Fréttablaðið - 11.04.2007, Blaðsíða 16
nær og fjær
„ORÐRÉTT“
„Þegar ég var sextán ára
fór ég með gamalli skútu
til Íslands og það voru mín
fyrstu kynni af Íslandi.
Þetta var árið 1945. Við
sigldum umhverfis Ísland.
Svo kom ég ekki aftur
til Íslands fyrr en 1964.
Á sjöunda áratugnum
veiddu margir Íslendingar
í Norðursjó og komu við
í Færeyjum á leiðinni út
og heim og þá kynntist ég
mörgum,“ segir Poul Mohr,
fráfarandi aðalræðismaður
Íslendinga í Færeyjum.
Poul Mohr átti slippinn í Færeyj-
um og var skipstjóri í Þórshöfn.
„Það komu margir, bæði Austfirð-
ingar og Vestmannaeyingar. Flest-
ir þeirra eru nú hættir á sjó. Það
voru svo margir bátar á Íslandi á
þessum tíma að það var oft erfitt
að komast í slipp á Íslandi en þeir
komust að hjá okkur og oft komu
heilu áhafnirnar heim til okkar
Önnu konu minnar og við skemmt-
um okkur og höfðum það huggu-
legt saman,“ segir hann.
Poul er líflegur og skemmtileg-
ur maður sem talar góða íslensku.
Eins og sjá má er hann mörgum
Íslendingum að góðu kunnur, ekki
síst gömlum skipstjórum og sjó-
mönnum og fólki í viðskiptum við
Færeyinga. Poul varð fyrst ræð-
ismaður Íslendinga 1985 og árið
2002 varð hann aðalræðismaður.
Hann hefur nú látið af störfum.
„Einar Ágústsson var sendi-
herra í Danmörku og Geir Hall-
grímsson var utanríkisráðherra
og þeir báðu mig um að verða ræð-
ismaður Íslendinga. Matti Matt
var líka í ríkisstjórninni og hann
talaði við mig líka. Ég vildi feginn
vera ræðismaður Íslands. Ég hefði
ekki viljað vera ræðismaður fyrir
nokkurt annað land. Ég hef alltaf
haft mikinn áhuga á því sem ger-
ist á Íslandi og íslenskum stjórn-
málum,“ segir hann.
Poul hefur margoft komið til Ís-
lands og dvalið hér. Hann er mik-
ill áhugamaður um land og þjóð og
les allt sem hann kemst yfir um Ís-
land. Hann þekkir margar íslensk-
ar ættir og getur líka rakið saman
ættir íslenskra hesta.
„Ég les allar ævisögur. Ég hef
til dæmis lesið ævisögu Hannesar
Hafstein og Einars Ben. Mér þykir
ótrúlega vænt um þessa menn og
hef gaman af að lesa um þá. Svo
hef ég líka lesið ævisögu Gunnars
Thoroddsen. Hann og pabbi minn
voru miklir vinir. Gunnar var bæj-
arstjóri í Reykjavík þegar pabbi
var bæjarstjóri í Þórshöfn. Þeir
voru saman í Osló,“ segir Poul.
Honum finnst skemmtilegast að
fara í réttirnar til að hitta fólk og
eignast vini. „Mennirnir eru þar
með vasapela og taka í nefið og
borða flatkökur og drekka kaffi og
syngja og fara ríðandi á hestum.
Það finnst mér ótrúlega gaman.
Ég hef verið í smalamennsku í
Landmannalaugum í nokkra daga
og það var mjög gaman. Svo hef
ég líka verið í hestaréttunum í
Skagafirði. Ólafsvakan í Færeyj-
um er eins og sunnudagaskóli í
samanburði við þetta.“
Í Færeyjum eru 80-90 prósent hest-
anna íslenskir. Afgangurinn er
norskir hestar. Poul er mikill hesta-
maður en faðir hans var með ís-
lenska hesta þegar hann var strák-
ur og sjálfur er hann með fimm
hesta í húsi. Það var því vel við
hæfi að Valgerður Sverrisdóttir ut-
anríkisráðherra skyldi færa honum
forláta íslenskt beisli að gjöf sem
þakklætisvott fyrir unnin störf.
Poul segir að staðan í Færeyj-
um sé góð, atvinnuleysi ekkert og
góður snúningur á efnahagslífinu.
Flestöll fyrirtæki virðast ganga
vel. Verðbréfamarkaðurinn er
Poul hugleikinn og hefur hann sér-
stakan áhuga á velgengni Atlant-
ic Petroleum sem var stofnað árið
1998 og er skráð á markað bæði á
Íslandi og í Danmörku.
„Færeyingar eru vaknaðir til
meðvitundar um verðbréfamark-
aðinn. Það var eitt af mínum helstu
áhugamálum og ég var einn af
frumkvöðlunum. Félagið er með
starfsemi í Norðursjó og þaðan
fáum við peninga inn í fyrirtækið.
Gengi bréfanna er spáð hækkandi
og við erum komnir með olíuleit
við Írland líka,“ segir Poul Mohr.
Hann segir stofnun félagsins ekki
hafa verið alveg þrautalausa.
„Það voru bara Færeyingar sem
stofnuðu þetta félag. Við þurftum
mikið stofnfé þegar erfiðleikarn-
ir voru miklir. Ég hringdi í nokkra
vini mína og bað þá um að leggja
peninga í fyrirtækið. Við fengum
25 milljónir og stofnuðum félagið.
Í dag eru 3.000 Færeyingar hlut-
hafar í félaginu. Sá sem setti 1.000
krónur í félagið fær 8.000 krónur í
dag,“ segir Poul Mohr.
Ólafsvakan er sunnudagaskóli
í samanburði við réttirnar
Ég les allar ævisögur. Ég
hef til dæmis lesið ævi-
sögu Hannesar Hafstein og Einar
Ben. Mér þykir ótrúlega vænt um
þessa menn og hef gaman af að
lesa um þá.
Meira að segja í
Eurovision
Bara smá grín
Alvarlegt mál
Syngur ljóð Jónasar