Fréttablaðið - 11.10.2006, Side 80

36 11. október 2006 MIÐVIKUDAGUR
sport@frettabladid.is
> Hvað verður um Jónas Grana?
Húsvíkingurinn Jónas Grani Garðarsson er með lausan
samning hjá Fram og hefur enn ekki framlengt samning sinn
við félagið. Aðspurður sagði Jónas Grani óvíst hvort
hann yrði áfram í herbúðum Framara. Ekki
væri búið að skrifa undir neinn samning og
hann væri að skoða sín mál í rólegheitum.
Það yrði klárlega mikið áfall fyrir Framara að
missa Jónas Grana, sem var í lykilhlutverki
hjá Fram í sumar, lék alla leiki liðsins og
skoraði í þeim átta mörk. Þar að auki
býr Jónas Grani yfir mikilli reynslu
sem gæti nýst hvaða liði sem er
vel.
Bræðurnir Jón Torfi og Óskar Jónssynir verða í hópi þeirra krakka sem
leiða lið Tottenham og Liverpool inn á White Hart Lane, heimavöll
Tottenham, í lok þessa árs. Hefð er fyrir því að krakkar gangi inn á
völlinn með liðunum í ensku úrvalsdeildinni og það er rétt hægt að
ímynda sér að þetta sé draumur allra krakka sem eitthvað fylgjast
með fótbolta.
Jón Torfi er ellefu ára gamall og heldur með Tottenham.
Uppáhaldsleikmaður Jóns Torfa er Aaron Lennon og það
er því draumur hans að fá að ganga inn á völlinn við
hlið Lennons. Óskar heldur sömuleiðis með Tottenham
en hans eftirlætisleikmaður er hins vegar Jermain
Defoe og Óskar á sér þá ósk heitasta að leiða hann
inn á völlinn. Báðir æfa þeir knattspyrnu með
Breiðablik og eru miklir áhugamenn um enska
boltann. Það er því ekki nema von að þeir
bræður séu spenntir fyrir ferðinni en biðin
er löng þar sem leikurinn er ekki fyrr en 30.
desember.
Faðir drengjanna er Jón Berg Torfason og
það þarf vart að taka það fram að hann er
einnig Tottenham-aðdáandi. „Ég skráði strákana í klúbbinn úti og
á heimasíðunni rak ég augun í þetta, að þeir ættu möguleika á að
skrá sig í pott og vera dregnir út til að leiða liðið inn á völlinn. Það
er líka annar pottur sem hægt er að skrá þá í en þá geta foreldrarnir
borgað klúbbnum fyrir að velja sín börn,“ sagði Jón Torfi og það er
augljóst hvaðan strákarnir fengu sinn áhuga á Tottenham. „Strákarnir
hafa verið aldir upp við þetta og ég gerði þeim fljótlega grein fyrir
því að þeir yrðu að finna sér annað heimili ef þeir styddu ekki
Tottenham. Það var mikil pressa á þeim í skólanum um
tíma að halda með Manchester United en hún er gengin
yfir,“ sagði Jón Berg og hló.
Strákarnir þurfa að mæta á White Hart Lane tveimur
og hálfum klukkutíma fyrir leikinn og þar fá þeir
búninga og fá svo að hitta leikmennina áður en
þeir fara inn í klefa. Þar gefst strákunum tækifæri
á að fá eiginhandaráritanir og spjalla aðeins við
leikmennina. Jón Berg sagði að strákarnir gætu
komið með einhverjar óskir og það kemur í ljós
hvort félagið getur orðið við þeim en ár er síðan
Jón Berg sendi inn umsóknina.
BRÆÐURNIR JÓN TORFI OG ÓSKAR: VERÐA Í HÓPI ÞEIRRA SEM LEIÐA TOTTENHAM OG LIVERPOOL INN Á WHITE HART LANE
Jermain Defoe og Aaron Lennon eru í mestu uppáhaldi
SVANUR FREYR ÁRNASON, 20 ÁRA,
NEMI
2-1 fyrir Íslendinga, af því að þeir
gerðu í sig í síðasta leik.
