Fréttablaðið - 09.07.2006, Blaðsíða 6
6 9. júlí 2006 SUNNUDAGUR
Aðeins örfá sæti
Nú bjóðum við frábært tilboð á síðustu
sætunum til Bologna á Ítalíu 12. júlí eða
19. júlí í 1.
Þú kaupir 2 flugsæti en greiðir aðeins fyrir
1. Gríptu tækifærið og skelltu þér til Ítalíu
eða yfir til Króatíu á einstökum kjörum.
Gisting í Porec í Króatíu í boði og hinum
einstaklega fallega bæ Rovinj.
Verð kr. 19.990
Flugsæti báðar leiðir með sköttum,
m.v. 2 fyrir 1 tilboð. Netverð á mann.
2 fyrir 1 til
Ítalíu / Króatíu
12. og 19. júlí
frá kr. 19.990
KJÖRKASSINN
Hvaða þjóð vinnur HM?
Frakkland 60%
Ítalía 40%
SPURNING DAGSINS Í DAG
Hefur þú farið á safn á
þessu ári?
Segðu skoðun þína á Vísi.is
LANDBÚNAÐUR Háværar raddir
heyrast innan verkalýðsfélaga og
annarra stofnana sem krefjast
lækkunar á tollum á landbúnaðar-
vörum. Alþýðusamband Íslands
sendi í vikunni frá sér tilkynningu
þess efnis að landbúnaðaryfir-
völd, bændur og neytendur ættu
að taka höndum saman um lækkun
tolla á kjöti, mjólkurvörum, ostum,
smjöri, eggjum og útiræktuðu
grænmeti. Viðræður stjórnvalda
við Alþjóðaviðskiptastofnunina
hafi siglt í strand og nú sé ekki
eftir neinu að bíða en að ráðast í
löngu tímabærar aðgerðir upp á
eigin spýtur. Loks áréttar ASÍ að
tollarnir séu ein helsta ástæðan
fyrir háu matvöruverði á Íslandi.
Neytendasamtökin taka í sama
streng og minna á að þau hafi bar-
ist fyrir lækkun tolla „síðan ákveðið
var að leggja ofurtolla á innfluttar
landbúnaðarvörur.“ Samtökin
leggjast einnig gegn útboðum á
tollkvótum og vilja gefa verslunina
frjálsa, svo framarlega sem
vörurnar uppfylli heilbrigðiskröfur.
Þann lága toll sem eftir mun standa
beri að nýta til að styrkja innlendan
landbúnað í vaxandi samkeppni við
innfluttar vörur.
Neytendasamtökin nefna jafn-
framt að einn besti stuðningur
sem vel stæð lönd geta veitt
þróunarlöndum sé að opna mark-
aði sína fyrir innflutningi á lágum
tollum. Markaðir margra iðnríkja
hafi verið þróunarlöndunum
lokaðir vegna tollmúra.
BSRB tekur að miklu leyti
undir sjónarmið ASÍ og Neytenda-
samtakanna. Í yfirlýsingu frá
Ögmundi Jónassyni formanni og
Elínu Björgu Jónsdóttur, fulltrúa
BSRB í matvælanefnd forsætis-
ráðuneytisins, er það gagnrýnt að
matvælanefnd hafi nær eingöngu
horft til innlendrar framleiðslu,
en litið er framhjá innfluttum mat-
vælum sem leið til að lagfæra
verðlag neysluvara á landinu.
BSRB hvetur til þjóðarsáttar milli
bænda, ríkis og neytenda og segir
að stórfelldar breytingar á land-
búnaðarkerfinu verði að gera í
samráði við bændur.
Hallgrímur Snorrason, formað-
ur matvælanefndar, segir stað-
hæfingu BSRB vera ranga. „Að
sjálfsögðu hefur verið rætt um
lækkun innflutningstolla í nefnd-
inni,“ segir Hallgrímur. Að öðru
leyti vildi hann ekkert tjá sig um
starf nefndarinnar, nema að hún
sé enn að störfum og niðurstöðu
verði að vænta á næstunni.
steindor@frettabladid.is
ÖGMUNDUR JÓN-
ASSON
Krefjast lægri tolla
á innflutta matvöru
Neytendasamtökin vilja lækka innflutningstolla á landbúnaðarvörum og ASÍ
segir þá vera eina ástæðu hás matvælaverðs á Íslandi. BSRB segir matvæla-
nefnd forsætisráðuneytis lítið ræða um tollalækkun sem leið til að laga verðlag.
