Fréttablaðið - 11.04.2007, Blaðsíða 37
Hallfríður Ólafsdóttir flautuleikari
og bandaríski píanóleikarinn John
Robilette leika á Tíbrár-tónleikum
í Salnum í kvöld.
Samstarf þeirra tveggja kom til
af því að Robilette hreifst af leik
Hallfríðar á einleikstónleikum sem
hún hélt í Washington á fyrra ári
og lýsti miklum áhuga á að leika
með henni. Frönsk tónlist var efst á
óskalistanum, bæði hin fræga Poul-
enc-sónata og Fantasían eftir Fauré,
en þó sérstaklega hin safaríka són-
ata Césars Franck, sem upphaf-
lega er samin fyrir fiðlu, en er ekki
síður vinsæl á efnisskrá flautuleik-
ara. Auk þessara verka leikur John
Robilette píanóverk eftir Ignace
Jan Paderewski, Chopin og Saint-
Saëns og Hallfríður leikur Passa-
cagliu eftir Ernst von Dohnanyi,
sannkallað virtúósastykki fyrir
einleiksflautu.
Tónleikarnir hefjast kl. 20.
Franskir tónar
Fjórar söngkonur leggjast á eitt og efna til flugelda-
sýningar í kjallaranum í Þingholtsstræti 5 í kvöld. Þær
Margrét Eir, Hera Björk, Regína Ósk og Heiða Ólafs-
dóttir eru ekki aðeins systur í faginu, allar menntaðar
söngkonur og starfandi sem slíkar, heldur eru þær einn-
ig góðar vinkonur sem lengi hefur dreymt um að troða
upp saman.
Draumur sá verður að veruleika í kvöld og munu
dívurnar flytja sín hjartans lög með sínum hætti. „Þetta
verður svolítið rokk og ról, svona stór lög í bland við þau
litlu – sem verða náttúrlega stór þegar við flytjum þau,“
segir Margrét Eir sposk. Þannig munu þær, með liðsinni
hins marghæfa tónlistarmanns Karls Olgeirssonar, gefa
gömlum poppsmellum nýtt líf og má vera að þær sýni
hinum útspiluðu Kryddpíum hvar Davíð keypti ölið.
Það verða því dramatískir dúettar, stjörnusóló og fag-
mannlegur fjórsöngur á Domo í kvöld.
Dívurnar á Domo í kvöld
8 9 10 11 12 13 14
66,8%
35,3% 34,7%
Aldurshópurinn 18–49. Könnun Capacent mars 2007
– Mest lesið
10%
20%
30%
40%
50%
60%
Auglýsendur athugið. Nýjasta lestrarkönnun Capacent sýnir að bilið milli Frétta-
blaðsins og annarra dagblaða eykst svo um munar. Við erum bæði þakklát og stolt
og bendum auglýsendum á að notfæra sér þessa vitneskju þegar þeir ákveða hvar
auglýsingu þeirra er best borgið.
Fréttablaðið eykur forskotið
F
í
t
o
n
/
S
Í
A
Þjóðin veit hvað hún vill