Fréttablaðið - 18.11.2006, Blaðsíða 98
Alan Pardew, fram-
kvæmdastjóri West Ham, segir að
félagið muni njóta góðs af því að
fá nýja eigendur en Pardew fund-
aði á dögunum með Eggerti Magn-
ússyni og sagði eftir fundinn að
Eggert gæti lyft félaginu upp á
við.
„Fundurinn gekk mjög vel og
stuðningsmenn West Ham væru
alveg til í að heyra það sem Eggert
hafði að segja. Mér finnst hann
hafa góðar hugmyndir um hvað
hann vill gera fyrir félagið. Ég
verð að segja að ég var mjög
ánægður þegar ég kom út af fund-
inum, líkt og ég var eftir fundinn
með Kia Joorabchian. Ég hef
hlustað á báða þá aðila sem huga
að yfirtöku á félaginu og ég er
mjög áhugasamur af því ég vil
taka framförum með þetta félag
og komast í meistaradeildina.
Það er löng leið þangað úr
þeirri stöðu sem við erum í núna
en lið eins og Aston Villa hafa sýnt
að yfirtökur geta haft jákvæð
áhrif fljótt. Það er samt viss óvissa
sem heldur aftur af mönnum núna
en ég vona að þetta gangi hratt
fyrir sig,“ sagði Alan Pardew eftir
fund sinn með Eggerti Magnús-
syni.
Líst vel á hugmyndir Eggerts
Ungverska knattspyrnu-
goðsögnin Ferenc Puskas lést á
sjúkrahúsi í gærmorgun eftir
langa baráttu við sjúkdóm, 79 ára
að aldri. Hann var lagður inn á
sjúkrahús árið 2000 með hjarta-
sjúkdóm og greindist síðar með
Alzheimer.
Puskas vann meistaratitla bæði
með ungverska liðinu Honved og
með spænsku risunum Real Madr-
id, auk þess sem hann vann þrjá
Evróputitla með Madridarliðinu.
Puskas var einn besti knatt-
spynumaður allra tíma og var hug-
myndasmiðurinn á bak við frá-
bært landslið Ungverja sem m.a.
sigraði Englendinga 6-3 árið 1953,
en það var fyrsta tap Englendinga
á Wembley. Þetta gullaldarlið Ung-
verja tapaði aðeins einum leik á
sex árum en það var einmitt
úrslitaleikurinn gegn Þjóðverjum
á HM í Sviss árið 1954.
Puskas var fæddur í apríl árið
1927 og hóf að leika í meistara-
flokki fimmtán ára gamall. Hann
lék sinn fyrsta landsleik sautján
ára og skoraði mark í leiknum sem
var gegn nágrönnunum frá Aust-
urríki.
Eftir kommúnistauppreisnina í
Ungverjalandi árið 1956 fór
Puskas í útlegð til Spánar og lék
fjóra leiki með spænska landslið-
inu á sínum tíma. Puskas fékk
uppreisn æru með Real Madrid og
myndaði ógnvekjandi sóknardúett
með Argentínumanninum Alberto
Di Stefano, en Puskan vann sex
spænska meistaratitla með Real
Madrid auk þess sem félagið hafði
yfirburði í Evrópu.
Einn frægasti leikur knatt-
spyrnusögunnar var viðureign
Real Madrid og Eintracht Frank-
furt í úrslitaleik Evrópukeppni
meistaraliða árið 1960 þar sem
Puskas skoraði fjögur mörk og Di
Stefano þrjú í 7-3 sigri spænska
liðsins.
Puskas lagði skóna á hilluna
árið 1967 en alþjóðlegt samband
um knattspyrnusögu og tölfræði
valdi Puskas fjórða besta knatt-
spyrnumann 21. aldarinnar í lok
síðustu aldar. Hann skoraði hvorki
fleiri né færri en 84 mörk í 85
landsleikjum fyrir Ungverja, 357
mörk í 354 leikjum fyrir Honved
og 512 mörk í 528 leikjum fyrir
Real Madrid.
Ungverjinn Ferenc Puskas lést á sjúkrahúsi í gær
Freddy Adu vonast til að
fá samning hjá Manchester
United en bandaríski táningurinn
mun æfa með enska liðinu næstu
tvær vikurnar. Adu kemur til
Manchester á morgun.
„Það eru forréttindi að fá
tækifæri til að æfa með einu
stærsta félagsliði í heimi.
Cristiano Ronaldo og Wayne
Rooney eru tveir af mínum
uppáhalds leikmönnum og það er
ótrúlegt tækifæri að fá að æfa
með þeim. Vonandi mun þessi
dvöl mín leiða til þess að
Manchester United bjóði í mig.
Það væri frábært. Ég vona bara
að ég nái að sanna mig,“ sagði
Adu við breska blaðið Daily
Express.
Adu vonast til
að fá samning
Hugo Sanchez hefur
verið ráðinn næsti landsliðsþjálf-
ari Mexíkó í knattspyrnu.
Sanchez, sem er 48 ára gamall, er
af flestum
talinn vera
besti knatt-
spyrnumaður
Mexíkó frá
upphafi en
hann vann
fimm meist-
aratitla með
Real Madrid á
sínum tíma.
Sanchez
þjálfaði mexíkóska liðið Pumas
frá 2000 til 2005 og vann deildina
tvisvar í röð með félaginu, áður
en hann tók við Necaxa. Sanchez
tekur við landsliðinu af Ricardo
La Volpe sem þjálfar nú Boca
Juniors í Argentínu.
