Fréttablaðið - 12.05.2007, Blaðsíða 2
Geirmundur, er ekki kominn
tími til að senda þig út?
Yfirtökunefnd mun ekki gera opinbert
hverjir neituðu að veita nefndinni upplýsingar
vegna viðskipta með bréf í Glitni 5. apríl. Eftir fund
með stofnaðilum nefndarinnar hefur þó verið
ákveðið að komi slíkt aftur upp í framtíðinni muni
nefndin ekki hika við að gera nöfnin opinber.
Viðar Már Matthíasson, formaður yfirtöku-
nefndar, segir að stofnaðilar nefndarinnar hafi rætt
slíkar nafnbirtingar á fundi á miðvikudag. „Eindreg-
inn vilji stofnaðila kom fram til þess að nefndin
beitti þessu úrræði, það er að segja, nafngreindi þá
sem þráuðust við að veita upplýsingar eða afhenda
gögn,“ segir Viðar.
„Það kom líka fram að stofnaðilar nefndarinnar
voru tilbúnir til þess að bera ábyrgð, þar með talið
fjárhagslega, á slíkum nafnbirtingum, ef þær kynnu
að valda tjóni. Með þann stuðning stofnaðila mun
nefndin sannarlega beita þessu úrræði.“
Viðar segir að þrátt fyrir þetta verði ekki upplýst
hverjir neituðu að veita upplýsingar vegna kaupa í
Glitni á dögunum. Það mál hafi nefndin þegar
afgreitt og vísað til Fjármálaeftirlitsins og það sé
því ekki til frekari umfjöllunar hjá nefndinni.
„En framvegis mun nefndin hiklaust birta nöfnin,
með þeim stuðningi sem hún hefur nú fengið frá
stofnaðilum,“ segir Viðar. Hann segir það vissulega
harkalegar aðgerðir að nafngreina slíka aðila. Ekki
sé víst að þeir aðilar hafi nokkuð að fela, og vel geti verið að þeir telji sig verða fyrir tjóni vegna
nafnbirtingarinnar.
Arnar Sigurmundsson, formaður Landssambands
lífeyrissjóða, lýsti þeirri skoðun sinni í ræðu sinni á
aðalfundi samtakanna á fimmtudag að yfirtöku-
nefndin ætti að upplýsa hverjir neituðu að veita
henni upplýsingar, en Eignarhaldsfélag lífeyrissjóða
um verðbréfaþing er einn stofnaðila nefndarinnar.
„Yfirtökunefndin á að birta opinberlega nöfn
þeirra aðila sem með einhverjum hætti leggja stein í
götu nefndarinnar, hvort heldur með skorti á
upplýsingagjöf eða með því að láta ekki ná í sig og
þannig komast hjá því að veita nefndinni upplýs-
ingar,“ sagði Arnar. Þó að slíkt kynni að vera
harkalegt væri það nauðsynlegt til að trúverðugleiki
nefndarinnar biði ekki hnekki. Hikaði nefndin í
þessum málum yrði hún bitlaus.
Yfirtökunefnd mun
framvegis birta nöfn
Stofnendur yfirtökunefndar ábyrgjast mögulegan skaða sem gæti hlotist af því
að birta nöfn þeirra sem leggja stein í götu nefndarinnar. Hún mun þó ekki
nafngreina þá sem neituðu að veita upplýsingar um viðskipti með bréf í Glitni.
Viðræðum Íslands og Bandaríkjanna
um framtíð ratsjár- og loftvarnakerfisins á
Íslandi var fram haldið í Reykjavík í gær.
Áfram var rætt um fyrirkomulag og fjármögn-
un á kerfinu og miðaði viðræðum vel áfram, að
því er segir í fréttatilkynningu.
Jón Egill Egilsson, yfirmaður varnarmálaskrif-
stofu utanríkisráðuneytisins, tjáði Fréttablaðinu
að íslenska samninganefndin væri „mjög sátt við
dagsverkið“; full ástæða væri til bjartsýni og að
málið verði fært til lykta sem samræmdist
hagsmunum og óskum Íslands.
Loftvarnakerfið var undanskilið samningunum
um brottför bandaríska varnarliðsins héðan, sem
gerðir voru í haust sem leið. Bandaríkjamenn
bera ábyrgð á rekstri þess fram til 15. ágúst í ár,
og snúast viðræðurnar nú um færslu þess
verkefnis yfir á herðar Íslendinga. Á árinu 2005
kostaði reksturinn um 1.200 milljónir króna.
Jón Egill tekur fram, að loftvarnakerfið sé hluti
af loftvarnakerfi NATO, og áframhaldandi rekstur
þess sé algjör forsenda fyrir því að hér verði mögu-
legt að halda úti virku eftirliti með lofthelgi,
loftvörnum eða loftheræfingum.
Rúmlega 57 pró-
sent segja að stefnumál skipti
meira máli en frambjóðendur
þegar ákveðið er hvernig atkvæði
eru greidd. 14,9 prósent segja fram-
bjóðendur skipti meira máli en
málefnin, en 28,0 prósent segja að
frambjóðendur og málefni skipti
jafn miklu máli þegar ákveðið er
hvernig atkvæði þeirra fellur í
kosningunum í dag.
