Fréttablaðið - 30.12.2006, Blaðsíða 39
Tónleikar með pabba teljast
orðinn fastur liður í áramóta-
haldi Jönu Maríu Guðmunds-
dóttur, söngkonu og leiklist-
arnema. Þetta árið verða
þeir í kvöld, 30. desember, í
Listasafni Reykjanesbæjar í
Duushúsum.
Jana María er í BA-námi í leiklist í
Glasgow en kom heim til Íslands að
halda jólin hátíðleg með fjölskyldu
og vinum. Einnig til að viðhalda
þeirri hefð að taka lagið við undir-
leik föður síns á áramótatónleikum í
Reykjanesbæ. Það hefur hún gert
síðustu fimm til sex árin. Pabbinn er
Guðmundur Hreinsson, smiður og
verktaki í Keflavík, er semur lög og
spilar á gítar í frístundum. Undan-
farin ár hafa tónleikarnir verið
haldnir í Frumleikhúsinu í Keflavík
en nú verða þeir í Listasafni Reykja-
nesbæjar í Duushúsum. „Þar er
mjög fallegur salur,“ segir Jana og
minnist fyrstu tónleikanna þegar
gestir voru aðeins 16 talsins. „Þeim
hefur fjölgað mikið síðan,“ segir
hún og kveðst hlakka til tónleikanna
í kvöld. Þar kemur líka fram Gunn-
laugur Þór Briem, klassískur píanó-
leikari.
Jana María segir þau feðgin
verða með tvö tökulög en hin séu
frumsamin. „Við eigum alltaf ein-
hver gömul lög í handraðanum og
svo bætast ný við á hverju ári,“
segir hún. „Við pabbi verjum jólun-
um í að æfa saman. Það er rosalega
gaman.“
Jana María byrjaði í haust í leik-
listinni í Glasgow og segir það mikið
ævintýri. Hún ber líka lof á Skota
sem hún segir hina vinalegustu.
Fram undan eru tvö og hálft ár í
skólanum, þar af einn vetur í nem-
endaleikhúsi. Unnustinn stundar
mastersnám í stjórnun í Edinborg
og tekur lestina þangað daglega frá
Glasgow.
Þótt Jana hafi búið í Reykjavík
síðustu fimm ár þá er Keflavík
hennar gamli heimabær. Spurð
hvort hennar fjölskylda sé ein af
þeim skreytiglöðu í bænum segir
hún: „Við höfum tekið þátt í skreyt-
ingum eins og meðalmaðurinn gerir
en ekkert umfram það. En Keflavík
er ljósabær og það tilheyrir hátíðun-
um að fara jólaljósarúnt.“
Lögin hans pabba
550 5000
AUGLÝSINGASÍMI
F
í
t
o
n
/
S
Í
A