Fréttablaðið - 11.04.2007, Blaðsíða 34
Í ljósi síðasta pistils
míns, um kurteisi og
ókurteisi afgreiðslu-
fólks, finnst mér ekki
úr vegi að kafa aðeins
ofan í eigin reynslu
af þjónustustörfum. Á
þjónaferli mínum hef ég
gengið í gegnum þolraunir á borð
við að vera læst inni í útigeymslu,
fá bjórkút í andlitið (innihaldið,
nóta bene) og vera beðin lengst-
ra, og ljótastra, orða að pilla mig til
Kólumbíu þar sem eiturlyfjahyski
eins og ég ætti heima.
Fyrsta næturvaktin mín á barn-
um sem varð sú síðasta á ferils-
skrá minni komst á spjöld sögunn-
ar fyrir tilþrif mín í samræðum við
síðhærðan Norðmann.
Lokkaprúði maðurinn var svo
heillaður af framtakssemi minni á
bak við barinn að hann hreinlega
lá fram á borðið. Ég laut fram til
að bjóða honum fagmannlega að-
stoð mína og átti við hann orðastað
sem ég skildi lítið af. Sökum tregðu
minnar laut hann enn lengra yfir
borðið, með þeim afleiðingum að
mittissítt hárið lagðist ofan í kerti á
borðinu, og breyttist fyrirvaralaust
í eldhnött. Hversu mikið hársprey
maðurinn hefur notað veit ég ekki,
en hitt er víst að haddurinn fuðraði
upp með látum. Maðurinn lokka-
prúði gerði sér þó lítið fyrir, reytti
af sér sviðið hárið og bað mig vin-
samlega að henda því fyrir sig. Því
næst setti hann afganginn, sem nú
var um hálfur haus, í tagl og hélt út
á dansgólfið. Sjálf stóð ég enn með
sviðna lokkana í höndunum þegar
öryggisverðirnir komu á staðinn
vegna hávaða í brunavarnarkerf-
inu. Ég uppskar ekki mikinn skiln-
ing þegar ég reyndi að útskýra hver
eldsupptökin væru.
Af Norðmanninum hefur ekki
spurst síðan, en hann var bara sá
fyrsti af þeim ólíkindatólum sem
ég átti eftir að kynnast. Enn sem
komið er hefur ekkert annað starf
mitt leitt mig á vit jafnskemmti-
legra ævintýra. Eins hef ég hvergi
fyrirhitt jafn mikla leiðindapúka og
á þessum umrædda stað. Kurteist
afgreiðslufólk er möst, en það þarf
líka að vera kurteis við afgreiðslu-
fólk. Það lendir í ólýsanlegustu
hremmingum á hverjum degi.
Spænir og hör færðu
í Húsasmiðjunni Ögurhvarfi*
Hey!
ásamt úrvali af öðrum vörum fyrir hestamanninn
* Hestavörur fást einnig í völdum
verslunum um land allt
550 5000
AUGLÝSINGASÍMI