Karlar segja frekar að málefni
skipti höfuðmáli en konur. 59,0 pró-
sent karla segja að þau ráði atkvæði
sínu en 53,3 prósent kvenna. Konur
eru hins vegar líklegri til að segja
að jafn mikið tillit sé tekið til manna
og málefna en karlar, 30,9 prósent
kvenna en 25,6 prósent karla.
Ef litið er til svara í hverju kjör-
dæmi fyrir sig er hæst hlutfall svar-
enda í Reykjavíkurkjördæmi suður
sem sögðu stefnumál mestu skipta,
eða 69,4 prósent þeirra. Minnst
hlutfall þeirra sem fannst málefnin
skipta mestu máli var í Norðvestur-
kjördæmi, þar sem 49,7 prósent
sögðu þau ráða atkvæði sínu. Hæst
hlutfall svarenda í Norðvesturkjör-
dæmi sögðu frambjóðendur skipta
mestu máli, eða 20,1 prósent þeirra.
Lægst var hlutfallið í Reykjavíkur-
kjördæmi suður, þar sem 9,9 pró-
sent sögðu frambjóðendur skipta
meira máli en málefnin.
Hringt var í 2.000 manns í öllum
kjördæmum 8. og 9. maí. Spurt
var: Hvort skiptir meira máli
þegar þú ákveður hvað þú kýst;
frambjóðendur eða stefnumál?
96,7 prósent tóku afstöðu til spurn-
ingarinnar.
Frambjóðendur skipta mestu
máli í Norðvesturkjördæmi
„Ég ætla að reyna að
koma til móts við væntingar
fólks,“ sagði Gordon Brown,
fjármálaráð-
herra Bretlands,
þegar hann lýsti
í gær yfir að
hann sæktist
eftir að taka við
af Tony Blair
sem leiðtogi
Verkamanna-
flokksins og þá
um leið sem
forsætisráð-
herra Bretlands.
Hann sagði
meðal annars að
mistök hefðu
verið gerð í Írak
og sagðist ætla að fara til Íraks á
næstu vikum. „Ég tel að á næstu
mánuðum muni áherslurnar
breytast.“
Brown hefur staðið í skugga
Blairs síðastliðin tíu ár, en þykir
næsta öruggur um að verða
arftaki hans.
Ætlar til Íraks á
næstu vikum
Hreinar eignir
lífeyrissjóðanna halda áfram að
hækka og námu þær 1.537
milljörðum í lok mars. Það er
aukning um 18,4 milljarða króna,
eða 1,2 prósent, á milli mánaða.
Frá ársbyrjun nemur aukningin
um 2,7 prósentum, eða 40,4
milljörðum.
Ef eignunum væri skipt út til
allra landsmanna fengi hver og
einn fimm milljónir króna í sinn
hlut.
Góð raunávöxtun hefur verið á
starfsemi lífeyrissjóðanna frá
árinu 2003, sem hefur skilað sér í
mikilli eignaaukningu á þeim
tíma.
Fimm milljónir
á mannsbarn
Landhelgis-
gæsla Íslands hefur fengið búnað
til að nota í þyrlum sem er
sérstaklega hannaður til að
slökkva gróðurelda. Um sérhann-
aða fötu er að ræða sem notuð er
í þessum tilgangi. Hún rúmar
alls 2.000 lítra af vatni.
Brunamálamálastofnun hafði
frumkvæði að því fyrir nokkru
að kaupa þennan búnað og óskaði
eftir liðsinni Skógræktar
ríkisins, Slökkviliðs höfuðborgar-
svæðisins, Almannavarnadeildar
Ríkislögreglustjóra og Land-
helgisgæslunnar. Úr varð að
þessar stofnanir skiptu með sér
kostnaðinum. Björn Karlsson
brunamálastjóri segist vera
mjög ánægður með samstarfið
við stofnanirnar enda er mikil-
vægt, sérstaklega í ljósi eldanna
á Mýrum í fyrra, að slíkur
búnaður sé til staðar hjá Land-
helgisgæslunni.
Nýr búnaður
vegna sinuelda
Kínverskur afi, 87 ára gamall,
leggur nú stund á laganám í Kína
eftir að lögfræðingur hans brást
honum.
„Ég stóð í málaferlum í tvö ár
vegna íbúðarinnar minnar og stóð
mjög höllum fæti vegna vankunn-
áttu minnar á lögunum,“ sagði
Wang Jianbang við þarlenda
fréttastofu, en lögfræðingur hans
hafði ruglast á einkamáli og
opinberu máli. „Tíma mínum og
peningum var eytt til einskis, og
fyrst ég hef enn getuna langar mig
að verða lögfræðingur.“
Yfirmenn skólans sem Jianbang
nemur við ákváðu vegna hins háa
aldurs að fella niður skólagjöld.
Níræður afi í
laganámi í Kína