Ísafold - 01.09.1877, Blaðsíða 4
92
Auglýsing
um ráðstafanir i Qárkláðamálinu i haust og i vetur
sem kemur.
Með því að bændur hafa ekki alstaðar fylgt fram eins dyggilega og vera
bar fyrirskipunum landshöfðingja í brjefi frá io. marz þ. á., og með því að
síðan hefir orðið vart við kláðavott eða ískyggileg óþrif í gemlingum á 4 bæj-
um í Ölvesi, 2 bæjum í Mosfellssveit og 1 bæ í Kjós, skulu hjer með gjörðar
þessar fyrirskipanir:
1. Fjárrekstrar. Samkvæmtbrjefilandshöfðingjafráí gær er eptirleiðis
eins og hingað til bannað að reka eða flytja fje til lífs yfir takmörk hins kláða-
grunaða svæðis: Hvítá í Borgarfirði upp að Deildargili, Deildargil, Kaldadal,
Brúará,Hvítá í Árnessýslu og Ölvesá.
Hreppsnefndum og hreppstjórum á kláðasvæðinu sjálfu (milli Deildar-
gils og Brúarár) ber að hlutast til um, að rekstrar eða flutningar á lífsfje milli
hreppa verði sem fæstir.
2. í rjettum skulu aptur í haust fara fram nákvæmar skoðanir á öllu
fje, um leið og það er dregið í dilkana eða hleypt úr þeim, og ber jafnframt
að telja fjeð og senda mjer að afstöðnu rjettarhaldi nákvæma skýrslu um tölu
þess fjár, er dregið hefir verið í hvern dilk, og um heilbrigðisástand þess.
Nú kemur fyrir í einhverri rjett kind með tortryggilegum óþrifum eða
kláðavotti, og skal þá hlutaðeigandi hreppstjóri eða hreppsnefnd taka slíka
kind fasta, og senda hana lifandi suður til Reykjavíkur, til skoðunar af lækn-
ingafróðum mönnum, og ber að búa svo um kindina eða kláðablettina á henni,
að ekki sje hætt við, að maur skríði af henni á leiðinni.
Jyki það vafalaust, að kindin sje með sóttnæmum kláða, má ekki reka
neitt fje frá rjettinni, áður en búið er að baða það alltsaman úr. sterku baði,
og ber hlutaðeigandi hreppsnefnd að sjá um, að baðáhöld og baðmeðul sjeu
til taks á næstu bæjum fyrir rjettimar.
3. Samkvæmt 2. gr. auglýsingar landshöfðingja frá 30. ágúst 1875
skulu hreppstjórar og hreppsnefndir í öllum sveitum á hinu kláðagrunaða svæði,
eða i Borgarfjarðar, Kjósar og Gullbríngu sýslum, Reykjavíkurkaupstað og í
þeim sveitum í Ámessýslu, sem eru fyrir vestan Ölvesá, Hvítá og Brúará,
hafa eptirlit með sauðfjár-ásetningu bænda í haust, og má ekki lofa neinum
bónda að setja meira fje á vetur en hann á hús og hey fyrir, og skal senda
mjer fyrir jólaföstu skýrslu um ásetninguna.
4. Um veturnætur skulu hinir skipuðu innanhreppsskoðunarmenn skoða
nákvæmlega allt fje í hreppnum; önnur skoðun skal fara fram viku fyrir jóla-
föstu, þriðja um miðjan vetur og fjórða um miðgóu, og ber að senda mjer
skýrslur um þessar skoðanir með nákvæmu fjártali, samkvæmt 3. gr. lands-
höfðingja-auglýsingar 30. ágúst 1875. Um utanhreppsskoðanir mun síðar verða
fyrirskipað.
