Fréttablaðið - 04.03.2006, Blaðsíða 10
4. mars 2006 LAUGARDAGUR10
Umsjón: nánar á visir.is
KAUPHÖLL ÍSLANDS [Hlutabréf]
ICEX-15 6.465 +0,96% Fjöldi viðskipta: 564
Velta: 4.308 milljónir
HLUTABRÉF Í ÚRVALSVÍSITÖLU: Actavis 56,60 +2,35% ... Alfesca
4,04 +1,00%... Atorka 6,05 +0,00% ... Bakkavör 51,80 -0,39%
... Dagsbrún 6,70 +2,60% ... FL Group 26,10 +0,39% ... Flaga
3,85 +0,00% ... Íslandsbanki 20,20 +0,50% ... KB banki 928,00
+0,76% ... Kögun 66,50 +0,00% ... Landsbankinn 28,50 +1,79% ...
Marel 68,30 +0,00% ... Mosaic Fashions 17,70 +3,51% ... Straum-
ur-Burðarás 19,10 +0,53% ... Össur 111,50 +0,91%
MESTA HÆKKUN
Mosaic +3,51%
Dagsbrún +2,60%
Grandi +2,51%
MESTA LÆKKUN
Icelandic Group -7,50%
Atlantic Petroleum -2,99%
Bakkavör -0,39%
Íslandsbanki hefur keypt ríflega
helmingshlut Union Group sem er
leiðandi fyrirtæki í sölu, ráðgjöf
og samsetningu viðskipta með
atvinnuhúsnæði í Noregi.
Tekjur Uninon í fyrra námu 160
milljónum norskra króna eða
tæplega 1,6 milljörðum íslenskra
króna. Hagnaður fyrirtækisins
var tæpar 900 milljónir íslenskra
króna. Starfsmenn eru 25 en
kaupverðið er trúnaðarmál.
Bankinn stefnir að því að eignast
félagið að fullu á næstu þremur
árum.
Bjarni Ármannsson, forstjóri
Íslandsbanka, segir þessi kaup
styrkja starfsemi Íslandsbanka í
fyrirtækjaráðgjöf og fasteigna-
viðskiptum. Íslandsbanki keypti
fyrir ári síðan BN bank sem er
sterkur á lánamarkaði húsnæðis.
Bjarni segir tækifærin með
kaupunum liggja í að komast fyrr
í ferlið í fasteignaviðskiptum.
Samlegðartækifæri séu við þær
stoðir sem bankinn hafi fyrir á
norska markaðnum. „Dreifikerfi
Norse kemur okkur til góða, aukin
viðskipti við BN bankann og
nýting á efnahagsreikningi Ís-
landsbanka við brúarfjármögnun
og fleira.“
Bjarni segir að með þessum
kaupum tryggi bankinn sér
markaðsaðgang og sérfræði-
þekkingu í fasteignaviðskiptum
annars staðar en í fjármögnun,
þar sem BN bankinn er sterkur.
„Nálægðin við markaðinn eykst
verulega með þessum kaupum.“
Bjarni segir að mörg tækifæri
liggi á norskum fasteignamarkaði.
Með kaupunum hafi bankanum
tekist að búa til góða heild.
Noregur er ásamt Íslandi
skilgreindur sem heimamarkaður
Íslandsbanka, en Bjarni segir það
liggja fyrir að bankinn hyggist
sækja fram á fleiri mörkuðum og
horfi þar til Norðurlandanna og
Bretlands. - hh
Styrkir sig á norskum markaði
Nói Síríus hefur gengið frá kaup-
um á enska fyrirtækinu Elizabeth
Shaw, sem er þekkt enskt sælgæt-
isfyrirtæki og sérhæfir sig í fram-
leiðslu og sölu á
súkkulaðivör-
um af ýmsu
tagi. Saga fyr-
irtækisins nær
allt aftur til 19.
aldar en þekktustu
merki þess eru
Mint Crisps, sem eru innpakk-
aðar súkkulaðiskífur með myntu-
bragði og Famous Names, sem eru
líkjörsfylltir konfektmolar. Eliza-
beth Shaw er með svipaða árs-
veltu og Nói-Síríus eða sem svarar
um 1.400 milljónum króna.
