Fréttablaðið - 05.09.2006, Síða 25

ÞRIÐJUDAGUR 5. september 2006 3
137 suður-afrískir þátttakend-
ur á alnæmisráðstefnu sækja
um hæli sem flóttamenn.
Suður-afrísk yfirvöld segjast nú
vera að rannsaka fréttir af því að
137 konur úr þarlendri sendinefnd
á ráðstefnu um alnæmi, sem fram
fór í Toronto í Kanada, hafi sótt um
hæli sem flóttamenn.
Alls mun 151 þátttakandi af ráð-
stefnunni hafa sótt um hæli, til
dæmis frá löndum eins og El Sal-
vador, Simbabve og Úganda. Kan-
adískur lögmaður innflytjenda
segir konur sæta gróflegri mis-
munun í þessum löndum. Þær
misstu hemili sín og vinnu og þeim
væri oft á tíðum hótað ofbeldi.
Stefna Suður-Afríku í alnæmis-
málum sætti harðri gagnrýni á
ráðstefnunni. Þar er óheðfbundn-
um lækningum haldið hæst á lofti
og forsetinn, Thabo Mbeki, styður
þá stefnu. Því hefur verið kennt
um hversu hægt gengur að koma
alnæmislyfjum í umferð þar í
landi og var það mikið umtalsefni
á ráðstefnunni.
Stephen Lewis, talsmaður sam-
einuðu þjóðanna um alnæmi, segir
stefnu Suður-Afríku frekar hæfa
vitstola öfgamönnum en mannúð-
legu ríki. Heilbrigðisráðuneyti
Suður-Afríku hefur skipað opin-
berum starfsmönnum sínum að
sniðganga Lewis í væntanlegri
heimsókn hans.
Hælisleitendurnir gista á gisti-
heimili í Toronto þar til beiðnir
þeirra hljóta afgreiðslu, sem getur
tekið heilt ár.
Leita hælis í
Kanada
151 þátttakandi á kanadískri ráðstefnu
um alnæmi hefur leitað hælis þar í
landi.
Börn alkóhólista eru líklegri til
að ánetjast áfengi.
Sérfræðingum ber saman um að
börn sem alast upp hjá alkóhólist-
um beri tilfinningaleg, hegðunar-
leg og andleg ör. Skýrsla, byggð á
rannsókn þar sem börn breskra
alkóhólista voru skoðuð, sýndi
fram á að þau voru fjórum sinnum
líklegri til að ánetjast áfengi en
önnur börn, auk þess sem hættan
á fíkniefna- og spilafíkn jókst
líka.
Í skýrslunni kemur líka fram að
55 prósent tilfella heimilisofbeldis
og 90 prósent barnamisnotkunar
fóru fram á heimilum alkóhólista
og að æska barna þeirra einkennd-
ist oft af óreiðu, áföllum, ruglingi
og nokkuð oft kynferðislegu eða
líkamlegu ofbeldi. Með tilliti til
fyrirliggjandi gagna og áliti sér-
fræðinga komust höfundar skýrsl-
unnar að þeirri niðurstöðu að þau
vandamál sem börn alkóhólista
upplifa í æsku hafi gríðarleg áhrif
á þau síðar á lífsleiðinni.
Í skýrslunni segir að börn geti
brugðist við á þrjá ólíka vegu; þau
draga sig inn í skel, fara í afneitun
eða nota reynsluna til að styrkja
sjálfa sig. Mörg þeirra, jafnvel þau
sem leita í skelina, verða þó á full-
orðinsárum almennileg, ljúf og
nærgætin. Vandamálin komi hins
vegar í ljós þegar glíma þurfi við
vandamál og eins eiga þau erfið-
ara með náin samskipti við annað
fólk. Sem betur fer geta börnin þó
brotist út úr þessum vítahring og
mörg þeirra velja annað líf en for-
eldrar sínir.
Drykkja foreldra
Ofdrykkja getur haft varanleg áhrif á
börn þeirra sem hana stunda.
Ekki alltaf
síþreyta
EINKENNI SEM LÍKJAST SÍÞREYTU
GETA BENT TIL ANNARRA KVILLA.
Margir líkamlegir og andlegir kvillar
geta haft þreytu og slen í för með
sér. Það er því mikilvægt að skoða
málið vel áður en einkenni eru
greind sem síþreyta.
Meðal þeirra
þátta sem
geta útilokað
síþreytu eru:
■ Kæfisvefn.
Hann er
algengur
meðal offitu-
sjúklinga en
eins og aðrar
svefnraskanir
getur hann
orsakað
þreytu.
■ Óvirkni
skjaldkirtils.
■ Viðloðandi
hjartavanda-
mál, til dæmis þar sem hjartað
dælir of litlu.
■ Fylgikvillar lyfja.
■ Misnotkun áfengis eða fíkni-
efna, jafnvel mánuðum eftir að
neyslu líkur.
■ Sýkingar á borð við lifrabólgu B
og C og sum illkynja æxli geta haft
þreytu í för með sér.
■ Mikil koffínnotkun, svosem í
kaffi, te eða súkkulaði.
■ Járnskortur kvenna sem missa
mikið tíðablóð.
■ Loks geta andlegir kvillar á
borð við þunglyndi, geðhvarfasýki
og ímyndunarveiki orsakað þreytu,
ásamt átröskunum á borð við
búlimíu og anorexíu.
Til að geta með vissu útilokað ein-
hvern eða alla þessa þætti er rétt
að fara í vandlega læknisskoðun og
heimsókn til geðlæknis.
Síþreytt? Eða er
kannski eitthvað
annað að hrjá
hana?
Lille Collection
1 dálkur 9.9.2005 15:18 Page 3