Fréttablaðið - 05.10.2007, Blaðsíða 2
Þingmenn Samfylkingar-
innar vilja að Barnasáttmáli
Sameinuðu þjóðanna verði
lögfestur hér á
landi, og hafa
lagt fram
tillögu til
þingsályktun-
ar um að
ríkisstjórn
verði falið að
undirbúa
lögfestinguna.
Lögfesta
þarf samning-
inn ef hann á að hafa bein
réttaráhrif hér á landi, að því er
fram kemur í tilkynningu frá
Ágúst Ólafi Ágústssyni, varafor-
manni Samfylkingarinnar. Við
lögfestingu fengi sáttmálinn
aukið vægi þannig að stjórnvöld
og dómstólar yrðu að taka mið af
honum.
Í barnasáttmálanum er meðal
annars kveðið á um það að
aðskilja beri unga fanga frá
fullorðnum föngum, en það er
ekki gert hér á landi.
Alþingi lögfesti
barnasáttmála
Tveir Litháar sem
handteknir voru síðdegis í fyrra-
dag voru í gær úrskurðaðir í
gæsluvarðhald í viku, grunaðir um
aðild að skipulögðum búðaþjófnaði
í Reykjavík. Alls sitja nú níu Lithá-
ar í varðhaldi vegna málsins. Þá
voru fjórir úrskurðaðir í farbann í
gær en einum var sleppt.
Lögreglan fann mikið magn af
þýfi í tveimur húsleitum á þriðju-
dagskvöld og í fyrradag og öllu
minna af sama tagi í þeirri þriðju í
gær. Um er að ræða fatnað – mest-
megnis dýrar úlpur úr 66°Norður
– snyrtivörur og tölvu- og tækni-
búnað. Í húsleit í Fellsmúla á mið-
vikudagsmorgun fannst auk þýfis
hálf milljón króna í reiðufé. Ekki
er talið að mennirnir hafi staðið í
innbrotum heldur hafi eingöngu
hnuplað vörunum úr verslunum.
Einn mannanna sem nú situr í
varðhaldi átti pantað flugfar til
Litháen í gær og leikur grunur á að
hann hafi ætlað með þýfið með sér
til að selja það í heimalandinu. Ein-
hverjir mannanna hafa komið við
sögu lögreglu hér á landi og erlend-
is og sumir hlotið dóma fyrir auðg-
unarbrot.
Yfirheyrslur eru hafnar en
Ómar Smári Ármannsson aðstoð-
aryfirlögregluþjónn vill ekkert
gefa upp um framburð mann-
anna.
Níu Litháar í gæsluvarðhaldi
Friðrik Bjarnason, fram-
kvæmdastjóri ferðaskrifstofunnar
Eskimos, segir eiganda ferðaskrif-
stofunnar Atlantik misnota nafn
hagsmunasamtakanna Cruise Ice-
land í þágu Atlantik.
Samtökin Cruise Iceland voru
stofnuð fyrir nokkrum árum af
ýmsum aðilum sem tengjast komu
skemmtiferðaskipa til Íslands. Á
netinu halda samtökin úti kynning-
arsíðunni cruiseiceland.com.
Ferðaskrifstofan Atlantik keypti
hins vegar lénið cruiseiceland.is í
maí á þessu ári og tengjast menn
heimasíðu Atlantik þegar það er
slegið inn.
Á fundi stjórnar Cruise Iceland
18. september síðastliðinn sagðist
Ársæll Harðarson, fulltrúi Ferða-
málastofu, vilja koma því á fram-
færi við fundarmenn að svo virtist
sem lénið www.cruiseiceland.is
væri í eigu Atlantik. Um það var
síðan bókað: „Fundarmenn almennt
sammála um að lénið eigi að vera í
eigu Cruise Iceland og vildu að
þeim skilaboðum yrði komið til Atl-
antik.“
Gunnar Rafn Birgisson, eigandi
og framkvæmdastjóri Atlantik,
sem sat reyndar umræddan stjórn-
arfund, segir ekkert athugavert
við það að Atlantik nýti sér nafnið
Cruise Iceland til að vísa inn á
heimasíðu fyrirtækisins. Og Gunn-
ar hafnar því algerlega að Atlantik
sé að misnota nafn hagsmunasam-
takanna.
Að sögn Gunnars er skiljanlegt
að einhverjum sem er í samkeppni
við Atlantik finnist að fyrirtækið
ætti ekki að nota umrætt lén. „En
lénið var laust og við töldum okkur
heimilt að nota það. Reyndar gagn-
ast þetta alls ekki okkur einum
heldur líka mörgum öðrum fyrir-
tækjum í þessum geira,“ segir
Gunnar Rafn.
Friðrik Bjarnason er ósáttur við
að ekki skuli tekið fastar á málinu
innan Cruise Iceland. „Þetta er
náttúrlega eins mikil linkind og
hægt er að hafa hana,“ segir Frið-
rik sem telur að í stað þess að
„koma málinu á framfæri“ við Atl-
antik hefði stjórnin átt að „krefj-
ast“ þess að Gunnar, sem sat með
þeim við borðið, skilaði léninu með
is-endingunni til samtakanna.
