nokkrar æfingar og mér
lizt mjög vel á þetta.
— Nú sagðir þú i viðtali við
Nú-timann á s.l. sumri að Pétur
Kristjánsson væri ekki sérlega
góöur söngvari og af þeim sök-
um hefði sprottið upp ágreining-
ur innan hljómsveitarinnar,
sem leitt hefði til þess að Pétur
var rekinn úr Pelican. Hefur sú
skoðun þin breytzt?
— Sagði ég ekki lika i þessu
viðtali, að Pétur væri góður
söngvari á ákveðnu sviði? Það,
sem nú hefur gerzt, er það, að
ég og Asgeir erum að ganga yfir
i Paradis, inn i hljómsveit
Péturs Kristjánssonar, inn i
hljómsveit þar sem Pétur sjálí-
ur hefur valið lögin og auðvitað
við sitt hæfi. Paradis er ekki að
koma til okkar Ásgeirs, við för-
um til hennar. Hvað frumsamin
lög snertir, þá hef ég áður sagt
það, að min lög (á plötunni Litil
Fluga með Pelican) voru samin
með raddsvið Péturs i huga, en
þó ekki viðhans hæfi. Nú sem ég
öðruvisi lög en þá, og þau lög
eru meira við hæfi Péturs, enda
þar að finna meira rokk og
„beat” en í lögum minum með
Pelican. Slik lög falla Pétri vel'.
Þá er i Paradis fleiri söngvur-
um en Pétri Kristjánssyni til að
dreifa og þvi engin frágangssök
þótt eitthvað lag falli ekki að
raddsviði hans.
— Ég heyrði aldrei i Paradis
fyrr en eftir að mér hafði boðizt
aö ganga i hljómsveitina, — á
nýársdag — þá heyrði ég fyrst i
henni, svo ég vissi raunar ekki
að hverju ég var að ganga. Hins
vegar hafa fjórir I hljómsveit-
inni nú starfað saman áður.
— Þegar maður ákveður að
fara i hljómsveit, starfar maður
alltaf að fullum huga og
mergurinn málsins i þessu til-
viki er sá, að við Ásgeir göngum
yfir i Paradis, og verðum að
reyna að falla inn i hljómsveit-
ina. Það er alltaf leiðinlegt að
koma inn i hljómsveit, þegar
aðrir hljóðfæraleikarar verða
að vikja úr sætum sinum, að ég
tali nú ekki um, þegar jafn góð-
ur gitarleikari á i hlut og Ragn-
ar Sigurðsson.
— Ég varð mjög hissa, þegar
mér var boðin þessi staða. Peli-
can voru þá hættir og ég var bú-
inn að gera áætlun fyrir sjálfan
mig. sem ég mun reyna að
halda, þrátt fyrir starfið i Para-
dis.
— 1 hverju er þessi áætlun þin
fólgin? Sólóplata kannski?
— Á þessu stigi vil ég ekkert
um hana segja.
Ágreiningur-
inn uppspum
Péturs
songvara
— segir Ragnar
Sigurðsson
Nú-Tim inn hef ur
ákveöið að framlengja
skilafrest I vinsælda-
kosningunni um 10
beztu LP-plöturnar til
25. janúar. Jafnframt
verður skilafrestur I
áramótagetraun
Nú-íimans miðuð viö
sama dag, en sú get-
raun birtist I gamlárs-
dagsblaði Timans. 1
áramótagetrauninni
eru hijómplötu-
verðiaun.
Lesendur eru hvattir
til að taka þátt I
kosningunni og get-
rauninni — og væntir
Nú-tíminn þess að þátt-
taka verði bæði mikil og
góð. Utanáskriftin er:
Nú-timinn, Edduhúsinu
v/Lindargötu, Reykja-
vik.
N-timinn innti Ragnar Sigurðs-
son, gitarleikara eftir þvi,
hvernig honurn hcfði orðið við,
er honurn var tilkynnt, að hans
væri ekki lengur þörf i Paradis.
Ragnar sagði:
— Mér kom þetta mjög á
óvart. Þetta hafði aldrei hvarfl-
að að mér, og ég átti hvað sizt
von á þvi, að Pétur Kristjánsson
myndi reka okkur Óla. Ég frétti
af þessu ráðabruggi um hálfum
mánuði áður en mér var form-
lega tilkynnt það af Pétri, og þá
átti ég bágt með að trúa þvi,
enda finnst mér þetta fáránleg
ráðstöfun.
— Hefur þú nokkuð ákveðið að
fara i aðra hljómsveit?
— Ég er alveg óákveðinn eins
og sakir standa.
— Hvað um ágreining milli
þin og Péturs Hjaltested?
— Það er algjör vitleysa. Það
er hlutur, sem aldrei kom upp
innan hljómsveitarinnar eða ut-
an hennar. Og það, að Pétur
Hjaltested hefði hótað að hætta,
ef ég yrði ekki rekinn — það er
tómt bull. Ég hef spurt Hjalte-
sted að þvi. Það var bara Pétur
Kristjánsson sem bjó til þennan
ágreining, og þessa sögu um
hótun Péturs Hjaltested. Að
visu var Pétur Hjaltested frekar
óánægður með hljómsveitina
eins og hún var, og nefndi ein-
hverju sinni við Pétur söngvara,
að gera þyrfti einhverjar
breytingar. En hann orðaði það
ekki eins og Pétur söngvari seg-
ir að hann hafi gert.