Fréttablaðið - 20.12.2006, Blaðsíða 54

6
„Ég held fast í þá hefð að halda
upp á jólin hjá móður minni, Þóru
Steinunni Gísladóttur, þótt ég hafi
búið í London í heil tíu ár eða frá
því að ég fór út í nám,“ segir Björg,
sem lagði stund á óperu- og ljóða-
söng við Royal Northern College of
Music í Manchester og síðan hjá dr.
Iris Dell’Acqua í London.
Móðir Bjargar býr á fallegu
prestssetri á Akureyri, en maður
hennar gegndi þar prestakalli í ein
þrettán ár áður en hann féll frá árið
1995. Húsfreyjan heldur nú ein
heimili en um hver jól safnast stór-
fjölskyldan saman hjá henni til að
halda þau hátíðleg, Björg, systkini
hennar þrjú, makar og systkina-
börn.
„Við reynum að halda fast í
ákveðnar hefðir,“ heldur Björg
áfram. „Höfum til að mynda skýrar
reglur um hvernig jólaundirbún-
ingurinn skuli vera. Laufabrauðs-
gerðin er ein sú allra mikilvægasta,
en stórfölskyldan hittist yfirleitt við
hana. Við leggjum töluvert upp úr
útskurðinum, sérstakri gerð stjarna
sem amma kenndi okkur að hand-
skera og segja má að séu orðnar
að einkennismerki laufabrauðsins
okkar.
Á aðventunni er einnig fastur
liður að gera heimagerðar jóla-
skreytingar og smákökur. Allir
eiga sína uppáhalds tegund, til að
mynda sörur, og er nýrri tegund
líka bætt við um hver jól. Fjöl-
skyldan bíður síðan eftirvænting-
arfull eftir jólagrautnum hennar
mömmu með heimalöguðu kara-
mellusósunni. Sýður hún alltaf
tvo-þrjá potta á Þorláksmessu til að
eiga bæði á aðfangadagskvöld og í
jólaboðinu fyrir stórfjölskylduna á
jóladag. Upphefst þá barátta um að
fá möndluna, sem sett er út í, þar
sem vegleg verðlaun eru í boði.“
Björg segist hlakka til að geta
átt rólegar stundir í faðmi fjöl-
skyldunnar þegar önnum ljúki.
„Jólaundirbúningurinn fyrir þessi
jól var óvenju annasamur, þar sem
ég sendi nýverið frá mér diskinn
Himnarnir opnast - jólaperlur. Við
fjölskyldan ætlum því að að ein-
blína á rólegheit, fara í messu eins
og við höfum fyrir venju og njóta
samverunnar.“
JÓLAGRAUTUR OG KARAMELLU-
SÓSA MÓÐUR BJARGAR:
Hrísgrjón eru lögð í vatnsbleyti í
sex til átta tíma. Vatn rétt látið
fljóta yfir grjónin. Síðan er grautur
soðinn á venjulegan hátt með
rúsínum, bragðbættur með salti og
sykri eftir smekk.
Soðið með léttmjólk á lágum
hita. Mjólkinni bætt smám saman
út í og hrært vel í af og til.
Grauturinn er soðinn þar til
hann tekur í sig lit af rúsínum
og hrísgrjónin orðin sprungin og
mjúk. Getur tekið allt að tvo til
þrjá tíma.
Grauturinn er síðan kældur,
hrærður vel upp. Þeyttum rjóma og
möndlum þvínæst bætt út í. Settur
í kæli í að minnsta kosti tvær
klukkustundir og borinn fram með
kaldri karamellusósu.
KARAMELLUSÓSA
125 g sykur
2½ dl vatn
1¼ dl þeyttur rjómi
Sykurinn bræddur á pönnu þar til
hann verður ljósbrúnn. Sjóðandi
vatni bætt út í. Látið sjóða vel
saman en passið að það brenni
ekki. Kælt í skál. Rjóma bætt út í
og hrært vel.
roald@frettabladid.is
Kemur heim um hver jól
Björg Þórhallsdóttir söngkona ferðast hver jól frá London til fjölskyldunnar
á Akureyri. Fjölskyldan er fastheldin á ýmsar hefðir eins og laufabrauðsgerð.
LAUFABRAUÐIÐ HENNAR ÖMMU
Hérna er gömul uppskrift að laufabrauði frá ömmu Bjargar, Björgu
Steindórsdóttur, sem hefur verið notuð í fjölskyldunni frá því að hún
var ung.
1,5 kg hveiti
150 g smjörlíki
3 tsk. ger
3 msk. sykur
1 tsk. salt (rúmlega)
3 pelar mjólk (7,5 dl
mjólk)
Mjólk og smjörlíki er
hitað saman að suðu.
Hnoðað saman við
þurrefnin. Þegar deigið er mátulega hnoðað er það rúllað upp í pylsu
og vafið inn í viskastykki. Skorið í litla bita sem eru flattir út. Best er
að kakan sé svo þunn að það sjáist í borðið í gegnum hana. Skorið út
og kakan „pikkuð“. Snöggsteikt á báðum hliðum upp úr djúpsteiking-
arfeiti. Mikilvægt að láta fituna renna vel af kökunni eftir steikingu,
slétta vel úr henni og þerra með eldhúspappír.
{ jólahald }