Fréttablaðið - 20.05.2006, Blaðsíða 2

2 20. maí 2006 LAUGARDAGUR
2 sæti
SPURNING DAGSINS
Benedikt, er þetta stutterma-
sund?
„Nei, þetta er langermasund svo það
er best að fara að bretta upp.“
Sjósundkappinn og listamaðurinn Benedikt
Lafleur ætlar að synda yfir Ermarsund í
sumar fyrstur Íslendinga.
SAMGÖNGUR Umhverfisráð Reykja-
víkur hefur samþykkt að hefja
undirbúning að smíði og uppsetn-
ingu upphitaðra biðskýla á fjöl-
förnum biðstöðvum strætisvagna
í Reykjavík.
Unnið verður að málinu í sam-
starfi við framkvæmdasvið borg-
arinnar, Strætó bs. og eftir atvik-
um við það einkafyrirtæki sem
gert hefur samning við Reykja-
víkurborg um uppsetningu og
rekstur biðskýla. Markmið verk-
efnisins verður að reisa biðskýli
sem henta íslenskri vetrarveðr-
áttu, halda vatni og vindum og eru
auk þess upphituð. Stefnt er að því
að fyrstu skýlin verði tekin í notk-
un ekki síðar en haustið 2007. - jss
STRÆTÓSKÝLI Haustið 2007 verða upphit-
uð strætóskýli tekin í notkun.
Umhverfisráð Reykjavíkur:
Upphituð
strætóskýli
DÓMSMÁL Héraðsdómur Reykja-
víkur úrskurðaði í gær fimm fíkni-
efnasmyglara í áframhaldandi
gæsluvarðhald. Þrír Íslendingar
og Hollendingur reyndu að smygla
inn rúmum 25 kílóum af hassi og
amfetamíni í bensíntanki bifreið-
ar og var þeim gert að sitja áfram
inni til 2. júní.
Þá var í gær framlengt gæslu-
varðhald yfir litháískum karl-
manni sem tekinn var á Keflavíkur-
flugvelli í byrjun árs með flöskur
með fljótandi amfetamíni í fórum
sínum. Tveir Litháar til viðbótar
sitja í gæsluvarðhaldi vegna rann-
sóknar á smygli á fljótandi
amfetamíni. - jss
Héraðsdómur Reykjavíkur:
Framlengt á
fimm menn
HÚSNÆÐISLÁN Stóru viðskiptabank-
arnir fjórir hafa hækkað vexti á
húsnæðislánum. Glitnir, Lands-
bankinn og Spron hafa hækkað
vexti á húsnæðislánum í 4,90 pró-
sent en Kaupþing banki veitir nú
lán með 4,75 prósenta vöxtum.
Vaxtahækkunin tekur gildi á
mánudag.
Vextir á húsnæðislánum bank-
anna hafa hækkað um ríflega hálft
prósentustig á einu ári. Lengi vel
veittu bankarnir húsnæðislán með
4,15 prósenta vöxtum en vextir
fóru að hækka síðasta haust og
voru 4,15 til 4,35 prósent í desem-
ber. Það var þó ekki fyrr en í mars
sem þeir tóku mesta kippinn og
eru nú komnir í 4,75-4,90 prósent.
Sérfræðingar á fjármálamarkaði
telja að þeir eigi eftir að hækka
enn frekar þó að það verði kannski
ekki mikið.
Ólafur Haraldsson, fram-
kvæmdastjóri hjá SPRON, segir
að markaðurinn sé að mettast og
mun minni eftirspurn sé eftir
íbúðalánum nú en áður, en eftir-
spurnin hafi verið einstaklega
mikil á síðasta ári. Þetta sé afleið-
ing af því sem hafi verið að gerast
í þjóðfélaginu og mikillar þenslu
undanfarinna ára. Hjá Glitni hefur
eftirspurnin fyrstu þrjá mánuði
þessa árs dregist saman um fimm-
tíu prósent miðað við fyrstu þrjá
mánuði síðasta árs.