5. í 1. viku jólaföstu skal í öllum hinum kláðagrunuðu sveitum baða
allt fje, sem ætlað er til lífs veturinn yfir, sterku, öllum óþrifum og lús eyðandi
baði. pú má hreppstjóri með ráði og samþykki hreppsnefndarinnar undan-
þiggja eldri kindur en veturgamlar frá baði þessu, ef engin óþrif koma fyrir
í sveitinni eða í rjett þeirri, er sveitarmenn hafa heimt fje úr; en lömb þau og
veturgamlar kindur, sem á vetur eru settar, ber að baða alstaðar.
6. Komi fyrir kláðavottur á einstökum bæ, skal hreppstjóri eða hrepps-
nefnd gjöra hlutaðeigandi búanda þá 2 kosti: annaðhvort þá þegar að tvíbaða
allt fje sitt, eða að senda hinar grunsömu kindur suður til Reykjavíkur til
læknisrannsóknar. Skyldi enginn vafi vera um það, að það væri hinn sótt-
næmi, sunnlenzki drepkláði, sem væri í fjenu, ber að senda mann gagngjört á
fund lögreglustjóra með tilkynningu um það, svo að hann geti leitað ráða al-
þingismanns og hreppsbænda, samkvæmt tilsk. 4. marz 1871, um það, hvort
skera skuli niður fjeð á einum eða fleirum bæjum í hreppnum, gegn endur-
gjaldi úr sýslusjóði.
Lögreglustjórinn í fjárkláðamálinu.
Reykjavík, 30. ágúst 1877.
Jón Jónsson.
Verzlunarstaður til leigu.
Verzlunarstaðurinn Bíldudalur i
Barðastrandarsýslu fæst til leigu um 3
ára tímabil frá 1. apríl 1878 að telja.
Verzlunarstað þessum fylgir;
1. íveruhús, úr timbri og múr, 17 3/4
áln. á lengd, 11 álna breitt, með
samtals 6 íveruherbergjum, auk
búrs og eldhúss; í eldhúsinu er
eldunarvjel úr járni.
2. Sölubúð, tvíloptuð, stór og rúmgóð,
með pakkhúsrúmi í öðrum enda.
3. Nýtt pakkhús.
4. Gamalt ibúðarhús úr timbri.
5. Saltfiskshús úr timbri.
6. Timburhjallur.
7. Eldiviðarhús með timburgöflum og
torfþaki.
8. Torfbær.
9. Fjós fyrir 5 kýr.
10. Heyhlaða.
11. Fjárhús fyrir 20—30 fjár.
12. Smiðja.
13. Bræðsluhús úr timbri, með fullkomn-
um áhöldum til lýsisbræðslu, svo sem
pottum, lýsiskörum m. m.
14. 4 kálgarðar og fiskiverkunarpláz
með steinlögðum reitum.
Verzlunarhúsunum fylgja öll
nauðsynleg verzlunaráhöld, svo sem
vogir, mæli-áhöld m. m.
15. Jörðin Bíldudalur, að fomu mati 5
hundruð, með 1 kýrkúgildi. Af túni
jarðarinnar fæst ix/2 eða 2 kýrfóð-
ur, og þar að auki hefir jörðin nægi-
legt beitiland fyrir 2 kýr og 20 fjár.
Frá verzlunarstaðnum er gottheim-
ræði til fiskjar skammt í burt, og á
Bíldudalshöfn er spröku-afli og góð
kolaveiði.
þeir er kynnu að vilja sæta því,
að taka verzlunarstað þenna á leigu, eru
beðnir fyrir 20. sept. næstkomandi, brjef-
lega eða munnlega, að snúa sjer til
undirskrifaðs.
Reykjavík, II. ágúst 1877.
Guð'm. Pálsson,
málaflutningsmaður.
r
Lager I
Meel & Gryn
Riis, Ærter & Sago
samt
Foderstoffer.
!
SALOMON & (A
KJ0BENHAVN. WIMMELSKAFTET 38.
Indkjob & Salg
af
Colonial-Sædevarer
Smor, Ost & Flæsk
samt
islandske
Producter.
Ritstjóri: Björn Jónsson, cand. philos.
Prentsmiðja „ísafoldar11.— Sigm. Guðmundsson.