ALMENNINGUR SPÁIR
ERLA KRISTINSDÓTTIR, 27 ÁRA,
KENNARI
Bíddu, það fór 0-4 síðast, ég held að
við töpum þessu 0-2.
BERGLIND HÁLFDÁNSDÓTTIR, 33
ÁRA, NEMI
Fyrir manneskju eins og mig þá eru
einu fótboltatölurnar 14-2.
GUNNAR INGI JÓNSSON, 69 ÁRA,
SKRIFSTOFUMAÐUR
Þetta verður erfitt og fer 0-2 fyrir
Svía.
SÖREN, 35 ÁRA, FLUGMAÐUR
1-2 fyrir Svía. Ég er Dani og Svíar gera
ekki betur en Danir.
GEIR, 17 ÁRA, NEMI
Ég segi 1-1 eða að Ísland taki þetta.
Maður verður að hafa smá trú.
HREINN ÓLAFUR INGÓLFSSON, 17
ÁRA, NEMI
0-1 fyrir Svía. Ég held að þeir séu
betri en við.
HEIÐA, 14 ÁRA, NEMI
Svíþjóð vinnur 0-2.
ALMENNINGUR SPÁIR
STEINUNN, 15 ÁRA, NEMI
1-3 fyrir Svíþjóð, nei ég veit það ekki.
ÁRNI FREYR SNORRASON, 15 ÁRA,
NEMI
Svíþjóð tekur þetta 3-1.
FÓTBOLTI Veigar Páll Gunnarsson
var í gær fluttur á sjúkrahús eftir
að hann fékk svimakast. Átti það
sér stað eftir æfingu íslenska
landsliðsins í knattspyrnu. Ástand-
ið er þó ekki talið alvarlegt en
læknum þótti betra að hann hvíldi
næstu daga og missir hann því af
leiknum gegn Svíum í kvöld. Hann
fékk að fara heim til sín eftir skoð-
un.
Er þetta mikið áfall fyrir
íslenska landsliðið því víst mátti
telja að hann fengi að spreyta sig í
byrjunarliði Íslands í kvöld eftir
að hann átti góða innkomu í síðari
hálfleik gegn Lettum um helgina.
Helgi Valur Daníelsson meidd-
ist um helgina og reyndi að æfa í
gær en nú er ljóst að hann verður
frá í kvöld vegna bakmeiðsla. Auk
þess er Kári Árnason frá en Helgi
Valur kom inn á sem varamaður
fyrir Kára gegn Lettum.
Eyjólfur Sverrisson landsliðs-
þjálfari kallaði á þá Ásgeir Gunn-
ar Ásgeirsson, leikmann FH, og
Jónas Guðna Sævarsson, leikmann
Keflavíkur, í íslenska landsliðið og
komu þeir upp á hótel liðsins seint
í gærkvöldi. Þeir eru báðir mið-
vallarleikmenn sem stóðu sig vel
með sínum liðum í sumar.
Eyjólfur sagði að þrátt fyrir
mikið brottfall sóknarmanna úr
íslenska liðinu væri liðið vel sett.
„Ég er nú ekki búinn að sjá fyrir
hvernig ég mun stilla upp liðinu,
það geri ég í fyrsta lagi kvöldið
fyrir leik. En það er ljóst að ég
þarf að koma með áherslubreyt-
ingar í okkar leik. Það gekk illa að
verjast gegn Lettum og misstum
við einbeitinguna í fimmtán mín-
útur, sem má ekki gerast í lands-
leik. Við vorum alls ekki sáttir við
þessa útkomu.“
Lið Íslands lék samkvæmt 4-5-1
leikkerfinu um helgina og útilokar
Eyjólfur ekki að gera það einnig
gegn Svíum. „Það skiptir minna
máli hvað þessi leikkerfi heita og
meira hvernig áherslur eru í okkar
leik. Það er klárt að við ætlum að
standa okkur og gera betur en
gegn Lettlandi. Það er mikill hugur
í leikmönnum og við verðum svo
að sjá hversu sterkir Svíarnir
verða.“
Mörkin sem Ísland fékk á sig
um helgina má fyrst og fremst
skrifa á einstaklingsmistök og
segir Eyjólfur mikilvægt að fara
vandlega yfir þau og ræða úrbæt-
ur. „Í fótbolta er það alltaf þannig
að mistök eiga sér stað. Það sem
er mikilvægt er að næsti leikmað-
ur sé tilbúinn að bæta fyrir þau.