„Stýrivaxtahækkanir Seðla-
bankans hafa áhrif á verðtryggð
og óverðtryggð lán. Þróunin er
upp á við á skuldabréfamarkaði og
við erum bara að elta hana. Þetta
er fyrst og fremst afleiðing af
aukinni verðbólgu og stefnu Seðla-
bankans. Seðlabankinn hefur verið
að stýra verðbólguþróuninni á
þessu þenslutímabili og nú erum
við væntanlega farin að sjá áhrif-
in. Fólk er farið að hægja á
neyslunni og það dregur úr eftir-
spurn,“ segir Ólafur.
Viðskiptabankarnir hafa verið
að lækka lánshlutfall íbúðalána og
herða skilyrðin. Landsbankinn,
Glitnir og Kaupþing banki miða
hæst við 70 prósenta lánshlutfall
nú en Spron miðar við 80 prósent.
Hjá Spron hefur eftirspurn eftir
íbúðalánum í erlendri mynt aukist
og segir Ólafur að í slíkum tilfell-
um sé miðað við 60 prósenta láns-
hlutfall. Fólk sé hvatt til að fara
varlega í slíkum lántökum.
Höfuðstóll lána hefur hækkað
verulega síðustu misseri. 10 millj-
óna króna lán sem tekið var til 40
ára hjá Kaupþingi banka í júní í
fyrra hefur hækkað um tæpa hálfa
milljón. ghs@frettabladid.is
Vextir á íbúðalánum
hafa snarhækkað
Stóru viðskiptabankarnir hafa hækkað vexti á húsnæðislánum í 4,90 prósent nema
Kaupþing banki sem veitir íbúðalán með 4,75 prósenta vöxtum. Bankarnir hafa
lækkað lánshlutfallið í 60-80 prósent og hvetja lántakendur til að fara varlega.
ÍBÚÐARBYGGÐ Í FOSSVOGI Hægt hefur á
þenslu á húsnæðismarkaðnum undanfarna
mánuði.
Húsnæðisvextir
■ Landsbankinn ■ Glitnir
■ Kaupþing banki ■ SPRON
4,15%
4,45%
4,90%
4,75%
Þróunin frá áramótum
1. jan. 15. mars 31. mars 1. apríl 21. maí
HEILBRIGÐISMÁL Ekki er vitað hver
kostnaður verður við þær aðgerð-
ir sem hrint hefur verið af stað til
að létta álagi af Landspítalanum,
að sögn Magnúsar Péturssonar
forstjóra. Eitt af verkefnum for-
ráðamanna spítalans er að kanna
hvað þær muni kosta.
„Það kostar allt peninga. Kostn-
aðarliðurinn lendir væntanlega á
borði fjármálayfirvalda,“ segir
Magnús. „Fyrsta spurningin var
þó ekki um kostnað, heldur hvað
væri hægt að gera í stöðunni. Við-
fangsefnið var tvíþætt. Annars
vegar var að létta á yfirlegunum
og gangalegunum og flæðinu
almennt, þannig að sjúklingar
gætu komist út af spítalanum. Hitt
var skortur á starfsfólki. Þessi tvö
mál ræddum við við heilbrigðis-
ráðherra á miðvikudag. Út úr því
komu nokkur atriði sem okkur var
falið að vinna. Þar ber hæst að
leita til hjúkrunarheimila og ann-
arra heilbrigðisstofnana um hvort
þau geti tekið á móti sjúklingum
sem eru betur komnir þar. Þær
viðræður eru hafnar. Hitt er að
heilsugæslunni í Reykjavík og
spítalanum var falið að móta til-
lögur um hvað væri hægt að gera
meira fyrir fólk í heimahúsum. Til
þess höfum við viku.“
Magnús segir að trúlega verði
auglýst eftir fleira starfsfólki,
hjúkrunarfræðingum og sjúkra-
liðum erlendis, sem komi þá hing-
að á einstaklingsgrundvelli. - jss
MAGNÚS PÉTURSSON Aðgerðir til að létta
álagi af LSH eru komnar á fullt skið.
