Fréttablaðið - 23.12.2006, Qupperneq 98

Tveir leikir fóru fram í NBA-
deildinni í fyrrinótt þar sem
Detroit Pistons og Washington
Wizards unnu bæði góða útisigra
á andstæðingum sínum. Detroit
gerði góða ferð til Cleveland og
vann LeBron James og félaga,
87-71, og Washington vann góðan
útisigur á Sacramento Kings,
126-119.
Chauncey Billups fór fyrir liði
Detroit Pistons, skoraði 17 stig
og gaf 10 stoðsendingar. Tayshaun
Prince kom næstur í stigaskori
þar sem hann skoraði 16 stig en
sex leikmenn Detroit skoruðu tíu
stig eða meira í leiknum.
Billups lét lítið fyrir sér fara
þar til í fjórða leikhluta þar sem
hann skoraði tólf af sautján stig-
um sínum í leiknum en hann skor-
aði aðeins úr einu af níu skotum
sínum í þriðja leikhluta. „Þeir
sáu mig klúðra skotum fyrr í
leiknum við slökuðu þeir aðeins á
í vörninni gegn mér. Það var þá
sem ég sótti á þá. Þannig leik-
maður er ég,“ sagði Billups eftir
leikinn.
Lebron James var stigahæst-
ur heimamanna í Cleveland með
26 stig auk þess sem hann hirti 10
fráköst en næstur honum kom
Zydrunas Ilgauskas með 16 stig
skoruð.
Antawn Jamison átti góðan
leik fyrir Washington Wizards
þegar liðið vann Sacramento
Kings, 126-119. Jamison skoraði
33 stig og tók 13 fráköst. Gilberto
Arenas átti einnig mjög góðan
leik fyrir Wizards og skoraði 30
stig en Washington skoraði 73
stig í síðari hálfleik.
Stórleikur Kevin Martin fyrir
Sacramento dugði ekki til en
hann skoraði 40 stig fyrir Kings.
Billups afgreiddi Cleveland
Glazer-fjölskyldan, eig-
andi enska knattspyrnuliðsins
Manchester United, er tilbúin að
leggja fram 25 milljónir punda
aukalega til leikmannakaupa ef
félagið hefur áhuga á að kaupa
ofurstjörnu til félagsins. Þetta
kemur fram í 60 blaðsíðna fjár-
hagsáætlun sem fjölskyldan hefur
lagt fram.
Sir Alex Ferguson, knattspyrnu-
stjóri Manchester United, mun
áfram fá 25 milljónir punda árlega
til leikmannakaupa en ef Ferguson
hefur möguleika og áhuga á að
kaupa stóra stjörnu til félagsins
segist fjölskyldan ekki ætla að
standa í vegi fyrir því.
Fjölskyldan segist gera sér
grein fyrir því að hún geti ekki
keppt við Chelsea hvað eyðslu í
leikmenn varðar en bætir við að
Manchester United ætli sér að feta
í fótspor Real Madrid hvað varðar
auknar auglýsingar, jafnt innan
sem utan vallar.
Fram kemur í áætluninni að
miðaverð á Old Trafford, heima-
velli Manchester United, muni
hækka jafnt og þétt næstu sex árin
og að miðinn muni verða á um 50%
hærra verði árið 2012 en hann er á
núna. Fjölskyldan segir að sæti
sem seljast á verðinu 23 pund til 39
pund séu ódýr þegar mið sé tekið
af Lundúnafélögunum, sem rukka
um helmingi meira fyrir svipuð
sæti.
Ekkert kemur fram um að fjöl-
skyldan ætli sér að selja Old Traff-
ord og leigja hann aftur, né er
minnst á það að félagið muni reyna
að gera sína eigin sjónvarpssamn-
inga.
Fjölskyldan virðist ekki hafa
getað stillt sig um að skjóta örlítið
á Chelsea því í skýrslunni segir að
ensku meistararnir séu ekki væn-
legur auglýsingaaðili vegna þess
hve fáa stuðningsmenn félagið eigi
utan Bretlandseyja.
Glazer-fjölskyldan er tilbúin að leggja fram 25 milljónir punda aukalega til
handa Manchester United til leikmannakaupa eftir því sem kemur fram í nýrri
fjárhagsáætlun. Á móti kemur að miðaverð mun tvöfaldast á næstu fimm árum.
Hnefaleikakappinn Amir
Kahn hefur látið hafa eftir sér að
hann ætli sér að verða heims-
meistari innan tólf mánaða. Kahn
vann til silfurverðlauna á
Ólympíuleikunum í Aþenu árið
2004, þá sautján ára gamall, og
hefur unnið tíu fyrstu bardaga
sína sem atvinnuhnefaleikamaður.
Kahn, sem er nýorðinn
tvítugur, ætlar sér að verða
heimsmeistari áður en hann
verður 21 árs. „Ég vil vinna
titilinn á næsta ári og ég sé ekki
af hverju það ætti ekki að takast.
Tyson gerði þetta þegar hann var
20 ára, af hverju ætti ég ekki að
geta það?“
Stefnir á heims-
meistaratitil
Suður-afríski kylfingurinn
Ernie Els segist hafa þriggja ára
áætlun í huganum sem stuðli að
því að veita Tiger Woods harða
keppni í golfheiminum. Els hefur
átt við hnémeiðsli að stríða en
segist vera búinn að ná sér að
fullu og virðist vera í góðu formi.
„Ég sé árið 2007 fyrir mér sem
byrjun á þriggja ára áætlun þar
sem ég mun algjörlega endur-
skoða mitt spil. Mig langar að
vinna fleiri risamót og veita Tiger
harða keppni. Ef maður lítur á
stöðu hans núna er ekki hægt að
sjá að neinn muni ógna honum á
næstunni.
Ég ætla að gefa mér þrjú ár í
þetta markmið og ég trúi því að
ég geti náð þessu,“ sagði Els á
heimasíðu sinni, ernieels.com.
Með áætlun
um að ná Tiger
Lilian Thuram, varnar-
maður Barcelona, verður frá
keppni í mánuð eftir að hafa rifið
lærvöðva í leik Barcelona og
Athletico Madrid á fimmtudaginn
sem endaði með jafntefli, 1-1.
Vetrarhlé er nú í spænsku
deildinni og það er kærkomið
fyrir ríkjandi Spánarmeistara því
félagið er með sex varnarmenn á
sjúkralistanum hjá sér. Edmilson,
Rafael Marquez, Giovanni van
Bronckhorst, Sylvinho og Oleguer
eiga allir við meiðsli að stríða en
ættu að vera klárir í slaginn
þegar mótið fer af stað aftur eftir
áramótin.
Lilian Thuram
frá í mánuð
Brasilíski bakvörðurinn
Daniel Alves hefur framlengt
samning sinn við Sevilla um eitt
ár og er því með samning til
ársins 2012 við spænska liðið.
Alves er 23 ára gamall og hefur
verið orðaður við bæði Barcelona
og Liverpool að undanförnu.
„Þessi samningur sýnir að
báðir aðilar eru ánægðir og að
leikmanninum líður vel hjá
félaginu,“ sagði Monchi Rodrigu-
ez, yfirmaður íþróttamála hjá
Sevilla.
Alves er þó með klásúlu í
samningi sínum þar sem segir að
hægt sé að kaupa hann fyrir 60
milljónir evra.
Alves framleng-
ir samning sinn