Fréttablaðið - 18.11.2006, Blaðsíða 54

{ austurland } 8
Gamla kaupfélagshúsið á Breiðdals-
vík, elsta hús bæjarins, er óðum að
taka á sig mynd eftir að hafa gengið
í gegnum gagngerar endurbætur á
síðustu árum. Að sögn Páls Bald-
urssonar, sagnfræðings og sveitar-
stjóra í Breiðdalshreppi, eru vonir
bundnar við að hægt verði að opna
húsið á ný næsta vor og þá sem eins
konar menningartákn bæjarins.
„Segja má að þetta verði nokk-
urs konar safna- og menningarhús.
Fyrirhugað er að fyrsta hæðin verði
opið rými þar sem möguleiki er að
halda sýningar en á annarri hæðinni
er hugmyndin að hafa raunverulegt
kaupfélag sem yrði í anda þess sem
var áður í húsinu. Í enda hússins,
þar sem íbúð kaupfélagsstjóra var
áður, er síðan áætlað að sett verði
upp minningarstofa um Dr. Stefán
Einarsson, sem var fæddur og upp-
alinn á Breiðdal,“ útskýrir Páll.
Rúmur áratugur er liðinn síðan
hópur fólks frá Breiðdal tók sig
saman og stofnaði félagið „Gamla
kaupfélagið“. Félagið barðist gegn
áformum um að rífa kaupfélags-
húsið og hafði á endanum sigur í
þeirri baráttu. Framkvæmdir á hús-
inu hafa staðið yfir í fjölda ára en
að sögn Páls sér nú loksins fyrir
endann á verkefninu. „Búið er
að endurbyggja húsið algjörlega
og má segja að það sé nánast allt
nýtt, gluggar, hurðir, veggir, þak og
fleira. Ef allt fer að óskum verður
hægt að opna húsið næsta vor.“
Gamla kaupfélagshúsið
verður að safnahúsi
Eftir áralangar framkvæmdir standa vonir til að gamla kaupfélagshúsið á Breiðdalsvík
verði tekið í notkun á ný á næsta ári, þá sem eins konar safnahús.
Undirbúningur fyrir verkefnið Jól á
Austurlandi er nú í fullum gangi en
um er að ræða samstarfsverkefni
sem nær yfir svæðið frá Bakkafirði
til og með Djúpavogi. Jól á Aust-
urlandi var einnig á dagskrá í fyrra
og gafst einstaklega vel, að sögn
Kötlu Steinsson hjá markaðsstofu
Austurlands.
Markmiðið með verkefninu
er að auka verslun í byggðum
Austurlands og þátttöku í þeim
fjölmörgu viðburðum sem skipu-
lagðir verða í kringum verkefnið.
Einnig verður stórskemmtilegur
jólaleikur haldinn í tengslum við
verkefnið sem er í raun stórt og
afar fjölbreytt happadrætti sem
nokkur fyrirtæki á svæðinu leggja
vinninga til.
Gleðileg jól um
allt Austurland
Fjölbreytt jóladagskrá verður á Austfjörðum.