Fréttablaðið - 05.10.2007, Blaðsíða 8

Leiðtogar Norð-
ur- og Suður-Kóreu luku þriggja
daga leiðtogafundi sínum með
loforði um að gera friðarsam-
komulag milli ríkjanna, sem
formlega hafa átt í stríði í meira
en hálfa öld.
Þeir Roh Moo-hyun, forseti
Suður-Kóreu, og Kim Jong-Il,
leiðtogi Norður-Kóreu, undirrit-
uðu sameiginlega yfirlýsingu í
átta liðum, þar sem meðal annars
kemur fram að ríkin tvö muni
„starfa náið saman að því að
ljúka hernaðarillindum, tryggja
frið og draga úr spennu á Kóreu-
skaga“.
Friðarsamkomulagið á að koma
í staðinn fyrir vopnahléssamn-
ing, sem gerður var árið 1953 í
lok Kóreustríðsins. Suður-Kórea
undirritaði þó aldrei þann samn-
ing, en auk Norður-Kóreu stóðu
Bandaríkin og Kína að honum.
Reiknað er með að leiðtogar
Suður- og Norður-Kóreu muni nú
leita eftir samvinnu við Banda-
ríkin og Kína um gerð endanlegs
friðarsamnings.
Einnig hétu leiðtogarnir því að
efla samvinnu ríkjanna á ýmsum
sviðum.
Daginn áður höfðu fulltrúar
Norður-Kóreu, á fundi í Kína með
fulltrúum Bandaríkjanna og fjög-
urra annarra ríkja, fallist á að
falla frá öllum kjarnorkuáform-
um fyrir árslok og gera eina
kjarnaofn landsins óstarfhæfan.
Í síðasta mánuði sagðist George
W. Bush Bandaríkjaforseti fús til
þess að standa að gerð varanlegs
friðarsamkomulags við Norður-
Kóreu, en þó aðeins ef Norður-
Kóreumenn hafa fyrst hætt við öll
sín kjarnorkuáform.
Í yfirlýsingu leiðtoganna í gær
var aðeins í einni setningu minnst
á kjarnorkumálin, þar sem þeir
hétu því að „vinna saman að því að
tryggja snurðulausa framkvæmd“
fyrri samninga ríkjanna sex um
„lausn á kjarnorkumálum á Kór-
euskaga.“
Sættir í Kóreu
Norður- og Suður-Kórea hafa heitið því að gera
friðarsamning með aðild Bandaríkjanna og Kína
eftir að hafa formlega átt í stríði í meira en hálfa
öld. Samvinna ríkjanna verður einnig efld.
Hafrannsókna-
stofnun hóf stofnmælingu
botnfiska að haustlagi í tólfta skipti
hinn 1. október. Um er að ræða eitt
umfangsmesta rannsóknaverkefni
stofnunarinnar, þar sem togað er á
380 stöðvum.
Rannsóknasvæðið miðast við
landgrunn Íslands, allt niður á
1.500 metra dýpi og er markmið
rannsóknarinnar að meta stærð
helstu fiskistofna við landið.
Stærð fisk-
stofna metin
„Það hafa margir beðið eftir
þessu, en um 9.000 manns hafa verið greind-
ir með krabbamein einhvern tímann á
ævinni á Íslandi,“ segir Ragnheiður Alfreðs-
dóttir, hjúkrunarfræðingur og sviðsstjóri
Ráðgjafarþjónustu Krabbameinsfélagsins.
Ráðgjafarþjónustan verður formlega
opnuð á morgun milli klukkan eitt og fjögur
í Skógarhlíð 8. Ragnheiður hvetur krabba-
meinssjúka og aðstandendur þeirra til að
koma og kynna sér aðstöðuna og stuðnings-
hópana sem þar verða.
Meginmarkmið þjónustunnar segir
Ragnheiður vera að finna lausnir og varða
veginn sem framundan er við breyttar
aðstæður, veita upplýsingar, ráðgjöf,
andlegan og félagslegan stuðning.
Fyrirmyndina segir hún komna frá
skoskri konu. „Þegar hún greindist með
brjóstakrabbamein fann hún fyrir ríkri
þörf krabbameinssjúkra og aðstandenda
fyrir ráðgjöf og félagslegan stuðning. Til
að koma til móts við þá þörf kom hún
sjálf á fót ráðgjafarþjónustu. Hugmynd
hennar hefur svo verið notuð víðs vegar
um Bretland og nú á Íslandi,“ segir
Ragnheiður.
Í ráðgjafarþjónustunni á fólk að geta
leitað aðstoðar hjá hjúkrunar- og félags-
fræðingi auk annarra sérfræðinga sem
tengjast endurhæfingu krabbameinssjúk-
linga og aðstandenda þeirra.
Hugmyndina að aðstöðunni segir
Ragnheiður lengi hafa verið í deiglunni,
með söfnunarfé og framlögum hafi nú
tekist að koma henni á laggirnar.
Meirihluti fisk-
vinnslufólks á norðanverðum
Vestfjörðum óttast að fá ekki
vinnu í heimabyggð verði því
sagt upp störfum. Þetta kemur
fram í rannsókn sem Fjölmenn-
ingarsetrið á Ísafirði vann í sam-
vinnu við Félagsvísindastofnun
Háskóla Íslands á meðal fisk-
vinnslufólks á Suðureyri, Bol-
ungarvík, Hnífsdal, Þingeyri,
Flateyri og Súðavík.
Kristín Erla Harðardóttir,
verkefnastjóri hjá Félagsvísinda-
stofnun, segir fiskvinnslufólkið
ekki hafa áhyggjur af að fá ekki
vinnu, enda sé atvinnuástand gott
víðast hvar á landinu. „En það
var sláandi að sjá hversu margir
höfðu áhyggjur af því að fá ekki
vinnu í heimabyggð. Í ljós kom að
konur höfðu sérstaklega miklar
áhyggjur af þessu.“
Spurningalisti var lagður fyrir
Íslendinga jafnt sem innflytjend-
ur, sem voru 60 prósent þeirra
sem svöruðu af 150 manna úrtaki.
Kristín segir einnig athyglisvert
að hreyfanleiki aðfluttra sé minni
í þessari könnun en öðrum sam-
bærilegum sem gerðar hafa
verið. Alls 50 prósent innflytj-
enda hafa búið hérlendis skemur
en í þrjú ár sem skýrir að helm-
ingur þeirra talar ekki annað
tungumál en móðurmál sitt.
Fjórðungur innflytjenda flutti til
landsins með það í huga að setj-
ast hér að.
Starfsöryggi ógnað
Hvaða íslenski leikari tekur
að sér hlutverk Trölla í söngleik
á Broadway?
Hver er elsti markakóng-
urinn í úrvalsdeild karla í
knattspyrnu?
Hvað fékk Pálmi Gestsson
leikari í fimmtugsafmælisgjöf
frá eiginkonu sinni?