Fréttablaðið - 18.11.2006, Blaðsíða 48

{ austurland } 2
„Þetta var nú eiginlega sameiginleg
ákvörðun liðsins á æfingu í haust.
Fyrirliðinn frá því í fyrra hætti fyrir
þetta tímabil og einhver þurfti að
leysa hana af. Mitt nafn var nefnt
og ég ákvað að slá til,“ segir Kristín
Salín Þórhallsdóttir, 16 ára fyrirliði
kvennaliðs Þróttar í Neskaupstað
í blaki, þegar hún er spurð hvern-
ig það kom til að hún var gerð að
fyrirliða fyrir tímabilið í ár.
Það er ekki á hverjum degi sem
yngsti leikmaður liðs í hópíþrótt fær
þess nafnbót, hvað þá þegar við-
komandi er aðeins 16 ára gamall,
en sú er þó raunin í tilviki Kristínar.
„Sú sem er best í liðinu er líka þjálf-
arinn svo það gekk eiginlega ekki
að hafa hana sem fyrirliða. Þær sem
eru eldri og reyndari leikmenn en ég
eru einfaldlega svo nýjar í liðinu að
það gekk eiginlega ekki að þær yrðu
fyrirliðar. Ég var því ein af örfáum
sem komu til greina,“ segir Kristín
hógværðin uppmáluð, en hún hefur
áður verið fyrirliði unglingalands-
liðs Íslands í blaki. Hún segist ekki
finna mikinn mun á því að vera fyr-
irliði og óbreyttur leikmaður. „Nei,
það er helst að þegar einhver rífur
kjaft þá kallar dómarinn á mig og
segir mér að róa stelpurnar niður.
Sem er svolítið nýtt fyrir mér,“ segir
Kristín og hlær. „En þetta er mjög
gaman. Ég fæ líka mikla hjálp frá
eldri leikmönnum liðsins sem er
ómetanlegt.“
Kristín er Norðfirðingur í húð og
hár, fæddist í Neskaupstað og hefur
búið þar stærstan hluta ævi sinnar.
Hún hefur æft blak frá því henni
gafst fyrst tækifæri til þess en hún
fékk bakteríuna af frænku sinni sem
var þjálfari á sínum tíma. „Ég mætti
með henni á alla leiki og flestar
æfingar og kolféll fyrir íþróttinni.
Blakið á einstaklega vel við mig og
ég held hreinlega að ég geti stundað
það allan daginn,“ segir Kristín sem
verður þó að láta sér nægja að æfa
fjórum til fimm sinnum í viku með
Þrótti Neskaupstað. - vig
16 ára blakfyrirliði
Kristín Salín Þórhallsdóttir er fyrirliði kvennaliðs Þróttar
í Neskaupstað í blaki. Kristín Salín er fædd árið 1990 og
er þar með í hópi yngstu fyrirliða landsins í meistara-
flokki.
„Ég fullyrði að þetta sé glæsileg-
asta veiðhús á Austurlandi og þótt
víðar væri leitað,“ segir Þröst-
ur Elliðason, fiskeldisfræðingur
og forstöðumaður veiðisvæðisins
við Breiðdalsá, en svæðið nýtur
sívaxandi vinsælda meðal stang-
veiðimanna landsins. Gríðarleg
uppbygging hefur verið á svæðinu
síðustu ár og má segja að gjörbylt-
ing hafi orðið með tilkomu veiði-
hússins sem Þröstur talar um, en
það var tekið í notkun sumarið
2003.
