Fréttablaðið - 20.12.2006, Blaðsíða 29

Smáauglýsingasími
550 5000
Auglýsingasími Allt
550 5880
Þú getur pantað
smáauglýsingar á visir.is
Þótt séra Sigríður Kristín Helgadóttir
eigi annríkt í aðdraganda jóla eins og
aðrir prestar þá gefast henni líka stund-
ir til að sinna fjölskyldunni.
Sr. Sigríður Kristín Helgadóttir er prestur í
Fríkirkjunni og á Hrafnistu í Hafnarfirði.
Spurð hvernig það fari saman að undirbúa
jólin heima fyrir og í kirkjunni þá segir hún
það samtvinnað. „Helgihaldið í kirkjunni er
minn tilfinningalegi jólaundirbúningur.
Hvað varðar heimilishaldið þá reynum við
hjónin að gera ýmislegt með dætrum okkar
fjórum eins og að föndra, baka smákökur,
hlusta á tónlist og syngja jólalögin. Sömu-
leiðis vildu stelpurnar endilega að við keypt-
um nýtt púsl. Það er eitt af því sem við
gerum, sitjum og púslum og kjöftum saman.
Svo njótum við útiveru en erum ekki mikið
fyrir að fara í bæinn. Þeim yngri finnst líka
alveg skelfilegt að fara í búðir.“
Fjölskyldufaðirinn Eyjólfur Elíasson er
að gefa út bók fyrir þessi jól, Matreiðslubók
íslenska lýðveldisins. „Hann er svolítið að
taka þátt í kapphlaupinu sem ég svo aftur
predika gegn,“ segir sr. Sigríður og bætir
við glettin að hún messi yfir honum heima.
En fleiri bækur verða til á heimilinu því
að sögn Sigríðar býr fjölskyldan til árbók.
„Þar segir hver og einn sína sögu. Hvað
hann vill þakka fyrir þetta árið og hvað
honum þótti skemmtilegt. Svo teiknum við
myndir hvert af öðru og það koma skemmti-
legar fígúrur út úr því!“ Hún segir helgi-
haldið að sjálfsögðu mikilvægt og að jóla-
stemning fjölskyldunnar skapist við að fara
í kirkjuna, kveikja á kertum, syngja lögin
og rifja upp þessa yndislegu sögu um fæð-
ingu frelsarans enn eina ferðina. „Sérstak-
lega er það okkur ánægja að fara á Hrafn-
istu á aðfangadag í guðsþjónustuna þar. Það
er einstaklega hátíðleg stund.“
Púsla og skrifa árbók