Fréttablaðið - 21.05.2007, Qupperneq 35

SNÆFELLSJÖKULL
DRANGAJÖKULL
REYKJAVÍK
AKUREYRI
EGILSSTAÐIR
VESTMANNAEYJAR
ÍSAFJÖRÐUR
VOPNAFJÖRÐUR
ÞÓRSHÖFN
GRÍMSEY
Njóttu dagsins
- taktu flugið
Aðeins fimm skref á Netinu og þú ferð á loft
Það getur ekki verið auðveldara.
Þú bókar flugið á flugfelag.is þar sem
þú finnur ódýrustu fargjöldin og að
auki frábær tilboð.
Njóttu dagins, taktu flugið
og smelltu þér á flugfelag.is
flugfelag.is
ÍS
L
E
N
S
K
A
/S
IA
.I
S
/F
L
U
3
77
33
0
5/
07
Hinn velski Bryn Terfel, sem al-
mennt er talinn vera í hópi fremstu
bassabarítónsöngvara samtímans,
mun halda tónleika í Háskólabíói
í kvöld þar sem hann kemur fram
ásamt píanóleikaranum Malcolm
Martineau, helsta samstarfsmanni
sínum til margra ára. Tónleikarn-
ir eru hluti af dagskrá Listahátíð-
ar í Reykjavík en þeir hefjast kl.
20 í kvöld.
Nafn Terfels er alþekkt innan
klassíska tónlistarheimsins, en
söngvarinn hefur hlotið fjölda
verðlauna á ferli sínum sem
söngvari. Segja má að hann hafi
sprottið fram á sjónarsviðið árið
1990 þegar hann þreytti frumraun
sína á óperusviðinu sem Gugliemo
í óperunni Cosi fan tutte eftir Moz-
art hjá velsku þjóðaróperunni, en
Terfel er fæddur og uppalinn í
Wales. Eftir að hafa spreytt sig í
titilhlutverki Brúðkaups Fígarós í
fyrsta sinn varð ekki aftur snúið;
nýr gullbarki hafði verið fundinn
og segja má að ferill Terfels síðan
þá sé ein samfelld sigurför.
Terfel hefur hlotið lofsamlega
dóma tónlistargagnrýnenda víða
um heim fyrir hlutverk sín í hinum
fjölbreyttustu verkum og óper-
um. Hann hefur hlotið sérstakt lof
fyrir túlkun sína á kröfuhörðustu
hlutverkum óperubókmenntanna,
til dæmis Falstaff í samnefndri
óperu Verdis, sem hann söng í
fyrsta sinn í Chicago árið 1999.
Einnig hefur Terfel slegið í gegn
víða um heim í hlutverkum Lepor-
ello og Don Giovanni í samnefndri
óperu Mozarts.
Terfel hefur unnið til fjölda
verðlauna á ferli sínum, m.a. var
hann valinn „Ungsöngvari ársins“
af tímaritinu Gramophone og árið
1994 fékk hann Gramophone-verð-
laun fyrir besta einsöngsdiskinn
fyrir disk sinn „An die Musik“. Ári
síðar hlaut hann Grammy-verð-
launin fyrir diskinn The Vagabond
og svo mætti lengi áfram telja.
Terfel er fæddur í Pantglas í
Norður-Wales þar sem hann hóf
söngnám. Hann fluttist til Lund-
úna árið 1984 þar sem hann lærði
við Guildhall-tónlistarskólann,
þaðan sem hann útskrifaðist með
láði fimm árum síðar, þá 24 ára
gamall.
Samstarf Terfels og píanóleikar-
ans Martineau hefur verið langt og
farsælt en þeir koma fram saman
í Háskólabíói með efnisskrá sem
samanstendur meðal annars af
enskum sönglögum og þjóðlögum
frá Írlandi og Bretlandseyjum.
Eins og áður segir hefjast tónleik-
arnir kl. 20 í kvöld.
Terfel syngur írsk og bresk þjóðlög