„Aðstaðan er náttúrlega frábær
en einnig hefur mikil uppbygg-
ing átt sér stað í ánni sjálfri með
seiðasleppingum. Laxinn hefur
verið í stöðugri sókn en svo leggj-
um við einnig mikla áherslu á sil-
unga, bleikjur og urriða,“ útskýrir
Þröstur. Í sumar veiddust 937 laxar
í Breiðdalsá, en það kemur ánni í
14. sæti yfir bestu laxveiðiár lands-
ins. Sumarið í ár var metsumar
en veiðin í ánni hefur margfald-
ast eftir að mikið ræktunarátak
fyrir nokkrum árum. Til marks um
aukninguna síðustu ár má nefna að
sumarið 2003 voru „aðeins“ 204
laxar veiddir en að sögn Þrastar
er markmiðið fyrir næsta sumar að
ná yfir þúsund löxum. „Það ætti að
vera hægt ef skilyrði til sjávar eru
eðlileg en auðvitað stjórnum við
ekki náttúrunni.“
UM VEIÐIHÚSIÐ:
Veiðihúsið stendur á bökkum
Breiðdalsár í landi Eyja og er
óhætt að segja að þar sé að finna
eina glæsilegustu gistiaðstöðu
landsins. Í húsinu eru átta tveggja
manna herbergi, hvert með sér
baðherbergi, gervihnattasjónvarpi
og internettengingu. Einnig er í
húsinu stórglæsileg svíta fyrir þá
sem virkilega kunna að vera góðir
við sjálfa sig. Í húsinu er gufu-
bað og þaðan er útgengt í heitan
pott. Borðstofa og setustofa með
konunglegum aðbúnaði þar sem
glæsilegur arinn er áberandi ásamt
uppstoppuðum fuglum og fiskum
á veggjum. Þá er stór verönd í
kringum húsið með grilli og góðri
aðstöðu til útiborðhalds. Ekki má
gleyma stórkostlega útsýninu úr
húsinu sem nær yfir ómótstæði-
legan fjallahring Breiðdalsins.- vig
Fyrsta flokks veiðihús við
betrumbætta stangveiðiá
Breiðdalsá hefur stimplað sig rækilega inn hjá veiðimönnum undanfarin sumur í kjöl-
far stórbættrar aðstöðu og vaxandi veiði í ánni.
LAXVEIÐI Í BREIÐDALSÁ
SÍÐUSTU 10 ÁR:
Ár Fjöldi laxa
1997 63
1998 85
1999 128
2000 171
2001 233
2002 325
2003 204
2004 707
2005 830
2006 937
Síðustu 18 ár hefur BRJÁN,
félagasamtök tónlistarunnenda á
Austurlandi, staðið fyrir rokktón-
leikum á svæðinu, eða svokallaðri
Rokkveislu eins og heimamenn
vilja kalla fyrirbærið. Á þessum
átján árum hafa margvísleg og
fjölbreytt þemu verið tekin fyrir
en í ár var slegið upp tónleikum
þar sem tónlist hljómsveitarinnar
Queen var í hávegum höfð. Hljóm-
sveitin var skipuð sveitungum að
austan og voru Jónsi úr Í svört-
um fötum og Hreimur úr Landi og
sonum fengnir austur sem gesta-
söngvarar. Skemmst er frá því að
segja að sýningin sló í gegn og var
fullt út úr dyrum á öllum fjórum
sýningunum sem haldnar voru í
Egilsbúð.
„Hér var allt troðfullt og gríðarleg
stemning,“ segir Sverrir Ágústsson,
framkvæmdastjóri Egilsbúðar og
einn af þeim sem stóðu fyrir upp-
setningu Queen-veislunnar. Tæp-
lega þúsund manns sóttu sýninguna
þegar hún var sýnd og vakti Jónsi
mikla lukku meðal kvenna í salnum,
sérstaklega þegar hann reif sig úr að
ofan í anda Freddie Mercury heitins.
„Það fylgir þessu,“ segir Sverrir og
hlær.
Jafnvel stendur til að halda
eina sýningu á höfuðborgarsvæð-
inu, en hefð hefur myndast fyrir
því síðustu ár. „Þær sýningar hafa
alltaf verið vel sóttar í höfuðborg-
inni, sérstaklega af brottfluttum
Austfirðingum og Norðfirðingum,“
segir Sverrir en ítrekar að ekkert
hafi verið ákveðið í þeim efnum
enn sem komið er. - vig
Rokkveisla ársins
Fullt var út úr dyrum í Egilsbúð þegar Rokkveislan fór
þar fram fyrir skemmstu. Í ár var sýningin tileinkuð
hljómsveitinni Queen.