Fréttablaðið - 30.12.2006, Blaðsíða 10
[Hlutabréf]
Úrvalsvísitala Kauphallar Íslands
hækkaði um 15,9 prósent á árinu
2006 og stóð í 6.410 stigum við
lokun markaða í gær. Þetta er tölu-
vert minni hækkun en árin 2003-
2005 þegar vísitalan hækkaði vel
yfir fimmtíu prósent innan árs.
Greiningardeild Kaupþings
telur að hækkun ársins sé vel
ásættanleg í ljósi þeirra aðstæðna
er ríkt hafa á innlendum hluta-
bréfamarkaði á árinu. Hlutabréf
hækkuðu skarpt framan af ári og
sleikti Úrvalsvísitalan sjö þúsund
stiga múrinn um miðjan febrúar.
Upp úr því tóku hlutabréf að falla
hratt og hélst sú lækkun langt
fram á sumar. Mikill viðsnúning-
ur varð á markaði á þriðja árs-
fjórðungi þegar Úrvalsvísitalan
hækkaði um tæp fimmtán pró-
sent.
Fjögur félög hækkuðu yfir
þrjátíu prósent á árinu, TM, HB
Grandi, Glitnir og FL Group. TM
hækkaði um tæp fjörutíu prósent.
Sjö félög sýndu neikvæða
nafnávöxtun á árinu. Mest féllu
bréf í Flögu Group árið 2006 eða
um 43,2 prósent.
Minni hækkanir
á hlutabréfum
Tryggingamiðstöðin hástökkvari ársins 2006.
Vöruskiptahallinn versn-
aði til muna á fyrstu
ellefu mánuðum ársins
miðað við árið í fyrra.
Verðhækkanir og geng-
islækkun skýra helst
aukningu útflutnings á
árinu 2006 á meðan stór-
iðjuframkvæmdir skýra
aukinn innflutning.
Vöruskipti voru neikvæð um 13,5
milljarða króna í nóvember sam-
kvæmt tölum sem Hagstofan birti
í gær. Innflutningur nam 33
milljörðum króna en útflutningur
tæpum 20 milljörðum. Hallinn tvö-
faldaðist frá því í október sem
skýrist fyrst og fremst af auknum
innflutningi milli mánaða á meðan
útflutningur stóð nánast í stað.
Mest jókst innflutningur á elds-
neyti en sá liður getur sveiflast
mjög milli mánaða.
Litið til fyrstu ellefu mánaða árs-
ins má sjá að vöruskiptahallinn
hefur aukist töluvert milli ára. Hann
nemur nú 123 milljörðum króna en
var tæpir 94,7 milljarðar króna
fyrir sama tímabil í fyrra. Sam-
dráttur varð í öllum helstu vöru-
flokkum útflutnings í magni mælt
nema í álútflutningi. Í Morgunkorni
Glitnis segir að ef ekki kæmi til
hækkun á heimsmarkaðsverði fyrir
helstu útflutningsvörur Íslendinga
væri staðan enn verri en raun ber
vitni. Þær hækkanir og gengislækk-
un skýra helst að útflutningsverð-
mæti jókst um átján prósent á árinu.
Aukningu innflutnings má helst
rekja til stóriðjuframkvæmda.
Líklegt þykir að draga muni
verulega úr halla á vöruskiptum á
komandi misserum. Í Morgun-
korninu er þessu til stuðnings bent
á að álútflutningur vaxi hröðum
skrefum og innflutningur á fjár-
festingarvöru komi væntanlega til
með að minnka verulega með
lokum stóriðjuframkvæmda. Við
það bætist svo að nú hægi á ann-
arri fjárfestingu, jafnt atvinnu-
vega sem í íbúðarhúsnæði. Þar að
auki sé gert ráð fyrir að einka-
neysla standi í stað eða dragist
lítillega saman á næsta ári.
Verið er að leggja lokahönd á kaup
Hjálms ehf. á meirihluta í útgáfu-
félaginu Birtíngi og verða þau að
fullu frágengin um áramót.
Hjálmur, sem er í eigu Baugs,
er aðaleigandi Fögrudyra sem
nýverið keypti af 365 tímaritin
Veggfóður og Hér og nú. Birtíng-
ur gefur út fjölda tímarita, Mann-
líf, Nýtt líf, Hús og híbýli, Séð og
heyrt, Gestgjafann, Bleikt og blátt
og Vikuna.
Eigendur sameinaðs félags eru
Hjálmur ehf. með 60 prósent, en
Hjálmur er að öllu leyti í eigu
Baugs Group, LL eignir ehf., sem
er í eigu Sigurðar G. Guðjónsson-
ar hrl. á 28 prósent, Elín Guðrún
Ragnarsdóttir á 10 prósent, og
rest eiga Reynir Traustason, Mika-
el Torfason og Jón Trausti Reynis-
son. Stjórnarformaður Birtíngs
ehf. er Sigurður G. Guðjónsson, en
með honum í stjórn eru Sverrir
Arngrímsson og Egill Þorvarðar-
son. Framkvæmdastjóri er Elín
Guðrún Ragnarsdóttir. Mikael
Torfason og Reynir Traustason
verða áfram aðalritstjórar útgáf-
unnar, hvor yfir sínu sviði.
