Fréttablaðið - 03.08.2006, Blaðsíða 71
Pete Garrison er vel metinn
leyniþjónustumaður hjá CIA sem
bjargaði lífi forseta Bandaríkj-
anna fyrir tuttugu árum. Líf
Garrisons er í föstum skorðum og
hann hefur fengið það hlutverk
að vernda forsetafrúna. Kvöld
eitt fær hann símhringingu frá
vini sínum, Merriweather, sem
segist þurfa deila með honum
leyndarmáli en áður en Garrison
tekst að hafa upp á vini sínum er
Merriweather drepinn. Allt lítur
út fyrir að morðinginn sé innan-
búðarmaður en það hefur ekki
gerst í 141 árs sögu CIA.
Fyrrum lærisveini Garrisons,
David Breckinridge, er falið að
rannsaka málið en þeir tveir hafa
eldað grátt silfur saman eftir að
Garrison sakaði Breckinridge um
að halda við fyrrverandi eigin-
konu sína, hina eitilhörðu Jill
Maroon. Þau þrjú verða þó að
gleyma öllu því sem á undan er
gengið til að komast til botns í
málinu sem gæti snert árás á
forsetann sjálfan.
Þau Michael Douglas, Kiefer
Sutherland og Eva Longoria leika
aðalhlutverkin í The Sentinel en
leikstjóri er Clark Johnson sem
hefur meðal annars leikstýrt
nokkrum þáttum af hinni vinsælu
sjónvarpsþáttaröð The Shield.
Bæði Douglas og Sutherland hafa
verið lengi að á hvíta tjaldinu en
sá síðastnefndi gekk í endurnýj-
un lífdaga þegar sjónvarpsþætt-
irnir 24 slógu eftirminnilega í
gegn. Eva Longoria hefur smám
saman verið að fikra sig upp á
stjörnuhimininn með frammi-
stöðu sinni í Aðþrengdum eigin-
konum sem hin ákaflega lausláta
Gabrielle Solis.
Svikari innan CIA
BRECKINRIDGE OG MAROON Reyna að leysa morðið með aðstoð Garrisons en það gæti
reynst þrautinni þyngra enda er ýmislegt sem býr í fortíðinni.
GARRISON Á að vernda forsetafrúna þegar besti vinur hans er drepinn. Ekki er allt sem
sýnist og það virðist vera svikari innan CIA.
Skvísurnar Paris Hilton og
Nicole Richie hafa verið óvin-
konur síðan árið 2005. Hvorki
Richie né Hilton hafa viljað segja
hver ástæða rifrildisins er en
það hefur vakið mikla athygli
vegna þessa þær stöllur voru
nánast óaðskiljanlegar í fyrra.
Nú hefur Paris Hilton tjáð sig
um það að hana langi gríðarlega
til að hringja í Richie en hún þori
ekki að taka upp tólið. „Ég og
Nicole göngum í gegnum eitt-
hvað núna en ég elska hana eins
og systur,“ segir Paris og bætir
því við að hún haldi að það verði
skrýtið og erfitt að tala saman í
fyrsta skipti eftir svona langan
tíma.
Þorir ekki að hringja
ÓVINKONUR
Paris Hilton langar að hringja í fyrrverandi
vinkonu sína Nicole Richie en þorir það
ekki. FRÉTTABLAÐIÐ/GETTYIMAGES
Útsölulok
KRINGLUNNI
70-90%
afsláttur!
Af öllum útsöluvörum