Fréttablaðið - 19.11.2006, Síða 68

Þráinn Bertelsson lífgar upp á
Fréttablaðið með greinum sínum
og pistlum, enda ritfær og frjór í
hugsun. Hann skrifar þannig að
maður gleðst yfir málsmeðferð
og orðfæri, ekki síður en mein-
ingum hans og boðskap. Hann
getur verið hvass og kaldhæðinn.
Í dagbók sinni 28. okt. kvartar
hann undan því að stjórnmála-
flokkar hafi „ummyndast í útung-
unarstöðvar fyrir framapotara“
sem senda frá sér „fitusnautt og
sykurskert froðusnakk“. Þeir taki
til sín sem eiga sneiðina. En best-
ur er Þráinn auðvitað í bókum
sínum, einkum í bókinni „Eins
konar ég“, sem er afburða vel
skrifuð. Þar má t.d. finna þessa
mynd: „Það er kuldaleg iðja að
sitja og dorga niður um vök á ísi-
lagðri undirvitundinni eftir því
sem býr í myrku djúpinu.“
„Oftar en ekki eru þessir fullorðnu
einstaklingar ekki áttaðir á því að
drykkjan sé vandi …“ segir í
aðsendri grein í Mbl. 31. okt. Ég
kannast við að menn geti verið
áttavilltir, en geta menn verið átt-
aðir? Að átta sig, gera sér grein
fyrir, gera sér ljóst, skilja. Margt
kemur til greina. Svo geta menn
verið gáttaðir, en það er önnur
saga.
„Um það hvort sú ákvörðun Guð-
laugs Þórs Þórðarsonar að bjóða
sig fram í annað sæti gegn Birni
sé rót átakanna sagðist Guðlaugur
þór ekki hafa boðið sig fram gegn
Birni.“ Alveg ótrúlega samansúr-
ruð málsgrein í Blaðinu 3. nóvem-
ber. Og svo nástöðuendurtekning-
ar. Æ oftar sést svona byrjun: Um
það hvort …, og er alger óþarfi.
Skýrt og einfalt á að vera boðorð
blaðamanna. Betra er að byrja:
Guðlaugur Þór sagðist …
„Fjöldi ellilífeyrisþega lifa vart
við mannsæmandi lífskjör“, segir
í fyrirsögn í Fréttablaðinu 4. nóv.
– og er efnislega satt en málfræði-
lega kolrangt. Fjöldi er hér frum-
lag og so. lifa umsögn (ef einhver
man enn þau hugtök). Því er það
svo að fjöldi ellilífeyrisþega lifir
… Það verður að gera þá kröfu til
blaðamanna að þeir kunni íslensk-
ar beygingareglur.
www.airport.is: „Vegna nýrra
öryggisreglna á flugvöllum vilj-
um við taka það fram að flugfar-
þegar sem leið eiga um Flugstöð
Leifs Eiríkssonar er heimilt að
versla allan vökva, krem og aðrar
snyrtivörur á brottfararsvæði
alveg eins og áður. Fólk þarf ein-
ungis að geyma kvittanirnar og
ekki opna umbúðirnar fyrr en
komið er inn í landið á áfanga-
stað.“
Hvílíkur hörmungartexti: „… flug-
farþegar … er heimilt!“; að „versla
vökva!“; „opna umbúðir“!
Þessi fallega braghenda er frá Ingv-
ari Gíslasyni í tilefni vetrarkomu:
Vetur kom og gulnuð grösin
grána af hélu.
Lága götu læðist sólin,
lifir von að birti um jólin.
„Ég nefni verk eftir Leonardo da
Vinci: The Virgin and Child with
St Anne and St John the Baptist
(ca 1499-1500). Þetta uppkast að
málverki eftir Leonardo da Vinci
er að finna í skotheldu glerbúri í
litlu herbergi í The National Gall-
ery í London,“ segir Ásgrímur
Sverrisson kvikmyndagerðar-
maður sem bendir lesendum á eft-
irtektarvert málverk að þessu
sinni.
„Það er í skotheldu glerbúri
vegna þess að fyrir um tuttugu
árum gerði ungur maður í þung-
lyndiskasti tilraun til að eyði-
leggja það með því að skjóta á það
gat með afsagaðri haglabyssu.
Þegar ég var við nám í kvikmynda-
gerð í London á fyrrihluta tíunda
áratugsins vakti skólabróðir minn
athygli mína á þessum atburði og
við veltum því fyrir okkur um
tíma að gera úr þessu mynd. Af
því varð ekki þá, en hver veit?
Þetta var flott saga. Ég gerði mér
líka sérstaka ferð í safnið og starði
á verkið lengi dags. Keypti svo
eftirprentun og gaf foreldrum
mínum. Svo á ég það líka í
póstkortastærð og virði
það stundum fyrir mér
til yndisauka.“
Verk eftir da Vinci í
skotheldu glerbúri
Dregið úr réttum svörum n.k.
fimmtudag kl. 12. -99 kr. smsið
Þú sendir SMS skeytið JA LAUSN LAUSNARORÐIÐ
á númerið 1900!
Dæmi hvernig SMS gæti litið út ef svarið er Jón.
Þá sendir þú SMS-ið JA LAUSN JON.
Leystu
Krossgátuna!
ÞÚ GÆTIR UN
NIÐ
100 ÍSLENSK J
ÓLALÖG
FYRIR ALLA F
JÖLSKYLDUNA
Á 5 DISKUM!

FDADFSDFD
K
PU
U
G
R