Fréttablaðið - 22.11.2005, Blaðsíða 22

[ ]
Kolbrún Ýr Gunnarsdóttir
er leikfimi- og danskennari í
Hreyfilandi. Kolbrún kennir
fjölbreytt æfingakerfi sem
hún setti saman sjálf og segir
kerfið vera sína hugmynd að
skemmtilegri hreyfingu.
Dansleikfimi Kolbrúnar er sniðin
fyrir konur eldri en tvítugt og er
fyrir allar þær sem langar til að
dansa og hreyfa sig á áhrifaríkan
og skemmtilegan hátt. Í hverjum
tíma er mikill dans og styrktar-
æfingar sem miða að því að halda
sér í góðu formi. „Tímarnir eru
aðallega fyrir konur sem vilja
hreyfa sig og fá skemmtun út
úr því á meðan,“ segir Kolbrún.
„Æfingarkerfið er sambland af
skemmtun, hreyfingu og útrás.
Það er ætlað bæði til brennslu og
styrkingar en einnig til liðkunar.
Ég reyni að hafa mikið af teygj-
um og styrktaræfingum. Þetta
er fyrst og fremst skemmtun
með fjölbreyttri tónlist.“ Tím-
arnir byggjast aðallega á dansi.
Byrjað er á upphitunardansi,
inn á milli eru gerðar styrktar-
æfingar fyrir maga, rass, læri
og hendur. Dansinn dunar svo
áfram og tímarnir enda á maga-
æfingum og teygjum. „Þetta er
sambland af alls konar dansi,
aðallega djassdansi. Þetta er ein-
faldlega mín ímynd af skemmti-
legri leikfimi,“ segir Kolbrún.
„Ég hef rekið mig á það að allir
hafa ákveðna danslöngun í sér.
Einhvers staðar lærði allt þetta
fólk að dansa og einhvers staðar
verður maður að byrja. Margar
af þeim konum sem hafa komið
til mín hafa aldrei gert neitt
áður sem tengist dansi en allar
hafa þær verið mjög ánægðar
með tímana og fíla þetta í botn.“
Kolbrún segir margar konur
feimnar við að koma í tímana til
hennar hræddar um það að líta
kjánalega út í nýjum aðstæð-
um. Kolbrún segir hins vegar
þá feimni óþarfa. Tímarnir hjá
henni eru lokaðir og í þeim nást
persónuleg tengsl því Kolbrún
reynir að hafa tímana ekki of
fjölmenna. „Dansleikfimin er
bæði fyrir byrjendur og lengra
komna,“ segir Kolbrún. „Þetta er
engin rosaleg keyrsla og hentar
vel fyrir þær sem hafa gaman að
því að læra spor. Að vissu leyti
eru þetta framhaldstímar því ég
hætti aldrei að kenna dansspor-
in fyrr en allar eru búnar að ná
þeim. Ég kenni ekki nýjan dans í
hverjum einasta tíma þannig að
fólk er ekki endalaust að reyna
að ná nýjum og nýjum rútínum.
Þegar þú mætir í næsta tíma
ertu ánægð því þú kannt sporin
og getur verið með.“
Kolbrún segir viðmiðið vera
að hreyfa sig að minnsta kosti
þrisvar í viku. „Þess vegna kenni
ég þrisvar í viku, á mánudögum,
miðvikudögum og fimmtudög-
um, því þá ætti dansleikfimin
að vera nægileg til að halda sér
í formi.“
johannas@frettabladid.is
Í formi með skemmtun,
hreyfingu og útrás
Grænmeti er hollt og gott eins og flestir vita. Nú þegar fram undan
er tími þungra kjötmáltíða, smákökuáts og sælgætisnarts skiptir máli að
gleyma ekki alveg grænmetinu.
Kolbrún Ýr Gunnarsdóttir kennir dansleikfimi í Hreyfilandi og hjálpar konum við að koma sér í form þannig að þær skemmti sér konung-
lega á meðan.
FRESH AND NATURAL
LAUGAVEGUR 11 552-2030
KRINGLAN 553-2002
WWW.LUSH.IS
Enginn býður betur!!
Dreifingaraðili
B-stress
Góð undirstaða fyrir jólaösina.
Útsölustaðir m.a: Yggdrasill, Fjarðarkaup, Maður lifandi í Borgartúni og Hæðarsmára,
Lífsins Lind í Hagkaupum, Lyfjaval í Mjódd og Hæðarsmára og Lyfja á Selfossi.
S: 462-1889 • heilsuhorn@simnet.is • www.simnet.is/heilsuhorn
Póstsendum
um land allt
Vertu fallega
sólbrún(n)
- innan frá
Vísindalega staðfest. Imedeen Tan
Optimizer - hylki verka innan frá og
veita gylltan húðlit, sem helst lengur en
þig hefur nokkurn tímann dreymt um.
Hylkin undirbúa húðina fyrir
sólina, minnka roða og viðkvæmni fyrir
sól, verja húðina gegn öldrun af
völdum sólar og örva myndun á fallegri
sólbrúnku.
Opið 8-24 alla daga
í Lágmúla og Smáratorgi