Fréttablaðið - 15.06.2007, Page 6

Nicholas Burns,
aðstoðarutanríkisráðherra Banda-
ríkjanna, segir samband Íslands
og Bandaríkjanna vera orðið
nútímalegra, þroskaðra og jafnara
eftir að bandaríska varnarliðið
hvarf héðan í fyrrahaust.
Burns er hæst setti fulltrúi
Bandaríkjastjórnar sem til Íslands
kemur síðan Colin Powell, þáver-
andi utanríkisráðherra, mætti á
ráðherrafund NATO í Reykjavík
árið 2002, en í þeirri heimsókn var
Burns reyndar í fylgdarliði
Powells. Það var Burns, sem fyrir
hönd Bandaríkjastjórnar, hringdi
hið sögulega símtal hinn 15. mars í
fyrra og tilkynnti íslenskum
stjórnvöldum um lokun herstöðvar-
innar á Keflavíkurflugvelli.
„Ég veit að við höfum einn erfið-
asta kafla í samskiptum Íslands og
Bandaríkjanna að baki okkur, þar
sem við tókum þá ákvörðun að
loka herstöðinni,“ sagði ráðherr-
ann á fundi með blaðamönnum í
bandaríska sendiherrabústaðnum.
Hann var spurður um viðbrögð
við því að margir Íslendingar
skynjuðu það hvernig þessi
ákvörðun var tekin af hálfu Banda-
ríkjastjórnar sem hrokafulla og
óvinsamlega. „Það var aldrei
ætlun okkar að troða Íslendingum
um tær,“ svaraði Burns. „Það var
mjög erfitt að hringja þetta sím-
tal,“ staðfesti ráðherrann, en bætti
við: „Við verðum að muna sam-
hengið. Við vorum í viðræðum,
sem höfðu strandað .... Frá okkar
bæjardyrum séð var nauðsynlegt
að gera breytingar í átt að vörnum
sem væru betur í takt við nýja
öld.“
„Ef menn skynja það hér þannig
að Bandaríkjastjórn hafi komið
fram af hroka eða einhliða harma
ég það,“ sagði hann. „Ísland er
okkur of dýrmætur vinur til að við
kærum okkur um að fólki hér finn-
ist þetta. Við viljum sýna vinum
okkar virðingu, eins og vera ber í
samskiptum vina.“
Burns sagði að í Washington
hefðu menn mjög jákvæða ímynd
af Íslandi og litu á landið sem
fyrirmyndarbandamann. Banda-
rísk stjórnvöld væru enda staðráðin
í að standa við það samkomulag
um áframhald varnarsamstarfsins
sem gert hefði verið í fyrrahaust.
Heimsókn Burns til Reykjavíkur
er liður í því pólitíska samráði sem
kveðið er á um í samkomulaginu.
Hann benti líka á að heimsókn
bandaríska herskipsins USS
Normandy, sem ásamt tveimur
öðrum NATO-skipum úr þýska og
spænska flotanum liggur nú við
festar í Sundahöfn, væri liður í að
uppfylla skuldbindingar Banda-
ríkjanna hvað varðar öryggi og
varnir Íslands. Þátttaka banda-
rískra herþotna í Norðurvíkingi,
heræfingu NATO sem fram fer
hér á landi í ágúst, væri annað
dæmi um þetta. Næsta æfing sem
fram fer sumarið 2008 sé enn ein.
„Við munum standa við skuldbind-
ingar okkar við öryggi Íslands út í
æsar,“ sagði ráðherrann.
Hann sagði samstarf Íslands og
Bandaríkjanna innan NATO einnig
mjög gott. Fastafulltrúar beggja
landa hefðu til dæmis starfað mjög
vel saman að tillögum að því fyrir-
komulagi lofthelgiseftirlits í lög-
sögu Íslands sem verið hefði til
umræðu innan NATO á síðustu
mánuðum og gera mætti ráð fyrir
að yrði afgreitt í næstu viku.
