Fréttablaðið - 28.01.2007, Síða 78

Varð ekki heimsfræg poppstjarna
Starfsmenn fréttastofu Stöðvar 2
hafa síðustu daga notið góðs af
baráttu vakstjóranna Hauks Holm
og Loga Bergmanns Eiðssonar um
hylli þeirra. Haukur vildi þó ekki
kannast við að raunverulegrar
baráttu væri þörf. „Ég nýt óskor-
aðrar hylli fréttastofunnar, Logi
er bara að reyna að troða sér inn,“
sagði hann léttur í bragði, enda
kært á milli fréttamannanna
tveggja og baráttan háð í góðu
gamni.
Leikurinn hófst fyrir um tíu
dögum síðan, þegar Logi mætti til
vinnu með það sem Haukur sagði
hafa verið útrunnin lakkrísrör upp
á vasann. „Ég vildi gleðja hann
með því að leika aðeins við hann
með þessum hætti og fór að gefa
nammi líka,“ sagði Haukur.
Síðastliðið mánudagskvöld
hafði Logi svo hvítvín meðferðis
við mikinn fögnuð samstarfs-
manna, en Haukur segir af og frá
að hann hafi þar með náð undir-
tökunum í leiknum. „Nei, ég bauð
til dæmis upp á utanlandsferð á
miðvikudaginn. Ferð til London og
gistingu fyrir einn,“ sagði Haukur
hreykinn. „Að vísu var það ekki á
minn kostnað, og það þarf að vinna
svolítið í leiðinni,“ bætti hann við.
Þegar Fréttablaðið talaði við
Hauk var hann að búa sig undir að
færa baráttuna yfir á annað svið.
„Logi var að stæra sig af einhverju
heimabökuðu brauði, en ég benti
honum á það að maðurinn lifði
ekki af brauðinu einu saman, hann
þyrfti líka kærleika og væntum-
þykju. Þannig að tilboð mitt til
starfsmanna í dag verður það. Ég
er að fara að senda út tilkynningu
um að vaktstjóri bjóði upp á faðm-
lag,“ sagði Haukur. „Ég ætla að
snúa af þeim vegi efnishyggju og
græðgi sem hann er að innleiða
hérna á þessum vinnustað og fara
að hlúa að innri og varanlegri
verðmætum.“
Logi Bergmann vildi ekki
meina að Haukur færi með sigur
af hólmi í keppninni. „Ég held að
þetta sé allt að koma hjá mér.
Haukur er líka svolítið að nota
hluti sem koma upp í hendurnar á
honum,“ sagði Logi. Hann hafði þó
ekki gert upp við sig hvort starfs-
menn ættu von á faðmlögum frá
honum líka. „Ég veit það ekki, en
þessu er ekki lokið enn að minnsta
kosti. Ég er í smá fríi núna en svo
kem ég sterkur inn aftur, ég veit
að Haukur er órólegur,“ sagði Logi
sposkur.
Keppast um hylli starfsfólksins
„Einhver þarf að gera þetta.
Reyndar eru þetta ekki algeng þrif
en kannski má líka segja að þau
séu allt of algeng,“ segir Einar
Már Gunnlaugsson hjá hreingern-
ingaþjónustunni Þveglinum. Einar
tekur að sér það vandasama verk
að þrífa íbúðir eftir andlát og eftir
því sem Fréttablaðið kemst næst
er fyrirtækið það eina sem býður
upp á slíka þjónustu.
Þessi þjónusta er mörgum hulin
og fæstir vildu eflaust þurfa að
nýta sér hana. Einar segir að yfir-
leitt setji fjölskyldudeild lögregl-
unnar sig í samband við hann.
Enda sé starfið nánast óhugsandi
fyrir ættingja, sérstaklega ef and-
látið er sviplegt eða um sjálfsmorð
er að ræða. „Stundum er einfald-
lega ekki hægt að leggja þetta á
ættingjana og þá erum við kallaðir
til,“ útskýrir hann.
Einar segist finna fyrir miklu
þakklæti þegar hann kemur á stað-
inn en viðurkennir að þeir þurfi að
fara varlega að fólki. „Starfið
krefst mikillar nákvæmni og vand-
virkni,“ útskýrir hann. „Aðstand-
endur vilja ekki sjá nein ummerki
og því verður að vanda til verks-
ins,“ segir hann. „Við reynum að
láta lítið fyrir okkur fara og yfir-
leitt fara aðstandendur burt á
meðan, enda getur þetta bæði
verið sársaukafullt og erfitt ferli,“
segir Einar.
Hann hefur verið lengi að. Byrj-
aði fyrst á þessu samfara námi en
faðir hans, Gunnlaugur Gunnars-
son, stofnaði fyrirtækið árið 1969.
Einar hefur nú tekið við fyrirtæk-
inu og hefur sinnt þessu vanda-
sama verki frá árinu 1980.
Þrátt fyrir mikla reynslu segir
hann að stundum komi aðstæðurn-
ar honum í opna skjöldu. „Þetta er
sérstaklega erfitt þegar ungt fólk
fer,“ segir Einar. „Ég tel mig vera
kominn með breitt bak en viður-
kenni líka að ég hef fengið draum-
farir út af starfinu,“ bætir hann
við.
Einar segir oft erfitt að þurfa
að rukka fyrir þjónustuna og það
hafi komið fyrir að þeir hafi hrein-
lega sleppt því. Farið þá með reikn-
inginn til lögreglunnar. „Við reyn-
um að vera eins sanngjarnir og við
hugsanlega getum,“ útskýrir hann
og telur að þetta ætti að eiga sér
sinn stað inni í almannatrygging-
um.
...fær Siv Friðleifsdóttir, sem
skokkar af lífs og sálar kröft-
um með rapptónlist Eminem
dúndrandi í eyrunum og er
þannig til fyrirmyndar fyrir
fólk á öllum aldri.
F
í
t
o
n
/
S
Í
A