Fréttablaðið - 05.10.2007, Blaðsíða 11

Kannanir á meðal
grunnskólanemenda í 10. bekk hér
á landi benda til þess að vímuefna-
neysla þessa hóps fari minnkandi.
Neysla ungmenna í grunnskóla
hefur þó ekkert forspárgildi fyrir
það hversu margir eiga við alvarleg
vandamál að stríða vegna áfengis-
og vímuefnaneyslu síðar á lífsleið-
inni. Þetta var meðal þess sem fjall-
að var um á lokadegi þriggja daga
afmælisráðstefnu SÁÁ, sem lauk í
fyrradag.
Rafn M. Jónsson, sviðsstjóri á
Lýðheilsustofnun, fjallaði um kann-
anir á neyslu grunnskólabarna á
Íslandi og kom fram í máli hans að
síðan 1995 er vel merkjanlegt að
neysla áfengis- og vímuefna auk
tóbaks hefur minnkað umtalsvert.
Hlutfall nemenda í 10. bekk sem
hafa orðið drukknir um ævina var
til dæmis 42 prósent í könnun sem
gerð var 2007 en var rúm 64 pró-
sent árið 1995. Engar breytingar
hafa orðið hjá þeim sem reykja hass
að staðaldri, um 3,5 prósent þeirra
sem eru í lokabekk grunnskóla.
Þórarinn Tyrfingsson, yfirlæknir
SÁÁ, sýndi fram á að tölfræði
sjúkrahússins sannaði að neyslutöl-
ur hefðu ekki forspárgildi en sýndu
að gott forvarnastarf er unnið á
grunnskólastiginu. Sagði hann gíf-
urlegt magn gagna um neyslu ung-
menna liggja fyrir en fjármagn
skorti frá hinu opinbera til að greina
þær upplýsingar svo yfirvöld og
meðferðaraðilar gætu greint hver
staðan raunverulega er í neyslu
barna og unglinga hér á landi.
Hafa ekkert forspárgildi
Landssöfnun Kiwanis-
hreyfingarinnar til styrktar
geðsjúkum og aðstandendum
þeirra hófst í gærmorgun á því
að Guðlaugi Þór Þórðarsyni
heilbrigðisráðherra var afhentur
fyrsti K-lykillinn.
Kjörorð söfnunarinnar eru
Lykill að lífi og er hún haldin í
tengslum við alþjóðlega geðheil-
brigðisdaginn 10. október.
Ágóði landssöfnunarinnar að
þessu sinni rennur til Geðhjálp-
ar, Barna- og unglingageðdeildar
Landspítalans og Forma,
samtaka átröskunarsjúklinga.
Söfnunin stendur til 7. október.
Safna til styrkt-
ar geðsjúkum
Jiangxi-tækniháskól-
inn frá Kína hefur staðfest
samkomulag við íslenska
ráðgjafarfyrirtækið Arctus um
gerð alþjóðlegs kennsluefnis á
sviði málmfræða. Háskólinn
hefur einnig staðfest áhuga sinn á
að taka þátt í stofnun og rekstri
alþjóðlegrar deildar í málmfræð-
um í fyrirhuguðum Áltæknigarði
við Þorlákshöfn.
Að því er fram kemur í
tilkynningu frá Arctus er Jiangxi-
háskólinn einn virtasti háskóli
Kína á sviði málmfræða. Arctus
mun á næstunni óska eftir
samstarfi við Háskóla Íslands og
Háskólann í Reykjavík.
Í samstarf við
kínverskan skóla
Bæjarstjórn
Garðabæjar vill að áður en
skipulag fyrir svokallað Glað-
heimasvæði verður lagt fram til
samþykktar hafi Kópavogsbær
lagt fram áætlun varðandi
samgöngur. Í áætluninni verði
gerð grein fyrir hvernig sam-
ræma megi framkvæmdir á
Glaðheimasvæðinu við uppbygg-
ingu umferðamannvirkja þannig
að ekki myndist umferðaröng-
þveiti til lengri eða skemmri tíma
og umsögn Vegagerðar um
tillöguna og áhrif hennar á
uppbyggingu vegakerfisins. Fyrir
dyrum stendur almenn kynning á
Glaðheimaverkefninu.
Vilja áætlun
um Glaðheima
Íhaldsflokkurinn Lög
og réttlæti, flokkur Kaczynski-
tvíburanna sem eru forseti og
forsætisráðherra Póllands, mælist
nú með meira fylgi en höfuðkeppi-
nauturinn, hinn frjálslyndi
Borgaravettvangur sem Donald
Tusk fer fyrir. Aðeins þrjár vikur
eru nú til þingkosninga sem til var
boðað eftir að slitnaði upp úr
tæplega ársgömlu stjórnarsam-
starfi Laga og réttlætis við tvo
jaðarflokka.
Í könnun sem niðurstöður voru
birtar úr í dagblaðinu Gazeta
Wyborcza í gær mælist fylgi Laga
og réttlætis 36 prósent, sem er
fimm prósenta aukning frá í fyrri
viku, en Borgaravettvangur með
31 prósent, sem er fimm prósentu-
stigum minna en fyrir viku.
Fylgi stjórnar-
flokksins vex Skilafrestur rennur út 10. október.
Í tilefni af 75 ára afmæli SPRON er efnt til teikni- og myndlistar-
samkeppni um bestu myndina af Esjunni.
Keppt er í fjórum aldurshópum: 0-5 ára, 6-11 ára,12-15 ára,16 ára og eldri.
Dómnefnd er skipuð listamönnunum Daða Guðbjörnssyni og Maríu Sif Daníelsdóttur
ásamt fulltrúa frá SPRON. Þau munu velja 3 bestu verkin í hverjum flokki.
Verk vinningshafa ásamt völdum innsendum verkum verða til sýnis í útibúum SPRON.
„Esjan mín“
Gefðu sköpunargáfunni lausan tauminn og málaðu
eða teiknaðu mynd af Esjunni út frá eigin brjósti.
ar
gu
s
0
7
-0
6
0
5
Veglegir vinningar eru í boði í öllum flokkum.
1. verðlaun: Gjafabréf frá Litum og föndri og gjafakarfa frá Eymundsson.
2.-3. verðlaun: Gjafakarfa frá Eymundsson.
Nánari upplýsingar í þjónustuveri SPRON í síma 550 1400 eða á spron.is
Skila skal verkunum í SPRON Ármúla 13a, 108 Reykjavík