Nói-Síríus í
enskt nammi
Björgólfur Thor Björgólfsson,
stjórnarformaður Straums-Burðar-
áss, horfði um öxl á aðalfundi
félagsins sem haldinn var í gær og
taldi að bernskuárum hins frjálsa
fjármálamarkaðar, sem hófust
með einkavæðingu bankanna, væri
trúlega lokið.
Í máli hans kom fram að tæki-
færum til umbreytingarverkefna
og uppstokkunar á Íslandi hefði
fækkað og því sé ljóst að bankinn
þurfi að leita fanga víðar til að
tryggja arðsemi og auka land-
fræðileg umsvif sín, einkum í
Norður-Evrópu.
Aðalfundurinn samþykkti að
greiða 6.679 milljónir króna í arð
til hluthafa fyrir árið 2005. Þetta
samsvarar 65 prósenta arði. Arð-
greiðslan er óvenjuleg fyrir þær
sakir að hún er í þrenns konar
formi, mestmegnis í hlutabréfum í
Avion Group fyrir fimm milljarða
að markaðsvirði. Einnig verður
arðurinn greiddur í hlutabréfum í
Icelandic Group að markaðsvirði
350 milljónir króna og peningum
að upphæð 1.329 milljónir króna.
Greiningardeild KB banka vekur
athygli á því að hlutabréfin í Ice-
landic Group muni skiptast á marg-
ar hendur, enda eru hluthafar í
Straumi yfir 23 þúsund talsins. - eþa
Tækifærum fækkað
Þeir sem mest eiga í félög-
um skráðum í Kauphöll
Íslands eru flestir á aldrin-
um 51 til 70 ára gamlir. Í
nýjasta eintaki Kauphallar-
tíðinda kemur fram að 547
einstaklingar, 411 karlar og
136 konur, eigi yfir 50 millj-
ónir króna hver í félögum
skráðum í Kauphöllina.
Í þessum tölum er ekki
horft til mögulegs eignar-
hlutar gegnum eignarhalds-
félög eða verðbréfasjóði. 27
eiga svo yfir 500 milljónir
króna og 18, 15 karlar og
þrjár konur, eiga yfir millj-
arð króna.
Karlar eru litlu fleiri en
konur í hópi 52.470 hluta-
fjáreigenda, 53 prósent á
móti 47. Eignarhlutur þeirra
er hins vegar töluvert meiri.
Tæplega 70 prósent fjárins
eru skráð á karlana.
Yfir 88 prósent hluthaf-
anna, 46.410 manns, eiga
undir fimm milljónum
króna. Þeir sem eiga yfir 50
milljónir eru hins vegar ekki
nema um eitt prósent.
Samkvæmt upplýsingum
Kauphallarinnar nemur
meðaleign þeirra sem eiga
yfir milljarð króna 1,7 millj-
örðum, en meðaleign þeirra
sem eiga undir milljón um
300 þúsund krónum. Um
áramót nam heildareign ein-
staklinga rúmum 223 millj-
örðum króna og telur Kaup-
höllin líklegt, miðað við
þróun markaðarins, að sú
eign standi nú líklega í um
267 milljörðum króna. - óká
Átján eiga yfir milljarð
FRÁ AÐALFUNDI STRAUMS
BJARNI ÁRMANNSSON Forstjóri Íslands-
banka segir kaup á Union Group færa
bankann nær norskum fasteignamarkaði
og markaði í fyrirtækjaráðgjöf.
FRÉTTABLAÐIÐ/VILHELM
ÞÓRÐUR FRIÐJÓNSSON Þórður
er forstjóri Kauphallar Íslands og
gleðst væntanlega yfir góðu gengi
einstaklinga sem eiga í fyrirtækj-
um þar skráðum.