Hugo Sanchez
næsti þjálfari
KR mun í febrúar
næstkomandi halda í æfingaferð
til La Manga á Spáni þar sem þeir
taka þátt í sterku æfingamóti eins
og þeir gerðu síðastliðinn vetur.
Hin liðin sem taka þátt eru
Rosenborg, Brann, Vålerenga og
Lilleström frá Noregi, Zenit St.
Pétursborg og Rubin Kazan frá
Rússlandi og Metallist frá
Úkraínu.
Fimm Íslendingar leika með
síðastnefndu þremur norsku
liðunum.
Mæta aftur
norskum liðum
Ronaldinho hefur látið
hafa eftir sér að hann vilji ólmur
fá Frank Lampard, leikmann
Chelsea, til Barcelona. Lampard
hefur gjarnan átt góða leiki þegar
Barcelona og Chelsea hafa mæst í
meistaradeild Evrópu undanfarin
ár og skoraði m.a. frábært mark í
viðureign liðanna á Camp Nou í
síðasta mánuði.
„Frank Lampard er frábær
leikmaður og ég er ánægður með
að hafa fengið tækifæri til að
hitta hann nokkrum sinnum og
kynnst honum, bæði innan vallar
og utan vallar. Hann er vinur
minn, mér finnst mjög gaman að
sjá hann spila og ég yrði mjög
ánægður ef hann kæmi til
Barcelona til að spila,“ sagði
Ronaldinho.
Unnusta Lampards er frá
Barcelona og hann hefur verið
duglegur að læra spænsku
undanfarin ár, en hann er
samningsbundinn Chelsea til
ársins 2009.
Ronaldinho vill
fá Lampard
Mike Tyson var á sínum tíma
yngsti heimsmeistari í þungavigt í
hnefaleikum en ferill hans hefur
farið niður á við nánast frá þeim
degi sem hann sló í gegn. Nú virð-
ist Tyson vera búinn að ná botnin-
um því hann mun senn hefja störf
á folabýli sem fyrirhugað er að
reisa í grennd við Las Vegas í
Nevada.
Sú sem stendur fyrir þessu
folabýli er engin önnur en Heidi
Fleiss, Hollywood maddaman, en
hugmynd hennar er að ráða nokkra
fola í vinnu sem tilbúnir eru að
þjónusta konur gegn greiðslu og
hugmynd Fleiss er að gera Tyson
að aðalfolanum, þrátt fyrir að
Tyson sé dæmdur nauðgari.
„Ég sagði Tyson að hann yrði
aðalfolinn hjá mér. Öllum mönn-
um mun hrylla við þá tilhugsun að
konan þeirra fari til Mike Tyson,“
sagði Fleiss.
„Mér sama hvað aðrir segja,
það er draumur hvers karlmanns
að gleðja konu og fá borgað fyrir
það,“ bætti Tyson við.
Tyson hefur mátt muna sinn
fífil fegurri því hann var á sínum
tíma talinn óstöðvandi í hnefaleik-
um. Eitthvað skrikaði honum þó
fótur og hann hefur oft komist í
kast við lögin, bæði fyrir ofbeldi
og naugun. Árið 1992 var Tyson
dæmdur í sex ára fangelsi fyrir
nauðgun en hann var látinn laus
árið 1995.
Tyson er þekktur skaphundur
og það kom bersýnilega í ljós í
einum frægasta hnefaleikabar-
daga síðustu ára þegar Tyson
mætti Evander Holyfield árið
1997.
Bardaginn er ekki frægur fyrir
gæðin eða dramatíkina heldur
fyrir það að í þessum bardaga beit
Tyson stykki úr eyra Holyfields
og hrækti því út úr sér. Ræsti-
tæknir fann stykkið að loknum
bardaganum og það var að lokum
saumað aftur á eyra Holyfields.
Eftir að Tyson hætti atvinnu-
hnefaleikum hefur hann aðallega
stundað sýningabardaga og í októ-
ber fór hann af stað með sýningu
sem ber nafnið The Mike Tyson
World Tour eða Heimsferðalag
Mike Tysons.
Mike Tyson hefur munað sinn fífil fegurri en þessi fyrrverandi heimsmeistari í
hnefaleikum mun á næstu dögum hefja störf í vændi á folabýli í Las Vegas.
i Keflavík tapaði með
einu stigi fyrir úkraínska liðinu
BC Dnipro í „Sláturhúsinu“ í
gærkvöld, 96-97. Þetta var annar
leikur Keflavíkur í Áskorenda-
keppni Evrópu en liðið tapaði
einnig fyrsta leiknum en það var
gegn tékknesku liði.
Hinn nýbakaði faðir, Magnús
Gunnarsson, átti stórleik fyrir
Keflavík og skoraði 23 stig.
Stigahæstur Keflvíkinga var þó
Thomas Soltau sem skoraði 25
stig og tók þar að auki 8 fráköst.
Williams var síðan með 16 stig.
Tim Ellis átti ágætan leik og
skoraði 14 sig og tók 5 fráköst.
Jón Nordal Hafsteinsson gaf
ekkert eftir og skoraði 10 stig og
tók 4 fráköst. Arnar Freyr
Jónsson kom næstur með 6 stig, 4
fráköst og 4 stoðsendingar.
Grátlegt tap
hjá Keflavík