Fréttablaðið - 21.04.2006, Side 6

6 21. apríl 2006 FÖSTUDAGUR
KJÖRKASSINN
Ætlarðu að nota bílinn minna
vegna hækkandi bensínverðs?
Já 74,3%
Nei 25,7%
SPURNING DAGSINS Í DAG
Ætlarðu að eyða sumarleyfinu í
útlöndum?
Segðu þína skoðun á Vísir.is
STÉTTARFÉLÖG Aðalfundur Blaða-
mannafélags Íslands í gærkvöldi
mótmælti harðlega fyrirætlunum
um að þrengja starfsskilyrði
blaðamanna, sem fram koma í
frumvarpi dómsmálaráðherra um
breytingar á lögum um dómstóla.
Í ályktun fundarins er varað við
þróun í þá átt að takmarka upplýs-
ingar til almennings um opinber
mál.
Í frumvarpinu er meðal annars
lagt til að myndatökur verði bann-
aðar í dómhúsum. Einnig að dómar
Hæstaréttar verði framvegis
birtir sólarhring eftir uppkvaðn-
ingu, en ekki samdægurs eins og
verið hefur. - shá
Blaðamannafélag Íslands:
Frumvarpi
ákaft mótmælt
VIÐSKIPTI Danska dagblaðið Berl-
ingske tidende fjallar um meint
peningaþvætti á Íslandi í gær.
Segir í frétt blaðsins að á sama
tíma og íslenskir bankar og hag-
fræðingar eigi erfitt með að
útskýra hvaðan fjármagnið til
fjárfestinga erlendis komi hafi
komið í ljós að peningaþvætti sé
vaxandi vandamál á Íslandi. Er
vitnað í frétt Ríkisútvarpsins um
málið og sagt að von sé á sendi-
nefnd frá OECD vegna þess. Í lok
fréttarinnar er sagt frá því að á
meðan Íslendingar hafi fjárfest í
breskum og skandinavískum
fyrirtækjum hafi margir spurt sig
hvaðan peningarnir séu. Síðan er
talinn upp hluti
þeirra fyrir-
tækja í Dan-
mörku sem eru í
eigu Íslendinga.
„Það er rétt
að hingað er að
koma sendinefnd
til að gera úttekt
á peningaþvætti
hér á landi en
það er hefðbund-
in rútína og sams
konar nefnd
hefur nýlega gert slíka úttekt í
Danmörku,“ segir Björn Frið-
finnsson sem er formaður sam-
ráðsnefndar á Íslandi um aðgerðir
gegn peningaþvætti. Árið 1989
voru stofnuð alþjóðleg samtök,
FATF sem flest OECD ríkin eiga
aðild að, með það fyrir augum að
koma í veg fyrir peningaþvætti.
Björn segir að í hverju aðildarríki
sé gerð úttekt á þessum málum og
nú sé röðin komin að Íslandi.
Hann segir að í erlendum dag-
blöðum og vefsíðum hafi það verið
haft ranglega eftir sér að mikið af
nýfengnum auði á Íslandi sé feng-
inn með peningaþvætti á fjármun-
um frá Rússlandi. Sendi hann
nokkrum þeirra kvörtun og hefur
þegið afsökunarbeiðni frá vef-
fréttamiðlinum Wealthbriefing.
- ks/jse
Björn Friðfinnsson segir úttekt OECD á peningaþvætti hér hefðbundna rútínu:
Röðin komin að Íslandi
BJÖRN
FRIÐFINNSSON
BÚLGARÍA, AP Vatnsyfirborð í Dóná
hefur ekki verið hærra í rúma öld.
Bráðnun snjós og linnulausar
rigningar undanfarið hafa valdið
miklum flóðum í ánni og hafa
þúsundir manna þurft að yfirgefa
heimili sín í kjölfarið.
Dóná er aðal siglingaleiðin milli
Vestur-Evrópu og svæðisins við
Svartahaf og markar 450 kíló-
metra löng landamæri Búlgaríu og
Rúmeníu.
Miklar rigningar og haglél riðu
yfir norðvesturhluta Búlgaríu í
gær sem hefur farið illa út úr
flóðunum. Margir vegir og brýr
hafa skemmst og nokkur þorp á
svæðinu kaffærðust að sögn yfir-
valda þar en engin meiðsl hafa
verið tilkynnt. Uppskera á stórum
hluta ræktarlands er ónýt vegna
flóða annað árið í röð en mikil flóð
áttu sér einnig stað þar í fyrra.