Fundað með ráðherra vegna aðgerða til að létta álagi af Landspítalanum:
Ekki vitað um kostnaðinn
FUGLAFLENSA Fuglaflensa hefur
fundist í fyrsta sinn í alifuglum í
Danmörku, kom fram á fréttasíðu
Politiken á fimmtudag. Veira af
gerðinni H5 fannst í fuglum frí-
stundabónda á Fjóni, en bóndinn
lætur fugla sína ganga úti. Mat-
vælaeftirlitið hefur látið slátra
öllum fuglum bóndans og hafa
bærinn og næsta nágrenni verið
sett í sóttkví. Enn hefur ekki verið
gengið úr skugga um að veiran sé
af mannskæða afbrigðinu H5N1,
en verið er að rannsaka veiruna.
Eru Danir uggandi yfir áhrifum
þessara frétta á danskan landbún-
að. Jafnframt sögðust heilbrigðis-
yfirvöld í Indónesíu hafa fundið
H5N1-veiruafbrigðið í svínum á
Súmötru. Hafa yfirvöld þar beðið
um alþjóðaaðstoð vegna ástands-
ins, en þar í landi hafa 32 manns
týnt lífi vegna flensunnar.
Undanfarna mánuði hafa far-
fuglar borið flensuna frá Asíu til
minnst tíu landa í Evrópu og Afr-
íku. Minnst 115 manns hafa látist
úr flensunni síðan árið 2003, flest-
ir í Asíu, samkvæmt tölum Alþjóða-
heilbrigðisstofnunarinnar. - smk
Fuglaflensan heldur áfram að dreifa sér í Evrópu:
Fuglaflensa greinist á Fjóni
FUGLAR Fuglasölumaður við störf á fuglamarkaði í Djakarta á Indónesíu. FRÉTTABLAÐIÐ/AFP
GAZA-BORG, AP Sami Abu Zuhri,
talsmaður Hamas-samtakanna,
var í gær stöðvaður af öryggis-
sveitum Palestínumanna á landa-
mærum Gaza-svæðisins og
Egyptalands með jafnvirði nærri
sextíu milljóna króna, sem hann
hugðist smygla inn á Gaza-strönd.
Öryggisverðirnir, sem eru hlið-
hollir Mahmoud Abbas Palestínu-
forseta, gerðu féð upptækt. Fjár-
skortur Hamas-stjórnarinnar
hefur aukið enn á spennu milli
hennar og forsetans. - gb
Talsmaður Hamas:
Stöðvaður á
landamærum
SAMI ABU ZUHRI Talsmaður Hamas í fylgd
palestínskra öryggisvarða. FRÉTTABLAÐIÐ/AP
LEIT Umfangsmikilli leit að Pétri
Þorvarðarsyni sem fara átti fram
um helgina með þátttöku björgun-
arsveita af öllu landinu hefur
verið frestað til fimmtudags í
næstu viku vegna veðurs og
lélegra leitarskilyrða.
Péturs hefur verið leitað
árangurslaust á Möðrudals-
öræfum alla daga síðan lýst var
eftir honum á sunnudag. Björgunar-
sveitir af Norður- og Austurlandi
munu um helgina leita áfram á
þeim svæðum sem hægt er að leita
á. Leitað verður í nágrenni Gríms-
staða á Fjöllum. - sh
Leitin að Pétri Þorvarðarsyni:
Frestað vegna
lélegra skilyrða
DÓMSMÁL Málflutningur í máli
Jónínu Benediktsdóttur gegn
Fréttablaðinu og Kára Jónassyni
ritstjóra, vegna frétta sem birtust
í blaðinu í september í fyrra, fór
fram í Hæstarétti í gær.
Í héraðsdómi voru Fréttablaðið
og Kári sýknuð af öllum kröfum
stefnanda og refsikröfum vísað
frá dómi. Þá var kröfu um stað-
festingu lögbanns synjað. Mál-
flutningur stóð yfir í þrjá tíma í
gær og skipuðu fimm hæstarétt-
ardómarar dóminn; Gunnlaugur
Claessen, Markús Sigurbjörnsson,
Hrafn Bragason, Garðar Gíslason
og Árni Kolbeinsson. Lögmaður
Jónínu er Hróbjartur Jónatansson
en lögmaður Fréttablaðsins er Jón
Magnússon. - aöe
Jónína Benediktsdóttir:
Með mál fyrir
Hæstarétt