Fréttablaðið - 22.11.2005, Blaðsíða 35

Guðlaugur Þór Þórðarson
alþingismaður er borinn og
barnfæddur í Borgarnesi. Að
hans mati er það fegurð Borgar-
ness sem stendur upp úr meðal
hinna mörgu kosta bæjarins.
„Það er mjög gott fólk sem
býr þarna og svo finnst mér
Borgarnes afskaplega fallegt
bæjarstæði og fallegur bær.“
Guðlaugur segir enn fremur
að það hafi verið mjög gott að
alast upp í bænum. „Það sem
stendur upp úr þegar maður
hugsar til baka er að þetta var
allt mjög manneskjulegt. Ef
eitthvað kom upp á og foreldr-
arnir voru ekki heima þá annað
hvort gekk maður einfaldlega
á vinnustaðinn þeirra eða fór
til konunnar í næsta húsi. Þá
er þetta þannig bær að það
þekkja allir alla, þannig að ef
maður var kominn út í búð
og hafði óvart gleymt pening
var lítið mál að fá skrifað hjá
kaupmanninum. Það hafði svo
sannarlega sína kosti,“ segir
Guðlaugur, sem hugsar aftur
til barnæskunnar í Borgarnesi
með mikilli hlýju.
heima er best }
Guðlaugur Þór Þórðar-
son, alþingismaður
■■■■■■■■■■■■
Manneskju-
legur bær