Fréttablaðið - 03.01.2007, Qupperneq 28

Árdís Elíasdóttir stundar
doktorsnám í stjarneðlisfræði
í Dark Cosmology Center við
Niels Bohr-stofnunina í Kaup-
mannahöfn.
„Ég er að læra um linsuhrif, þegar
ljós sveigist vegna mikils massa á
leið þess, og er lýst með afstæðis-
kenningu Einsteins,“ segir Árdís.
Hún hefur þegar lokið tveimur
árum af þremur í doktorsnáminu,
en áður hafði hún stundað nám í
stærðfræði og eðlisfræði við
Háskóla Íslands og í stjörnufræði
í Bandaríkjunum.
„Það er mjög ljúft að vera hér í
Kaupmannahöfn og alveg æðis-
lega skemmtilegt,“ segir Árdís.
Hún er einnig mjög ánægð með
aðstöðuna hjá Dark Cosmology
Center, sem var nýlega stofnað
fyrir styrk frá dönskum stjórn-
völdum.
„Við erum um þrjátíu sem
vinnum saman, ég vinn að mínu
eigin verkefni en fæ hjálp og get
rætt málin við hina,“ segir Árdís.
„Þetta er mjög góður hópur sem
vinnur að grunnrannsóknum, það
kemur ekkert hagnýtt út úr þeim
heldur bara vitneskja og þekk-
ing.“
Árdís hefur verið að rannsaka
hulduefni og bera saman fjarlæg-
ar stjörnuþokur. „Þetta er mjög
erfitt að rannsaka því þær eru svo
langt í burtu,“ segir hún. Aðrir
samstarfsmenn hennar hafa rann-
sakað hulduorku, en komið hefur í
ljós að stór hluti heimsins er sam-
settur úr efnum og orku sem við
sjáum ekki beint.
Árdís segir námið að mestu
leyti snúa að rannsóknum, og hún
hefur þegar fengið birta eina vís-
indagrein byggða á rannsóknun-
um. Hún hefur þó einnig kennslu-
skyldu og aðstoðar við kennslu
námskeiðs fyrir nemendur í
grunnnámi. Í framtíðinni langar
hana að starfa áfram við aka-
demíu. „Ég ætla að reyna að sækja
um stöður í háskólum eftir að
námi mínu hér lýkur,“ segir Árdís
að lokum.
Rannsakar hulduefni og
ber saman stjörnuþokur
Mörg námskeið sem lúta að
hestamennsku verða á vegum
Landbúnaðarháskólans á
Hvanneyri nú í ársbyrjun.
Leiðrétting hestsins er heiti eins
af hestamennskunámskeiðunum
og hefst það 19. og 20. janúar.
Ábyrgðarmaður þess er Reynir
Aðalsteinsson tamningameistari.
Það er ætlað fyrir hinn almenna
hestamann sem vill bæta reið-
mennsku sína og reiðhestinn að
því er fram kemur á heimasíðu
skólans. Námskeiðið er haldið á
þremur helgum og er möguleiki á
því að taka allar helgarnar eða
færri. Kenndar verða undirbún-
ingsæfingar við hendi og frekari
útfærsla í reið.
Helstu verkefni eru að rétta
hestinn á taum, móta höfuðburð,
gera hest samspora, stilla jafn-
vægi og síðast en ekki síst að bæta
töltið. Námskeiðið fer fram á Mið-
Fossum í Borgarfirði þar sem full-
komin aðstaða er til allra þátta
hestamennskunnar. Umsóknar-
frestur er til 14. janúar.
Töltið tekið í gegn
F
í
t
o
n
/
S
Í
A