HEYSKAPUR Á ÍSLANDI Neytendasamtökin nefna að einn besti stuðningur sem vel stæð
lönd geta veitt þróunarlöndum sé að opna markaði sína fyrir innflutningi á lágum tollum.
LANDBÚNAÐUR Matvælaverð mun
ekki snarlækka þó að tollar á inn-
fluttum matvælum verði felldir
niður eða lækkaðir segja Bænda-
samtök Íslands. Í tilkynningu frá
samtökunum kemur fram að þetta
sé einföldun á sannleikanum.
Bent er á að einungis fimm til sex
prósent útgjalda íslenskra heimila
renni til kaupa á íslenskum land-
búnaðarafurðum. Samtökin fagna
jafnframt „málefnalegri og
ígrundaðri“ yfirlýsingu BSRB um
málið.
Bændasamtökin segja Neyt-
endasamtökin gera of lítið úr
öðrum þáttum sem stuðla að háu
matvælaverði á Íslandi en verndar-
stefnu gagnvart innlendum land-
búnaðarvörum. Fiskur sé til
dæmis á sama hátt og búvara
dýrari hér á landi en víðast hvar
erlendis. - sgj
Bændur um afnám tolla:
Stuðlar ekki að
verðlækkun
HALLGRÍMUR
SNORRASON
BELFAST, AP Írski lýðveldisherinn
sendi í gær frá sér yfirlýsingu
þar sem því er haldið fram að
ekkja, sem liðsmenn hersins
rændu, drápu og grófu með leynd
árið 1972, hafi alveg áreiðanlega
verið njósnari á vegum breska
hersins. Þess vegna hafi hún
verið réttmætt skotmark í baráttu
írskra fullveldissinna.
Yfirlýsingin kom daginn eftir
að lögreglan á Norður-Írlandi
skýrði frá niðurstöðu rannsókna
á málinu, þar sem ekkert kom í
ljós sem benti til þess að Jean
McConville hafi starfað sem
njósnari. - gb
Írski lýðveldisherinn:
Myrt kona var
víst njósnari
BANDARÍKIN, AP Hasim Townsend,
fjögurra ára drengur í Bandaríkj-
unum, lifði af fall af elleftu hæð
íbúðablokkar í bænum Albani í
New York-ríki á föstudaginn. Hann
var þó mikið slasaður og lá á gjör-
gæsludeild í gær, höfuðkúpu-
brotinn og fótbrotinn með meiru.
Hann féll út um glugga í íbúð,
þar sem hann hafði verið skilinn
eftir einn. Hann kom fyrst niður á
málmskyggni, sem er í um það bil
fjögurra metra hæð frá jörðu, og
féll þaðan niður á steinsteypt plan
við húsið.
Hann reyndi þó strax að standa
upp og gat talað við lækna sem tóku
á móti honum á sjúkrahúsinu. - gb
Fjögurra ára drengur:
Lifði af fall af
elleftu hæð
LÖGREGLA Lögreglan í Reykjavík
hafði í nógu að snúast aðfaranótt
laugardags. Þrír sautján ára piltar
voru handteknir fyrir skemmdar-
verk á bílum og húsum auk þess
sem mikið var um ölvun og smá-
vægileg mál í bænum sem hafa
þurfti afskipti af.
Piltarnir þrír voru handteknir
undir morgun grunaðir um að hafa
brotið rúður í átta bílum við Skóla-
vörðustíg og auk þess rúður í Vörðu-
skóla. Síðar í gær kom í ljós að þeir
höfðu einnig brotið rúður í Heilsu-
verndarstöðinni við Barónsstíg og
þremur öðrum bílum í miðborg-
inni. Piltarnir voru allir ölvaðir og
höfðu ekki áður komið við sögu hjá
lögreglunni, sem segir skemmdar-
fýsn eina hafa ráðið för sökudólg-
anna. Engu hafi verði stolið og eini
tilgangur brotanna verið eyðilegg-
ingin. Piltarnir þrír voru látnir
gista fangageymslur og voru yfir-
heyrðir í gær.
Guðbjörg Þorvarðardóttir dýra-
læknir sem býr við Skólavörðu-
stíg, segist vera búin að fá sig full-
sadda á skemmdarverkum í
götunni. Bíll hennar hafi nú verði
skemmdur í annað sinn á skömm-
um tíma. Hún líkir miðborginni
um helgar við vígvöll og telur að
eftirlitsmyndavélar gætu spornað
við atvikum sem þessum.
