Fréttablaðið - 30.12.2006, Blaðsíða 16

Jón Gunnarsson hefur verið
framkvæmdastjóri Slysavarnafé-
lagsins Landsbjargar í á þriðja ár.
Mikið hefur mætt á björgunar-
sveitum á undanförnum vikum
bæði vegna óveðurs sem geisaði í
síðustu viku fyrir jól en ekki síður
vegna strandsins á
flutningaskipinu
Wilson Muuga.
Björgunarsveitir
fjármagna starf-
semi sína að stór-
um hluta með flug-
eldasölu en sú sala
er nú í hámarki.
Þeim sem
þekkja Jón ber
saman um að hann
sé maður verka,
með eindæmum
duglegur og fullur
af orku. Hann þykir
duglegur að hvetja
starfsfólk sitt
áfram, sanngjarn í
samskiptum og
snillingur í að
miðla málum sem
eru komin í hnút.
Jón þykir einnig
mjög ráðagóður og
gott að leita til hans
þegar eitthvað
bjátar á.
Jón er húmoristi
og hrókur alls fagn-
aðar á mannamót-
um. Samstarfsfé-
lagi Jóns telur það
honum helst til
lasts hversu illa
honum gengur að
muna brandara og
þarf hann þá stund-
um að bregða á það
ráð að lesa þá beint
upp af blaði. Jón
þykir einnig góður
ferðafélagi og
virðist ná góðum
tengslum við fólk
af öllum þjóðern-
um og virðist þá
engu skipta hvort
viðkomandi talar
sama tungumál og Jón.
Jón er öllum hnútum kunnug-
ur innan Landsbjargar og leggur
hann sig fram við að þekkja jafnt
stórar sem litlar einingar innan
starfseminnar.
Áður en Jón varð fram-
kvæmdastjóri Slysavarnafélags-
ins var hann varaformaður þess
og síðar formaður en hann hefur
einnig verið formaður Flugbjörg-
unarsveitar Reykjavíkur.
Jón er fæddur í Reykjavík 21.
september 1956 og er elstur
þriggja systkina. Þrátt fyrir að
vera langelstur tengdist hann
systrum sínum vel og rak meðal
annars heildverslunina Rún í tíu
ár ásamt Unni systur sinni. Unnur
segir að aldrei hafi borið skugga
á samstarf þeirra systkina á þess-
um tíma. Unnur segir bróður sinn
aðeins einu sinni hafa orðið ósátt-
an við sig, en það var þegar hún
var skírð á sjö ára afmælisdegi
Jóns. Þarna fannst Jóni sem litla
systir væri að stela senunni en
þetta er þó löngu gleymt og fyrir-
gefið í dag.
Eftir skyldunám fór Jón í Iðn-
skólann og lauk þaðan námi.
Fyrir um tíu árum kláraði hann
síðan viðskipta- og rekstrarfræði
frá Háskóla Íslands.
Jón hefur komið víða við á
starfsferli sínum en hann starf-
aði meðal annars á auglýsinga-
og áskriftarsviði Stöðvar 2 á
fyrstu árum stöðvarinnar og
einnig var hann sölu- og mark-
aðsstjóri hjá prentsmiðjunni
Odda um tíma.
Jón stundaði búskap á Bakka-
stöðum í Miðfirði 1982-1986 og á
þeim tíma stofnaði
hann Flugbjörgun-
arsveit Vestur-
Húnavatnssýslu.
Þarna kom athafna-
semi Jóns glögglega
í ljós en ekki síður
hversu vel honum
gengur að aðlagast
nýju umhverfi og
kynnast nýju fólki.
Jón hafnaði í
fjórða sæti í próf-
kjöri sjálfstæðis-
manna í Kraganum
nú í vetur og mun
hann líklega setjast
á þing eftir kosn-
ingarnar næsta vor.
Samstarfsfélagi
Jóns segist munu
sakna Jóns úr starf-
inu en bætir við að
Jón muni sóma sér
vel á þingi þar sem
hann sé þekktur
fyrir að láta verkin
tala. Ólíklegt þykir
að Jón muni sitja
og þegja en láti
þess í stað til sín
taka í ýmsum mál-
efnum þingsins.
Þeir sem þekkja
til Jóns segja hann
mjög hjálpsaman
sem hlýtur að nýt-
ast honum vel í því
óeigingjarna starfi
sem Landsbjörg
innir af hendi. Jón
er kvæntur til 30
ára og á þrjú börn
og tvö barnabörn.