Það var aldrei ætlun
okkar að troða Íslend-
ingum um tær.
Smart og létt á fæti
heilsteypt glös á tilboðsverði
R
V
62
36
A
Rekstrarvörur
1982–200725ára
Tilboðið gildir
út júní 2007
eða meðan
birgðir endast.
Þórunn Helga Kristjánsdóttir,
sölumaður hjá RV
Á tilboði íjúní 2007 heilsteypt rauðvínsglös,hvítvínsglös, bjórglös,kampavínsglös og sérríglös
Imperial 42 cl rauðvínsglös
12 stk.
1.925 kr.
Maldive 36 cl bjórglös
6 stk.
854 kr.
Þroskaðri, nútíma-
legri og jafnari tengsl
Aðstoðarutanríkisráðherra Bandaríkjanna, hæst setti fulltrúi Bandaríkjastjórnar
sem til Íslands kemur síðan árið 2002, segir samband landanna hafa þroskast og orðið
nútímalegra eftir lokun Keflavíkurstöðvarinnar. Staðið verði við skuldbindingar.
Allir Kópavogsbúar
geta ferðast frítt með strætó í
bænum frá og með næstu
áramótum. Tillaga þess efnis var
samþykkt í bæjarráði í gær. Gert
er ráð fyrir því að kostnaður vegna
verkefnisins nemi um níutíu millj-
ónum króna. „Þetta er umhverfis-
væn framkvæmd og til bóta fyrir
þá sem hafa minnst á milli hand-
anna,“ segir Gunnar I. Birgisson,
bæjarstjóri í Kópavogi.
Vinstri græn lögðu fram svip-
aða tillögu í bæjarráði í febrúar en
þá var henni hafnað af meirihlut-
anum sem lagði fram tillöguna nú.
Gunnar segir að margt hafi breyst
síðan þá og að hagrætt hafi verið í
rekstrarkostnaði Strætó bs.
„Reykjavíkurborg hefur boðað
gjaldfrjálsan strætó fyrir skólafólk
og í Hafnarfirði munu eldri borgar-
ar fá frítt. Þá eru ekki eftir margir
hópar sem nota strætó. Við sáum
fram á að hafa um 300 milljónir í
tekjur af aðgangseyri en kostnað-
urinn við innheimtu hefði numið
um 100 milljónum, þá getum við
allt eins haft frítt fyrir alla.“
Þorbjörg Helga Vigfúsdóttir,
fulltrúi Reykjavíkurborgar í stjórn
Strætó bs., segir að ekki standi til
að gera slíkt hið sama í Reykjavík.
„Við höldum okkar striki. Skólafólk
fær frítt í strætó í vetur og við
viljum skoða reynsluna af því áður
en við gefum öðrum hópum frítt,“
segir Þorbjörg.
Frítt í strætó í Kópavogi
Ætti að auðvelda aðgengi
fíkniefnaneytenda að sprautu-
nálum til þess að minnka líkur
á HIV-smiti?
Hefur þú gefið blóð?
Íslensk erfðagreining
(ÍE) tilkynnti í gær að fyrirtækið
hefði náð sátt í dómsmáli fyrir
dómstóli í Fíladelfíu sem væri
fyrirtækinu hagstæð. Fyrirtækið
var aðili að dómsmáli sem var
höfðað gegn bandaríska sjúkrahús-
inu Children’s Hospital of Phila-
delphia (CHOP) og nokkrum
fyrrverandi starfsmönnum ÍE sem
hófu þar störf.
Með dómsáttinni hafa allir
dregið kröfur sínar til baka og fellt
málið niður. Sáttin var gerð með
samningi sem leggur ákveðnar
skyldur á herðar CHOP og þeim
fyrrverandi starfsmönnum ÍE sem
um ræðir.
Hagfelld sátt í
dómsmáli