Fréttablaðið - 28.01.2007, Blaðsíða 61
Hlustendaverðlaun
útvarpstöðvarinnar FM
95,7 voru afhent við
veglega athöfn í Borgar-
leikhúsinu síðastliðið
þriðjudagskvöld. Margt
var um manninn og
mikið um að vera, ekki
síður utan sviðsins en á
því. Steinþór Helgi Arn-
steinsson var innan um
hnakka, þotulið, mið-
bæjarrottur og annað
fólk á hátíðinni og lýsir
því sem fram fór.
Fáar útvarpsstöðvar á landinu, lík-
legast engin, verða fyrir barðinu á
eins miklum fordómum og FM
95,7. Fordómarnir endurspegluð-
ust til dæmis í gagnrýni á tilnefn-
ingum til hátíðarinnar. Fullt af
sjálftilnefndum tónlistarspeking-
um út í bæ benti á fáránleika þess
að tilnefna sveitir og plötur til
hlustendaverðlauna fyrir árið 2006
þegar þær komu út á árinu 2005.
Útvarpsstjóri FM, hinn svali Svali,
steig þá fram og benti á þá aug-
ljósu staðreynd að þetta hefði
verið það sem skarað hefði fram
úr á árinu 2006 á FM og verið í
mestri spilun hjá stöðinni. Að mínu
mati áttu því allar tilnefningarnar
rétt á sér, fyrir utan kannski að til-
nefna Ampop í flokknum sem
nýliðar ársins þar sem sveitin
hefur verið starfandi frá því á
seinustu öld.
En fordómarnir leynast víða.
Þannig fannst mér ég vera örlítið
kjánalegur þegar ég labbaði inn í
Borgarleikhúsið á hátíðina sem
annálaður indíhaus og andstæðing-
ur mikils af þeirri tónlist sem spil-
uð er á FM. Um leið og ég labbaði
inn var Sprite Zero þrusað í hönd-
ina mína og ég stóð eins og asni í
miðju anddyrinu, sérstaklega með
tilliti til útlit míns sem var á skjön
við allt og alla þarna inni. Ákvað
hins vegar þá og þegar að losa mig
við þessa fordóma úr hausnum og
reyna að hafa gaman af hátíðinni.
Og það tókst svo sannarlega.
Var svo frægur að ná að plögga
mér í ,,Græna herbergið“ þar sem
allar stjörnurnar voru og síðan
auðvitað fríi bjórinn. Þar settist ég
niður, sötraði ölið og virti fyrir
mér mannlífið, sem var afar fjöl-
breytt. Þarna voru til dæmis
„Hnakkamellan“ Brynja Björk,
Sölvi úr Quarashi, allir úr Ampop,
Jeff Who? og Trabant, Magnific-
ent, Nylon og kærastar þeirra
(svolítið svekkjandi að vita að
engin þeirra sé á lausu), Orri,
trommuleikari Sigur Rósar (hvað í
andskotanum er hann að gera
hérna spurði ég sjálfan mig en
mundi síðan að Sigur Rós var til-
nefnd) og Sigmundur Ernir (??? jú
hann afhenti víst ein verðlaun).
Flottustu innkomuna átti hins
vegar Silvía Nótt með öllu sínu
hafurtaski. Þögn sló á hópinn og
meira að segja Hnakkamellan stóð
agndofa.
Fékk mér síðan sæti í salnum
og hátíðin hófst. Hjó strax eftir því
hvað sviðið var rosalega flott og
líka hvað gaurinn sem hljóp á eftir
einum myndatökumanninum með
snúrur var duglegur. Aðstandend-
ur hátíðarinnar fá stóran plús í
kladdann fyrir margt á þessari
hátíð. Fyrir utan hvað sviðið var
flott þá voru flest atriðin skemmti-
leg og hátíðin virtist líta alveg
hreint svakalega vel út á skjánum.
Einu mistökin sem voru eftirtekt-
arverð voru þegar Barfly var óvart
spilað þegar Nylon fékk verðlaun
fyrir besta myndbandið og síðan
þegar Magni fékk að spila. ÁMS
spilaði eitthvað plebbalegt lag sem
var hundleiðinlegt og var beinlínis
lúðaleg. Magni hlýtur að fara í
skólabækurnar sem hallærisleg-
asti poppari Íslandssögunnar.
Meira að segja Bjartmar Guð-
laugsson er svalari en hann.
Þegar útsendingu lauk þusti
VIP-liðið hins vegar aftur í Græna
herbergið sem var skemmtilega
staðsett við stigann á efri inn-
gangnum inn í salinn. Allir sem
þar löbbuðu niður gátu því séð inn
í Græna herbergið (sem var reynd-
ar ekki herbergi heldur afgirt
svæði) og svekkt sig yfir því að
vera ekki nógu frægir til þess að
fá að vera með þotuliðinu. Allir
virtust gríðarlega sáttir með hátíð-
ina, brostu og hlógu. Þrátt fyrir að
segja annað fannst mér samt sumir
örlítið svekktir yfir því að hafa
ekki allavega unnið einn verð-
launagrip.
Þegar upp er staðið held ég ekki
annað en að hátíðin hafi gengið
prýðilega vel. Þó að FM 95,7 sé
ekki endilega minn tebolli hafði ég
allavega gaman af henni og afþrey-
ingarstig hennar var hátt. Kjartan
Guðjónsson leikari sagði einmitt á
hátíðinni að hann hefði haldið að
þetta væri krakkahátíð en komist
síðan að því að hún væri hámenn-
ingarleg. Hvorugt er reyndar rétt,
hátíðin er ekki hámenningarleg en
vissulega er hún þroskuð og
skemmtileg.
Í fylgd með FM-hnökkunum