Halla Ragnarsdótt-
ir eiginkona Jóns
segir mann sinn fá
öll útköll á vegum
Landsbjargar og
gildir þar einu hvort um er að
ræða dósasöfnun, fundarboð eða
útkall vegna slysa. Þær nætur sem
síminn hringir ekki á heimili
þeirra hjóna heyra til undantekn-
inga en Jón kvartar aldrei um
þreytu þrátt fyrir að hafa verið
viðloðandi björgunarsveitarstörf í
30 ár.
Slysavarnafélagið Landsbjörg
er sjálfboðaliðafélag og allt
rekstrarfé er fengið með fjáröfl-
unum eða styrkjum. Í félaginu
eru átján þúsund félagar sem
hafa starfsstöðvar um allt Ísland.
Lætur verkin tala
Algerlega misheppnuð fisk-veiðistjórn síðustu ára lýsir
sér m.a. í því að þorskafli er
helmingi minni en fyrir daga
kvótakerfisins sem komið var á
til þess að byggja upp þorskstofn-
inn.
Ein helsta skýring þeirra, sem
enn eru fylgjandi núverandi
kvótakerfi, á algjöru árangurs-
leysi þess hefur verið að það hafi
verið veitt umfram ráðgjöf
Hafró. Ráðgjöfin hljóðar upp á að
25% af veiðistofni þorsks séu
veidd á hverju ári. Það getur
verið erfitt að henda reiður á við
hvað á að miða þegar talað er um
veiði umfram ráðgjöf þar sem
stærð veiðistofnsins er endur-
metin af og til og oftar en ekki er
stofninn áætlaður minni en áður
var talið. Þessar endurmælingar
verða m.a. til þess að veiði sem
áður taldist vera 25% af veiði-
stofni reynist vera mun hærri
tala eftir að þorskstofn-
inn var endurtalinn
minni en fyrri mæling-
ar sýndu.
Nýjar niðurstöður úr
þorskmerkingum Haf-
rannsóknarstofnunar
sem gerðar voru fyrir
meira en áratug en
úrvinnslu gagna lauk nú
í desember gefa mjög
skýrt til kynna að það
hafi verið veitt mun
minna en umrædd 25%
af veiðistofni árlega. Ef veiðin
hefði verið svo mikil þ.e. fjórð-
ungur af stofninum, þá mætti
ætla að um 25% af merkjunum
hefðu skilað sér inn innan árs og
alls eftir nokkurra ára veiði
hefðu um 60% af merkjum átt að
skila sér. Niðurstöðurnar úr
merkingatilrauninni eru allt
aðrar þar sem heildarskil fisk-
merkja á fimm ára tímabili er
einungis 14%, sem bendir til þess
að um 80% af merktum fiski
drepst af öðrum orsökum en fisk-
veiðum.
Þessi munur er mjög
sláandi, þ.e. að í stað þess
að 60% af merkjum endur-
heimtist þá er raunin ein-
ungis 14%, og verður ekki
skýrður með tapi á fisk-
merkjum eða dauða sem
verður við merkingar.
Hver ætli viðbrögð
Einars Kristins Guð-
finnssonar verði við
þessum rannsóknum sem
sýna svart á hvítu að
veiðarnar eru mun minni
en áætlað var? Ég á von á því að
hann reyni að forðast að ræða
þessi grundvallaratriði um stjórn
fiskveiða en reyni í stað þess að
leiða talið að veiði erlendra skipa
fyrir utan 200 mílna landhelgi
Íslands. Hann hefur ítrekað reynt
að forðast að ræða grundvallar-
mál og lagt stein í götu rannsókna
sem geta að einhverju leyti varp-
að rýrð á kvótakerfi Sjálfstæðis-
flokksins.
Höfundur er þingmaður
Frjálslynda flokksins.
Það var veitt minna en ráðlagt var
Stæsta bloggsamfélagið á Íslandi
Tjáðu þig!
Viltu sei’eikkað?
Ný útlit · Myndaalbúm · Símablogg
Stæsta
bloggsamfélagið!
Yfir 150.000
notendur!
Bloggaðu með
símanum!
Hvar sem er og
hvenær sem er!
Vasta hux’eikkað?
Ný útlit · Myndaalbúm · Símablogg