Til þess þarf liðið að vera mjög
þétt og menn að standa saman.“
Jónas Guðni sagði við Frétta-
blaðið í gærkvöldi að símtalið frá
Eyjólfi hefði komið sér í opna
skjöldu. „Ég var í skólanum og
þurfti að bruna heim til Keflavík-
ur til að ná í það sem ég þurfti og
svo upp á hótel. Auðvitað er gam-
all draumur að rætast með þessu
og er ég hreint alveg í skýjunum.
Ég veit nú ekki hvort ég fái að
spila á morgun en auðvitað væri
frábært að fá tækifærið.“
eirikur.asgeirsson@frettabladid.is
EIÐUR KANN ÞETTA Eyjólfur Sverrisson landsliðsþjálfari lítur á Eið Smára Guðjohnsen
á blaðamannafundi íslenska landsliðsins í gær. FRÉTTABLAÐIÐ/VILHELM
Veigar Páll fluttur á sjúkra-
hús vegna svimakasts
Veigar Páll Gunnarsson var fluttur á sjúkrahús eftir æfingu íslenska landsliðs-
ins í gær. Fann hann fyrir miklum svima og var færður til rannsóknar. Ástand-
ið er ekki talið alvarlegt en betra þótti að hvíla hann í leiknum í kvöld.
VEIGAR PÁLL GUNNARSSON Á æfingu
íslenska landsliðsins í fyrradag.
FRÉTTABLAÐIÐ/HEIÐA
FÓTBOLTI Eiður Smári Guðjohnsen
landsliðsfyrirliði sat eins og vana-
lega fyrir svörum á blaðamanna-
fundi KSÍ í gær. Hann sagði að
sínir menn ættu að nota þetta
tækifæri eftir slæma útreið í Lett-
landi og rétta úr kútnum gegn
Svíum.
„Við þurfum að gera það sem
okkur finnst skemmtilegasta að
gera og bretta einfaldlega upp erm-
arnar. Það er auðvitað skemmti-
legra að koma heim með sigur á
bakinu en það fylgir líka í fótbolta
að tapa. En það er einnig ljóst að í
þessum leik spiluðum við langt
undir getu og vonandi náum við að
spila okkar leik gegn Svíum.“
Landsliðsfyrirliðinn var einn í
fremstu víglínu gegn Lettum
lengst af og náði sér ekki á strik,
alla vega ekki fyrir framan mark
andstæðingsins. „Við náðum að
skapa okkur mörg færi og það
mátti litlu muna að við næðum að
nýta þau. Að sama skapi fengum
við á okkur ódýr mörk sem við
verðum að laga. Auðvitað verður
maður pirraður í svona leikjum
enda ekki gaman að tapa. Gott
dæmi er þegar ég er búinn að
koma mér í ágæta stöðu, kominn
framhjá tveimur mönnum og á
skot að marki sem markvörðurinn
les vel. Hann kemur boltanum
fram og nokkrum sekúndum síðar
er staðan orðin 2-0.“
Eiður segir að þrátt fyrir allt
reyni menn til þrautar, sama hver
staðan í leiknum er. „En það virtist
sem við hefðum getað spilað sólar-
hring lengur, boltinn var einfald-
lega ekki á leiðinni í netið - alla-
vega ekki hjá mér. Ég vona að ég
hafi tekið út öll þessi færi sem ég
klikka á og skilið það eftir í Lett-
landi.“ - esá
BRUGÐIÐ Á LEIK Eiður Smári Guðjohn-
sen gantast á æfingu. FRÉTTABLAÐIÐ/HEIÐA
Eiður Smári Guðjohnsen segir að leikgleði verði að vera við völd gegn Svíum:
Þurfum að bretta upp ermarnar