Fréttablaðið - 20.11.2006, Síða 66

Spænska úrvalsdeildin:
Ítalska úrvalsdeildin:
Enska úrvalsdeildin:
Eiður Smári Guðjohnsen
var í byrjunarliði Barcelona sem
heimsótti Mallorca í spænsku
úrvalsdeildinni í knattspyrnu í
gær. Eiður Smári lék í framlínu
liðsins ásamt þeim Ronaldinho og
Ludovic Giuly.
Leikurinn var ekki mikið fyrir
augað framan af og fyrsta færi
leiksins kom ekki fyrr en á 34.
mínútu þegar Thiago Motta átti
skalla sem markvörður Mallorca
náði að verja.
Barcelona náði þó góðri sókn á
42. mínútu og eftir laglegt spil rak
Eiður Smári smiðshöggið á sókn-
ina þegar hann lék á markvörð
Mallorca og skoraði fallegt mark.
Motta og Deco léku vel saman og
og var glæsilega klárað hjá Eiði
Smára.
Síðari hálfleikurinn var öllu
skemmtilegri og á 58. mínútu
leiksins skoraði Eiður Smári sitt
annað mark í leiknum. Þá fékk
hann sendingu inn fyrir vörn Mall-
orca og skoraði á mjög laglegan
hátt. Eiður Smári sneri baki í
markið þegar hann fékk boltann
en með góðri móttöku náði hann
að leggja boltann vel fyrir sig og
skora framhjá markverði Mall-
orca.
Viktor Castano náði að minnka
muninn fyrir Mallorca á 70. mín-
útu en tveimur mínútum síðar tók
Frank Rijkaard, þjálfari Barce-
lona, hann af velli.
Andres Iniesta og Santiago
Ezquerro skoruðu tvö síðustu
mörkin fyrir Barcelona og lokatöl-
ur því 1-4, Barcelona í vil.
Eiður Smári Guðjohnsen skoraði tvö
Xabi Alonso, miðjumaður
Liverpool, segir að möguleikar liðs-
ins á að hampa enska meistaratitl-
inum séu foknir út í veður og vind.
Liðið stóð enn einu sinni ekki undir
væntingum þegar það gerði marka-
laust jafntefli við Middlesbrough
síðdegis á laugardag. Eftir aðeins
þrettán leiki er Liverpool sextán
stigum á eftir Manchester United
sem er á toppi ensku úrvalsdeildar-
innar. Liðið hefur aðeins hlotið tvö
stig af 21 mögulegu í útileikjum.
Alonso segir að andrúmsloftið
innan félagsins sé neikvætt um
þessar mundir. „Það verður sífellt
erfiðara fyrir okkur að reyna að
komast í hóp efstu liða, ekki bara
vegna þess hve mörg stig eru í
toppinn heldur vegna andrúms-
loftsins sem nú ríkir á Anfield. Það
gengur vel hjá okkur í Evrópuleikj-
um en við náum ekki að flytja það
yfir á leikina í deildinni. Ekki veit
ég hvort ástæðan sé sálfræðilegs
eðlis en við erum allavega mjög
pirraðir á þessu,“ sagði Alonso.
Rafa Benitez, framkvæmda-
stjóri Liverpool, var mjög óánægð-
ur með jafnteflið á laugardaginn og
trúði varla að Liverpool hefði ekki
unnið leikinn. Liverpool var betri
aðilinn á löngum köflum í leiknum
en náði þó ekki að skapa sér mörg
færi.
„Við stjórnuðum leiknum að
mestu leyti og ef við hefðum skor-
að fyrsta markið þá hefði leikur-
inn farið allt öðruvísi. Ef við spil-
um eins og við gerðum í þessum
leik í 100 leikjum þá vinnum við 99
af þeim,“ sagði Benitez eftir leik-
inn gegn Middlesbrough á laugar-
daginn.
Slæmt andrúmsloft
Cristiano Ronaldo,
vængmaður Manchester United,
segir að félagið hafi það sem þarf
til að sigra bæði enska meistara-
titilinn og Evrópukeppnina á
þessu tímabili.