Hjálmar Blöndal verður fram-
kvæmdastjóri Dagblaðsins-Vísis
útgáfufélags ehf. sem eftirleiðis
gefur út DV. Á móti Hjálmi á 365
40 prósenta hlut í útgáfufélaginu.
Aðrir eigendur eru Sigurjón M.
Egilsson ritstjóri DV og Janus Sig-
urjónsson.
Hjálmur ehf. eignast
meirihluta í Birtíngi
Skorið verður niður í útgáfu sameinaðs félags.
FL Group, stærsti hluthafinn í
Glitni, hefur fært stærstan hluta
af eign sinni í bankanum til
tveggja dótturfélaga sem eru með
heimilisfang í Hollandi. Af rúm-
lega þrjátíu prósenta hlut FL í
Glitni tekur FL Group Holding
Netherlands 12,48 prósent en 13,49
prósent færast til FL GLB Hold-
ing. Eftir tilfærsluna heldur móð-
urfélagið FL Group utan um 4,38
prósent í Glitni en hlutur sam-
stæðunnar er eftir sem áður 30,36
prósent af hlutafé í bankanum.
„Við hugsum þetta aðallega
sem hluta af endurskipulagningu
fyrirtækisins. Við höfum verið að
færa hluta af okkar starfsemi út
fyrir landsteinana,“ segir Kristján
Kristjánsson, forstöðumaður upp-
lýsingasviðs FL.
Skattaumhverfi er hagstætt í
Hollandi. Þar er engin fjármagns-
tekjuskattur greiddur af óinn-
leystum gengishagnaði eins og
hérlendis og vegna tvísköttunar-
samninga eru tekjurnar ekki
skattlagðar á milli landa. Tekju-
skatthlutfall FL Group ætti því að
lækka ef horft er fram á veginn.
Exista er annað félag sem hefur
þennan háttinn á að vista hluta-
bréf í Hollandi undir nafni dóttur-
félags. Þar liggja hlutir Exista í
Bakkavör og Kaupþingi.
FL færir Glitnisbréf
til Hollands
Skattaumhverfi hagstætt í Hollandi.
Lífiðn og Samvinnulífeyrissjóður-
inn hafa sameinast undir nafninu
Stafir lífeyrissjóður. Við það
aukast aldurstengd lífeyrisrétt-
indi sjóðsfélaga um 5,7 milljarða
króna eða 16 til 20 prósent.
Félagar eru yfir fimmtíu þúsund.
„Við sameiningu sjóðanna var
eignastaða jöfnuð, þannig að allar
deildir voru á jafnri stöðu. Þá
varð til umframeign í hinum og
þessum deildum sem nam 5,7
milljörðum. Nú þegar liggur fyrir
staðfesting frá Fjármálaeftirlit-
inu um að við megum starfa eftir
þeim samþykktum sem við
ætluðum okkur að starfa eftir, þá
viljum við tilkynna að réttindi
sjóðsfélaga verði aukin,“ segir
Ólafur Sigurðsson, framkvæmda-
stjóri Stafa.
Hann bendir á að það séu ekki
margir lífeyrissjóðir sem geti
státað af því að eiga 8 til 9
prósenta eign umfram réttindi;
flestallir hafi verið að berjast við
það að ná jafnvægi milli eigna og
réttinda.
Fá 5,7 milljarða
króna í nýársgjöf
Peningaskápurinn...
Stóru símafyrirtækin skoða nú
bæði skilmálana sem kveðið er á
um í útboðslýsingu Póst- og fjar-
skiptastofnunar á leyfum fyrir
rekstur þriðju kynslóðar farsíma-
nets, sem stundum nefnist 3G-
kerfi. Að sama skapi fagnar
Novator því að leyfin hafi
verið auglýst og segir fulltrúi
félagsins það enda hafa
stefnt að því að koma 3G neti
í rekstur.
Ljóst er að margvísleg
nýbreytni fylgir auknum
sendihraða í þriðju kynslóð-
inni, en af samkeppnisástæð-
um vilja fyrirtækin sem minnst
segja um þær nýjungar. Eva
Magnúsdóttir, upplýsingafulltrúi
Símans, segir þó ljóst að fyrirtækið
komi til með að skila inn tilboði
fyrir tilsettan tíma 12. mars og þar
verði útfært nánar með hvaða hætti
og hversu hratt farsímakerfið nýja
verði byggt upp. „En við útilokum
ekki að það geti orðið hraðar en
kveðið er á um í útboðslýsingunni,“
segir hún. Þá telur Eva að nú sé um
margt góður tími til að ráðast í
þessa breytingu og viðskiptavinir
almennt tilbúnari til að nýta sér
nýbreytni í þjónustu. Þar
bendir hún til dæmis á vax-
andi vinsældir Blackberry-
þjónustunnar þar sem
notendur hafa aðgang að
skrifstofuhugbúnaði í síma.
Gestur Gestsson, fram-
kvæmdastjóri tæknisviðs
Vodafone, segir að að sama
skapi verið að skoða skil-
mála Póst- og fjarskipta-
stofnunar. „Menn fá tvo og
hálfan mánuð til að átta sig á ramm-
anum sem á er að byggja. Ég geri
ráð fyrir að við nýtum okkur þann
tíma,“ segir hann og bætir við að
því hafi fyrirtækið ekki enn lagt
niður fyrir sér hversu hratt verði
hægt að byggja upp kerfið.
Aðstæður fyrir 3G
betri nú en áður