Fréttablaðið - 20.11.2006, Page 26

Klassísk hönnun Finnans Eero
Aarnio er einkennandi fyrir
sjöunda áratuginn.
Innanhússhönnuðurinn finnski,
Eero Aarnio, fæddist árið
1932. Hann er vel þekktur
fyrir nýstárlega húsgagna-
hönnun á sjöunda áratugn-
um. Þekktastir eru kúlulaga
stólar hans sem hann vann úr
plasti og trefjagleri.
Aarno stundaði nám við
iðnhönnunarskólann í Hels-
inki en fór af stað með eigin
framleiðslu árið 1962. Brátt
kynnti hann til sögunnar boltastól-
inn „Ball Chair“ sem er hol hálfkúla
sem hvílir á einum fæti þannig að
manneskja getur setið inni í kúl-
unni. Svipuð hönnun var á kúlu-
stólnum „Bubble Chair“ en sú hálf-
kúla var gegnsæ og hékk úr
loftinu.
Önnur sköpunarverk Aarnios í
gegnum tíðina eru til dæmis Pastil-
stóllinn og Tómatstóllinn (þrjár
kúlur með sæti í miðjunni). Skrúfu-
borðið hans naut einnig vinsælda
og leit út líkt og nafnið gefur til
kynna eins og skrúfa sem skrúf-
að hefur verið í gólfið.
Hönnun Aarnios var áber-
andi í menningu sjöunda ára-
tugarins og sást oft sem hluti af
sviðsmynd í framtíðarkvik-
myndum þess tíma.
Enn þann dag í dag starfar
Aarnio við hönnun og þótt hann
hafi á löngum ferli notað hefð-
bundin efni eins og tré og stál legg-
ur hann enn megináherslu á sinn
sérstaka stíl þar sem lífleg
form og litir eru mótuð í plast.
Líkt og í vísindaskáldsögu
550 5000
AUGLÝSINGASÍMI