Fréttablaðið - 18.11.2006, Blaðsíða 56
{ austurland } 10
Þegar fjallað er um Austurland
verður varla hjá því komist að
minnast á steinasafn Petru Sveins-
dóttur á Stöðvarfirði. Safnið trekkir
að fjölda ferðamanna, og reyndar
Íslendinga einnig, á hverju ári.
Um er að ræða eitt allra stærsta
og glæsilegasta steinasafn í einka-
eigu í heiminum og er með ólík-
indum hversu mikið magn Petra
hefur borið til byggða af fágætum
steinum. Áhugi hennar á steinum
kviknaði á unga aldri og má finna
ógrynni tegunda í safninu, auk
þess sem hægt er að fá einstaka
minjagripi, að sjálfsögðu unna úr
steinum.
Í dag er safnið að mestu leyti
rekið af börnum Petru, enda hún
sjálf orðin 85 ára gömul og dvelur
stærstan hluta ársins á hjúkrunar-
heimili. Að sögn Sveins Jónssonar,
sonar Petru, var mikil aðsókn á safn-
ið í sumar og virðist ekkert lát vera
á vinsældum þess. „Aðsóknin fylgir
ferðamannastraumnum og er mest í
júlí og ágúst. Þegar best lét í sumar
voru yfir 300 manns að heimsækja
safnið á dag,“ segir Sveinn en um
20 þúsund ferðamenn sækja safnið
heim á hverju ári.
Steinasafnið er staðsett í húsi
Petru sem hún bjó í allt frá árinu
1946 þar til hún fluttist á hjúkrun-
arheimili fyrir skemmstu. Sveinn
segir þó að hún hafi alltaf sterkar
skoðanir á hlutunum. „Sú gamla
kíkti daglega við í sumar og stopp-
aði í dágóða stund. Hún hefur
þannig puttana ennþá í þessu og
vill að hlutirnir séu framkvæmdir
á ákveðinn hátt. Og við krakkarnir
hlýðum því auðvitað,“ segir Sveinn
og hlær við.
Þjónustan í safninu minnkar
töluvert á veturna en því er þó
aldrei lokað. „Það er alveg hægt að
fletta okkur upp í símaskránni og
við náum oftast að koma til móts
við fólk ef það hefur áhuga á að
kíkja á safnið.“ - vig
Steinasafnið á Stöðvarfirði
það stærsta í einkaeign
Eitt stærsta steinasafn í einkaeigu í heiminum er löngu orðið Íslendingum kunnt.
Safnið er að finna í húsi og bakgarði Petru Sveinsdóttur á Stöðvarfirði.
Dagana 2. til 12. nóvember stóðu
yfir hinir svokölluðu Myrku dagar
á Austurlandi, sem haldnir hafa
verið hátíðlegir síðustu sjö ár en
þó aldrei með meiri glæsibrag en í
ár. Að sögn Kötlu Steinsson, fram-
kvæmdastjóra Markaðsstofu Aust-
urlands, er markmið hátíðarinnar
að auðga blómlegt mannlíf á Aust-
urlandi enn frekar og fá ferðamenn
til þess að heimsækja svæðið.
„Dagar myrkurs ganga út á það
að lyfta sér upp í skammdeginu og
fá fólk til að skemmta sér,“ segir
Katla en í ár var hátíðinni flýtt og
hún lengd þannig að hún næði yfir
tvær helgar. Skipulögð dagskrá á
hátíðinni náði frá Bakkafirði að
Djúpavogi og tókst hún einstak-
lega vel upp. Að sögn Kötlu er það
fyrst og fremst fólkið á Austurlandi
sem sér um að móta dagskrá hátíð-
arinnar og er óhætt að fullyrða að
hún hafi verið með fjölbreyttasta
móti. „Enda er það hugmyndaflug
fólksins sem ræður ferðinni,“ segir
Katla.
Sem dæmi um uppákomurn-
ar sem voru á hátíðinni í ár voru
kyndlagöngur, bílabíó, myrkraböll,
sundlaugaskemmtanir, stuttmynda-
sýningar auk þess sem ótal fleiri
menningartengdir viðburðir voru
haldnir. Hvað einstök sveitarfélög
varðar má nefna að þreytt var hið
svokallaða Faðirvorahlaup á Djúpa-
vogi, haldnir voru hjartanlegir
dagar og ástareldur kveiktur á Eski-
firði, myrkvaganga í Sænautaseli
og á Reyðarfirði var haldin hryll-
ingsmyndasamkeppni.
„Það er ofslaega gaman að sjá
hvernig dagskráin hefur þróast með
árunum. Sumir atburðir hafa náð að
festa sig í sessi en svo koma alltaf
nýir viðburðir inn á hverju ári. Og
þátttakan hefur verið frábær, enda
stækkar hátíðin með hverju árinu
sem líður,“ segir Katla.
Segja má að daglegt líf á Austur-
landi sé undirlagt Myrku dögunum
á meðan þeir standa yfir því skólar
á svæðinu taka þátt í hátíðinni með
því að láta námið tengjast ljósi,
skugga, draugum, stjörnum, norð-
urljósum og öðru tengdu myrkrinu.
Sama á við um flesta leikskóla og
þá voru ýmsar verslanir og þjón-
ustuaðilar með vörur í anda hátíð-
arinnar á tilboði. - vig
Gaman að lyfta sér upp í skammdeginu
Nýlega lauk hinni árlegu vetrarhátíð, Myrkir dagar, sem haldin hefur verið hátíðleg á Austurlandi síðustu sjö ár. Dagskráin hefur aldrei verið fjöl-
breyttari og viðameiri en nú. Fjölmargir taka þátt í að gera hátíðina sem skemmtilegasta og lét yngri kynslóðin ekki sitt eftir liggja.