Fréttablaðið - 13.11.2006, Page 67

The Times They Are A-Changin’,
söngleikurinn sem saminn var út
frá sönglögum Bobs Dylan og
frumsýndur á Broadway hinn 28.
október lýkur göngu sinni sunnu-
daginn 19. nóvember.
Þá verða að baki 28 sýningar á
þessu verki sem danshöfundurinn
Twyla Tharp átti upphafið að, auk
35 forsýninga. Á máli leikhús-
manna vestanhafs er slakt gengi
sýningarinnar kallað flopp en til
slíkra verkefna er yfirleitt stofn-
að með margra ára göngu í huga.
Sýningin var upphaflega sett
upp í San Diego í janúar, en það er
gjarnan háttur framleiðenda stór-
söngleikja vestanhafs að reyna þá
í smærri borgum áður en ráðist er
á stóru markaðssvæðin. Þar var
verkið leikið í tæpan mánuð.
Tharp er merkilegur danshöfund-
ur og hefur gert það gott með
ýmsum dansverkum. Enn er í
gangi sýning hennar við söngva
Billy Joel.
Söngleikur floppar
Hjónakornin, leikkonan Cate
Blanchett og Andrew Upton,
leikskáld og þýðandi, sem hér
dvöldu í sumar hafa tekið að sér
stjórn Sidney Theatre Company
í árslok 2007. Blanchett starfaði
með þessum ástralska leikflokki
með hléum milli kvikmynda, lék
þar Heddu Gabler, var í aðal-
hlutverki í Klassapíum eftir
Caryl Churchill og Oleanna eftir
David Mamet, en öll þessi verk
eru kunn íslenskum leikhúsgest-
um. Nú hyggst hún snúa sér að
leikstjórn. Saman munu hjónin
leikstýra einþáttungunum Eins-
konar Alaska eftir Pinter og
Reunion eftir Mamet, en síðan
ætlar frúin að stýra Blackbird
eftir David Harrow sem frum-
sýnt var á Edinborgarhátíðinni í
fyrra í leikstjórn Peter Stein og
vakti þá gríðarlega athygli. Þar
segir af misnotkun ungrar stúlku
og eru persónur aðeins tvær.
Hún og ofbeldismaðurinn. Maður
Blanchett, Upton, vinnur jöfnum
höndum sem leikskáld og
handritshöfundur. Hinn kunni
leikari, Philip Seymour Hoffman
(Capote og fleira), leikstýrir á
næsta ári nýju verki Uptons,
Riflemind.
Blanchett leikhússtjóri
Hyggst snúa sér
að leikstjórn með manni sínum
Andrew Upton.