Í Rúmeníu halda yfirvöld áfram
að flytja hundruð íbúa frá heimilum
sínum á flóðasvæðunum. Tólf
sýslur í landinu hafa orðið fyrir
skaða vegna flóðanna. Forsætis-
ráðherra landsins kallaði saman
lykilráðherra í gær þar sem farið
var yfir leiðir til að takast á við
vandann.
Vatnsyfirborð Dónár hefur
lækkað lítillega í Serbíu en þús-
undir hektara eru enn undir vatni.
Stjórnvöld eru nú að reyna að meta
skaðann sem hefur orðið og gera
þau ráð fyrir að hann hlaupi á
milljónum evra. Auk þeirra umtals-
verðu skemmda sem hafa orðið á
heimilum þá óttast stjórnvöld að
landbúnaðarframleiðsla geti dreg-
ist saman um allt að 30 prósentum
í norðurhluta Serbíu sem hefur
orðið hvað verst úti. - sdg
Flóð í Dóná valda miklum skaða og virðast ekki í rénun:
Dóná ekki vatnsmeiri í öld
SAMFÉLAGSMÁL Þriðji hver kjós-
andi gæti hugsað sér að kjósa
stjórnmálaflokk sem hefði það á
stefnuskrá sinni að draga úr komu
innflytjenda til landsins sam-
kvæmt skoðanakönnun Gallup
sem Ásgeir Hannes Eiríksson,
fyrrverandi þingmaður, lét gera.
„Ef einhverjir tækju sig til og
stofnuðu flokk sem hefði það að
baráttumáli að hefta komu inn-
flytjenda væri ég fyrsti maðurinn
til að koma þeim til hjálpar,“ segir
Ásgeir Hannes. „Þessi könnun
sýnir það að þriðji hver kjósandi
er munaðarlaus þar sem ekki er
til flokkur sem samsvarar þeirra
skoðunum og það er tímabært að
bæta úr því,“ bætir hann við.
„Ég efast um að þeir sem svara
á þessa lund hafi hugsað út í
heildarmyndina,“ segir Einar
Skúlason framkvæmdastjóri
Alþjóðahúss. „Sá flokkur sem
hefði þetta að stefnu sinni þyrfti
einnig að berjast fyrir því að
Ísland rifti EES samningnum og
segði sig úr Schengen þar sem
kveðið er á um frjálst flæði fólks
á svæðinu. Einnig myndu þeir
sennilega vilja að þeir 30 þúsund
Íslendingar sem eru búsettir
erlendis kæmu til baka eða gerð-
ust ríkisborgarar í því landi sem
þeir eru búsettir. Einnig kom
fram í könnuninni að eldra og
menntaðra fólk væri síður lík-
legra til að styðja slíkan flokk og
það sýnir okkur það að eftir því
sem fólk er fróðara og lífsreynd-
ara þeim mun síður hugnast þeim
svona einangrunarstefna.“ - jse
Skoðanakönnun um stuðning við þjóðernisflokk:
Telur þjóðernisflokk tímabæran
ÁSGEIR HANNES EIRÍKSSON Ásgeir segir að tímabært sé að stofna þjóðernisflokk svo þriðji
hver kjósandi þurfi ekki að vera munaðarlaus í stjórnmálum. Hann yrði fyrstur til að koma
til hjálpar ef menn hyggðust stofna slíkan flokk. FRÉTTABLAÐIÐ/STEFÁN
FLÓÐ Í BÚLGARÍU Búlgarskur heimavarðliðsmaður fer á báti til að kanna götur og hús í bænum Nikopol. FRÉTTABLAÐIÐ/AP
UMHVERFISMÁL Veggjakroti var
sagt stríð á hendur við Hjarðar-
haga í gær. Átakið er til að fagna
50 ára afmæli húsanna við götuna
og var byrjað að mála yfir veggja-
krot. Nemendur í Vesturbæ, lög-
regla, Reykjavíkurborg, 10-11 og
Málning hf. standa að átakinu. -sh
Vesturbæingar fagna sumri:
Átak gegn
veggjakroti
Bannað að vera í Playboy Bapt-
ista-háskóli hótar að reka nemendur
fyrir að sitja fyrir hjá klámtímaritinu
Playboy. Skólinn hefur áður rekið fólk
fyrir að sitja fyrir hjá klámtímaritum.
Reknir fyrir að sýna klám Þrír
nemendur voru reknir úr grunnskóla
fyrir að hafa sýnt klámmynd í kennslu-
stund. Kennslumyndband hafði verið í
gangi en nemendurnir skiptu um mynd
þegar kennarinn sneri baki við skjánum.
BANDARÍKIN