„Í eðlilegum regnhlífarsamtök-
um fyrir hagsmunaaðila fá menn,
sem sitja í stjórn og eiga að gæta
hagsmuna allra meðlima, harða
áminningu eða er jafnvel vikið úr
stjórninni ef þeir sýna það dóm-
greindarleysi að misnota nafn sam-
takanna fyrir sjálfa sig,“ segir
Friðrik Bjarnason.
Ferðafrömuður sagður
misnota nafn samtaka
Gunnar Rafn Birgisson, eigandi ferðaskrifstofunnar Atlantik, er sagður misnota
nafn hagsmunasamtakanna Cruise Iceland í þágu eigin fyrirtækis. Gunnar
neitar því og hefur ekki orðið við kröfum um að afhenda lénið cruiseiceland.is.
Hæstiréttur dæmdi í
gær fyrrverandi ritstjóra DV,
Jónas Kristjánsson og Mikael
Torfason, til að greiða Jónínu Bene-
diktsdóttur hálfa milljón króna
fyrir að brjóta gegn einkalífi
hennar með því að birta upplýsing-
ar úr persónulegum tölvupósti
hennar til Styrmis Gunnarssonar,
ritstjóra Morgunblaðsins. Þá var
þeim gert að greiða 150 þúsund
króna sekt hvor í ríkissjóð, en sæti
ella fangelsi í tólf daga.
Hæstiréttur komst að þeirri
niðurstöðu að fréttaflutningur DV,
sem meðal annars birtist undir
fyrirsögninni „Samband þeirra var
af allt öðrum toga en haldið var“,
hefði ekki átt erindi við almenning,
og bryti því gegn lögum.
Ritstjórar brutu
gegn Jónínu
Kópavogsbær unir
því ekki ef Kynnisferðir halda
eftir 658 þúsund krónum af
fasteignagjöld-
um til bæjarins.
Aðstoðarfram-
kvæmdastjóri
Kynnisferða
sagðist í
Fréttablaðinu í
gær mynu halda
upphæðinni eftir
ef Kópavogsbær
greiði hana ekki
fyrirtækinu
vegna kostnaðar
við þrif eftir mikla rykmengun frá
landfyllingu. „Menn verða að
borga fasteignagjöldin. Geri þeir
það ekki fer málið einfaldlega í
venjulegt innheimtuferli,“ segir
Þór Jónsson, upplýsingafulltrúi
hjá Kópavogsbæ. Bæjarráð hefur
hafnað kröfu Kynnisferða. Þór
segir að í dag verði sent svar þess
efnis frá lögfræðingi tæknisviðs
bæjarins.
Verða að borga
fasteignagjöld
Snjóframleiðslukerfið í
Hlíðarfjalli á Akureyri fór 32
milljónir yfir áætlun og kostaði
á endanum 138 milljónir króna.
Íþróttaráð Akureyrar vill að
Vetraríþróttamiðstöð Íslands
borgi viðbótarkostnaðinn og
þannig verkefnið í heild.
„Viðlíka verk hefur ekki verið
unnið áður hérlendis og því um
nokkurs konar frumherjaverk að
ræða, auk þess sem ýmsar
erfiðar aðstæður gerðu alla
framkvæmdina erfiðari en gert
var ráð fyrir,“ segir íþróttaráðið
sem telur snjóframleiðslukerfið
hafa sannað sig.
Fór 32 milljónir
fram úr áætlun
Íslensk stjórnvöld báðu ríkisstjórn
Srí Lanka afsökunar í gær eftir að Bjarni Vest-
mann, sendifulltrúi utanríkisráðuneytisins, átti
fund með yfirmanni frelsissamtaka tamíla,
tamíltígranna, þar í landi. Bjarni var kallaður heim
samstundis og kemur til Íslands í dag.
Fundur Bjarna og S.P. Tamilselvan, yfirmanns
stjórnmáladeildar samtakanna, var haldinn án
heimildar utanríkisráðuneytisins í Srí Lanka,
samkvæmt tilkynningu frá hernum í Srí Lanka.
Utanríkisráðherra Srí Lanka ræddi við Ingibjörgu
Sólrúnu Gísladóttur utanríkisráðherra í fyrrakvöld
og mótmælti heimsókninni harðlega, segir Gréta
Gunnarsdóttir, sviðsstjóri alþjóða- og öryggissviðs
utanríkisráðuneytisins.
„Það var ekki á dagskrá hjá Bjarna að hitta
þennan mann, en það gerðist meðan hann var á
ferð með eftirlitssveitunum þar í landi,“ segir
Gréta. „Það var mjög óheppilegt, en málinu er
lokið af hálfu utanríkisráðuneytisins.“
Hún segir að komið hafi til greina að tilnefna
Bjarna í stöðu hjá eftirlitssveitunum í landinu. Því
hafi hann farið til að kynna sér starfsemi og
vinnuaðstæður. Aðspurð hvort málið hafi áhrif á
tilnefningu Bjarna svarar hún játandi. „Þessar
aðstæður gera það að verkum að það verður ekki
hægt.“
Hitti tamíltígur án leyfis
Baldvin, ætlið þið að halda
mörg bjórkvöld?