Fréttablaðið - 02.02.2007, Síða 39

2. FEBRÚAR 2007 | sirkus | BLS. 3
1. 80 Eiði Smára Guðjohnsen
Eiður Smári kostaði átta milljónir punda,
rétt rúman milljarð, þegar Barcelona
keypti hann frá Chelsea í fyrrasumar.
Kaupþing gæti stillt upp sjö knattspyrnu-
liðum með mönnum í hans verð- og
gæðaflokki.
2. 1.215 einkatónleika með
Elton John Ólafur Ólafsson borgaði
Elton John 70 milljónir króna fyrir að
halda klukkutíma tónleika í afmæli sínu.
Kaupþing gæti boðið upp á Elton John á
hverju kvöldi í þrjú ár og fjóra mánuði.
3. 40 þúsund Toyota
Corolla Toyota er
vinsælasti fjölskyldubíll-
inn í dag.
Kaupþing gæti
gefið 7.
hverjum
Íslendingi
nýjan Toyota
Corolla.
4. 306
þúsund
Sony-
sjónvörp
Kaupþing gæti
gefið hverjum
einasta Íslendingi 40“ Sony LCD flatskjá
sem fæst í BT.
5. 425 milljónir af kók og
prins Kaupþing gæti boðið
hverjum Íslendingi upp á hina
vinsælu blöndu kók og prins í
rétt tæp fjögur ár fyrir
hagnaðinn í fyrra.
hlutir
sem Kaupþing gæti
keypt fyrir 85 milljarða
hagnað
H ljómsveitin Skítamórall mun skemmta Íslendingum á árlegu
þorrablóti Íslendingafélagsins í
London sem fram fer í Kensington
Hall á laugardaginn.
„Þetta verður skemmtilegt. Þar
sem Íslendingar í útlöndum koma
saman er öruggt fjör. Hákarl og
brennivín er blanda sem klikkar
ekki,“ segir Addi Fannar, gítarleikari
Skítamórals, um þorrablótið um
helgina. Skítamórall hefur ekki áður
spilað á þessu blóti í
London en sveitin
skemmti Íslendingum í
Kaupmannahöfn fyrir
þremur árum við góðan
orstír.
Addi Fannar segir að hljómsveitin
hafi sérsniðna dagskrá fyrir þorra-
blótið enda nauðsynlegt að ná til
allra. „Við spilum okkar eigin lög í
bland við klassískar íslenskar
dægurflugur. Á svona skemmtanir
mætir fólk á öllum aldri, frá
námsmönnum til eldri borgara, og
því er nauðsynlegt að gera öllum til
hæfis. Þannig næst besta stemning-
in.“
Skítamórall í London
SKEMMTA Í LONDON
Hljómsveitin Skítamórall
mun halda uppi stuðinu á
þorrablóti Íslendingafé-
lagsins í London á
morgun, laugardag.
A ð vera fangelsismálastjóri er annasamt starf. Einn daginn eru
það eftirlitslausir fangar í Byrginu.
Þann næsta er það ömurleg
öryggisgæsla í fangelsinu á Akureyri
og þann þriðja hrynja uppsagnir
fangavarða inn um lúguna. Valtýr
Sigurðsson, sem gegnir þessu
erilsama starfi, kann hins vegar ráð
við því að gleyma starfinu. Hann fer í
jóga í Laugum og klífur fjöll.
„Jú, það er rétt. Ég stunda jóga og
hef gert í tvö og hálft ár. Ég reyni að
fara tvisvar til þrisvar í viku,“ segir
Valtýr eldhress í samtali við Sirkus,
augljóslega búinn að hreinsa líkama
og sál eftir erfiði dagsins sem fólst í
því að glíma við óánægða fangaverði
og Helga Seljan í Kastljósi Ríkissjón-
varpins.
„Það er gott að losna frá amstri
hversdagsins og komast í annað
umhverfi. Þetta gerir manni mjög
gott, hreinsar hugann og er fyrirtaks
afslöppun,“ segir Valtýr, sem vill þó
ekki gera mikið úr deilum við
fangaverðina sem vilja hærri laun.
„Þetta eru nú bara skoðanaskipti,
ekki deilur. Fangaverðir eru með
gilda kjarasamninga til 2008 og því
erum við ekki í kjaradeilu eða
viðræðum við þá,“ segir Valtýr léttur.
Augljóst er á Valtý að menn verða
yfirvegaðri og rólegri við að stunda
jóga enda íþróttin sérhönnuð til að
samhæfa hug og hönd, líkama og sál.
Þetta er þó ekki eina heilsuræktin
sem Valtýr stundar því hann er
einnig mikill útivistarmaður.
„Ég lifi lífinu, er mikið fyrir
útivist og er í toppformi. Við
förum alltaf í sund í
hádeginu hér í Fangelsis-
málastofnun og síðan er ég
mikið fyrir fjallgöngur. Ég
komst meðal annars upp á
toppinn á Mont Blanc síðasta sumar
og það var ekki síst jóganu að þakka,“
segir Valtýr stoltur yfir því að hafa
sigrað þennan hæsta tind Mið-
Evrópu.
Á TOPPNUM Valtýr kleif upp á tind Mont Blanc í ágúst á síðasta ári og sést hér sigri
hrósandi fyrir miðju ásamt Guðmundi Halldórssyni og argentínska leiðsögumanninum
Octavio. MYND ÚR EINKASAFNI
HEILSAN NÚMER EITT Valtýr hugsar
afar vel um sig, stundar jóga, syndir og
klífur fjöll. Það er sennilega nauðsynlegt
til að halda sönsum í annasömu starfi.
Í LAUGUM Valtýr mætir mánudaga,
miðvikudaga og föstudaga í Power-Yoga
í Laugum til að hreinsa líkama og sál.
FANGELSISMÁLASTJÓR-
INN VALTÝR SIGURÐS-
SON HUGSAR VEL UM
HEILSUNA
FÆR FRIÐ FRÁ
FANGELSISMÁLUM
Í JÓGATÍMUM
REYKJAVIK STORE
LAUGAVEGI 86-94, S: 511-2007
NÝJAR OG SPENNANDI
VÖRUR FYRIR JÓLIN.
ÚTSALAN ER HAFIN
30-50% AFSLÁTTUR
Lokadagur útsölu er á morgun
27.01.07 50%-70% afsláttur