Mikill erill var í miðbænum
aðfaranótt laugardags og tölu-
verð ölvun þó að mannfjöldi hafi
ekki verið mikill að sögn lögreglu.
Nokkur fíkniefnamál komu upp
en í öllum tilvikum var um minni-
háttar neysluskammta að ræða.
- sh
Lögreglan í Reykjavík handtók þrjá pilta fyrir skemmdarverk í fyrrinótt:
Brutu rúður í bílum og húsum
MIÐBÆRINN Þrír piltar voru handteknir
fyrir skemmdarverk í fyrrinótt.
SERBÍA, AP Hundruð manna komu
saman í Sarajevo í gær til að
syrgja rúmlega fimm hundruð
fórnarlömb fjöldamorðanna í
Srebrenica. Bílar með líkkistum
fórnarlambanna, sem nýlega
hafa verið borin kennsl á, komu
við í Sarajevo á leið sinni til
Srebrenica þar sem líkin verða
jörðuð næstkomandi þriðjudag.
Þann dag verða ellefu ár liðin frá
því að Bosníu-Serbar myrtu átta
þúsund bosníska múslima í
Srebrenica en fjöldamorðin eru
þau hroðalegustu frá lokum síð-
ari heimsstyrjaldar.
Fundist hafa meira en fimm
þúsund lík fórnarlambanna í
fjöldagröfum vítt um landið og
hefur tekist að bera kennsl á
hluta þeirra. Þar af eru rúmlega
átján hundruð jarðsett í
Srebrenica.
„Enginn fylgdist með atburð-
unum og nú þegar maður sér
kisturnar fara hjá hugsar maður
um hversu mikill óþarfi þetta
hafi verið,“ sagði Diego Arria,
fyrrverandi umboðsmaður Sam-
einuðu þjóðanna, sem viðstaddur
var minningarathöfnina í gær.
Hann hefur gagnrýnt Sameinuðu
þjóðirnar fyrir að hafa horft
framhjá atburðunum í Srebrenica
og ekkert aðhafst. Hann segir
ennfremur erfitt að rannsaka
atburðarásina þar sem öll mikil-
væg skjöl séu falin fyrir almenn-
ingi. „Það er enginn vafi á því að
þetta er stærsta yfirhylming í
sögu Sameinuðu þjóðanna.“ - mþþ
Meira en fimm þúsund lík hafa fundist í fjöldagröfum í fyrrum Júgóslavíu:
Kennsl borin á 505 fórnarlömb
fjöldamorða Serba í Srebrenica
FÓRNARLÖMBIN FLUTT Sextíu ára gömul bosnísk kona frá Srebrenica stendur fyrir framan
vörubíl með líkkistum fórnarlambanna, en þar eru meðal annars líkamsleifar fimmtán ára
gamals sonar hennar sem myrtur var í fjöldamorðunum árið 1995. FRÉTTABLAÐIÐ/AP
AUSTUR-TÍMOR, AP Jose Ramos-
Horta, sem hlotið hefur friðar-
verðlaun Nóbels, er nýr forsætis-
ráðherra Austur-Tímor.
Margir binda vonir við að hann
nái að lægja öldurnar sem mynd-
ast hafa vegna afsagnar Mari Alk-
atiri úr stól forsætisráðherra í
kjölfar ásakana um að Alkatiri
hafi látið myrða pólitíska and-
stæðinga sína.
Ramos-Horta sagði að fyrsta
verkefni hans sem forsætisráð-
herra væri að koma þeim tugum
þúsunda manna sem hafast að í
flóttamannabúðum til síns heima.
Ramos sagði einnig að hann myndi
gera allt sem hann gæti til þess að
koma á friði og stöðugleika í land-
inu á ný. - vör
Nóbelsverðlaunahafi:
Tekur við á
Austur-Tímor
JOSE RAMOS-HORTA Nýkominn af fundi
með Xanana Gusmao forseta í gær.
FRÉTTABLAÐIÐ/AP
Ók út af ölvaður Lögreglan í Hafnar-
firði þurfti aðfaranótt laugardags að hafa
afskipti af ölvuðum bílstjóra sem hafði
ekið út af. Ekki var um slys að ræða,
maðurinn slapp án meiðsla og bíllinn
var óskemmdur.
LÖGREGLUFRÉTTIR