„Ég tel raunhæfa möguleika
fyrir okkur að vinna þessar
keppnir. Ég hef horft á andstæð-
inga okkar í baráttunni um enska
titilinn og finnst enginn af þeim
hafa verið að spila eins vel og við
höfum gert. Það er frábær andi
innan hópsins og lykillinn að
þessu er Sir Alex Ferguson. Hann
er ótrúlega hjálpsamur og
ástæðan fyrir því að ég ákvað að
vera áfram hjá félaginu.“
Getum unnið
stóru titlana
Það var sannkallaður
stórleikur í Iceland Express deild-
inni í gær þegar KR-ingar tóku á
móti Njarðvíkingum en fyrir leik-
inn höfðu bæði lið aðeins eitt tap á
bakinu. Það fór svo að lokum að
heimamenn unnu 75-69 þar sem
tvær þriggja stiga körfur Brynj-
ars Björnssonar gerðu gæfumun-
inni.
„Þessi leikur náði sér þannig
lagað aldrei á flug þótt það væri
alltaf vitað að þetta yrði hörku-
leikur. Hann varð mikil stöðubar-
átta en alls ekki fallegasti leikur
sem maður hefur orðið vitni að.
Ég er mjög ánægður með að við
náðum að klára þennan leik því
KR hefur alltof oft verið að tapa
fyrir Njarðvík í blálokin í leikjum
en vonandi höfum við komist yfir
þann hjalla,“ sagði Benedikt Guð-
mundsson, þjálfari KR, í leikslok.
KR byrjaði mun betur og náði
10-2 forystu og var með fjögurra
stiga forskot eftir fyrsta leikhlut-
ann. Í þeim öðrum voru Njarðvík-
ingar betri og staðan var hnífjöfn
40-40 í hálfleik. Í þriðja leikhluta
náðu KR-ingar ellefu stiga forystu
og virtust ætla að sigla fram úr
Njarðvíkingum. Þeir gerðu sig
hins vegar seka um slæm mistök
og hleyptu gestunum aftur inn í
leikinn.
„Við klúðruðum eitthvað um
fimmtán stigum af vítalínunni í
leiknum og það var ekki að gera
okkur auðveldara fyrir, svo mikið
er víst. Maður óttaðist það að við
værum að fara að kasta þessu frá
okkur þegar þeir jöfnuðu 67-67 í
síðasta leikhlutanum en við héld-
um haus og sýndum andlegan
styrk. Vonandi er þetta merki um
að KR sé búið að komast yfir þenn-
an herslumun sem vantaði og
getur farið að klára þessa hörku-
leiki í lokin,“ sagði Benedikt.
KR-ingar reyndust sterkari
undir lokin og Brynjar valdi rétta
tímann til að skora þau sex stig
sem hann gerði í leiknum. Jeremi-
ah Sola var stigahæstur í leiknum
í gær með 22 stig fyrir heima-
menn. KR hefur farið vel af stað á
Íslandsmótinu og sást vel í leikn-
um í gær að áhugi stuðningsmanna
félagsins er að aukast en vel var
mætt á þennan stórleik í gær.
Af öðrum leikjum í gær er það
að segja að Skallagrímur gerði sér
lítið fyrir og lagði Grindavík á
heimavelli 83-74.
Það gengur lítið hjá Fjölnis-
mönnum þessa dagana en í gær
beið liðið lægri hlut á heimavelli
fyrir ÍR, 79-89, en þetta var ein-
ungis annar sigur ÍR-inga í deild-
inni.
Keflavík vann nokkuð öruggan
sigur á Hamar/Selfoss í „Slátur-
húsinu“ í Keflavík, 81-63.
KR-ingar eru efstir í deildinni
með fjórtán stig að loknum átta
leikjum en fast á hæla þeirra koma
Skallagrímur, Snæfell og Grinda-
vík, öll með tólf stig. Snæfell hefur
þó leikið leik færra en hin liðin.
Botnbaráttan er ekki síður
spennandi en Hamar/Selfoss er í
neðsta sæti deildarinnar með tvö
stig en fyrir ofan þá eru fimm lið
með fjögur stig, Tindastóll,
Haukar, Fjölnir, ÍR og Þór frá Þor-
lákshöfn.
Næsti leikur deildarinnar er í
kvöld þegar Snæfell fær Tindastól
í heimsókn til Stykkishólms. Snæ-
fell getur með sigri jafnað KR að
stigum á toppi deildarinnar en það
er deginum ljósara að Tindastóls-
menn þurfa nauðsynlega á sigri að
halda.
KR bar sigurorð af Njarðvíkingum í stórleik Iceland Express-deildar karla í körfubolta í gær, 75-69. Sigur
KR-inga var nokkuð öruggur og en leikurinn var þó ekki eins skemmtilegur og við mátti búast fyrirfram.