Fréttablaðið - 05.10.2007, Blaðsíða 18

fréttir og fróðleikur
Hringdu í síma
ef blaðið berst ekki
Heilsað upp á
náttúruna
Miklar tækninýjungar hafa
rutt sér til rúms hjá lög-
reglunni hér á landi á und-
anförnum árum og jafnvel
mánuðum. Allar miða þær
að einu marki, að gera starf
lögreglumanna öruggara og
markvissara og auka öryggi
hins almenna borgara.
Fréttablaðið átti þess kost að
heimsækja miðstöðina í Skógar-
hlíð þar sem eru til húsa bíla- og
fjarskiptamiðstöð ríkislögreglu-
stjóra, samhæfingarstöð, neyðar-
línan 112, landhelgisgæslan og
almannavarnadeild ríkislögreglu-
stjóra. Það fyrirkomulag, að hafa
alla þessa starfsemi á einum stað,
hefur gefist mjög vel að sögn Har-
aldar Johannessen ríkislögreglu-
stjóra, þar sem það auðveldar og
flýtir fyrir öllum samskiptum
þegar mikið liggur við, svo sem
við viðamiklar leitir að týndu
fólki, í stóreldsvoðum, skipssköð-
um eða náttúruhamförum.
Lögregla um allt land hefur yfir
að ráða samtals 165 bílum og 11
mótorhjólum. Sífelld endurnýjun
er í gangi. Á árinu hafa verið keypt
18 ökutæki, þar af fjögur ný bif-
hjól.
„Einhvern tíma var það mark-
mið sett, sem þótti þá kannski
dálítið kappsfullt, að ná endurnýj-
unartíma bílaflotans niður í fimm
ár,“ segir ríkislögreglustjóri, sem
setti bílamiðstöðina í Skógarhlíð á
fót á sínum tíma. „Meðalaldur
hans nú er 4,3 ár, fyrir utan 6-7
gamla jálka sem menn hafa viljað
halda í.“
Tæknibúnaður í lögreglubílun-
um hefur verið aukinn verulega á
síðustu árum og mánuðum. Svo-
kallaður eyewitness-búnaður er
nú kominn í bíla hjá öllum lög-
regluembættum á landinu. Með
honum er hægt að taka upp í mynd
og hljóð öll samskipti lögreglu-
manns, hvort sem hann er staddur
í bílnum eða utan hans, og ein-
staklings sem hann hefur afskipti
af. Samskiptin eru síðan sett á
diskling sem fylgir skýrslu um
viðkomandi mál.
„Þetta eykur tvímælalaust
öryggi um að rétt sé staðið að
málum hverju sinni,“ segir ríkis-
lögreglustjóri. Hann bætir við að
lögreglustjórar telji að málum
fyrir dómi fækki með tilkomu
þessa búnaðar.
Þá hefur ný tegund öndunarsýn-
amæla verið tekin í notkun. Þeir
eru það nákvæmir að ekki er nauð-
synlegt að senda ökumenn í blóð-
prufu eins og áður. Allur þessi nýi
tækjabúnaður eykur verulega
málshraða og tryggir rétta máls-
meðferð.
Nú er unnið að því að tölvuvæða
bifreiðar lögreglunnar þannig að í
náinni framtíð geti þær gagnast
sem færanlegar lögreglustöðvar
og lögreglunni þannig skapað
tækifæri til að þjónusta almenn-
ing með betri hætti. Tölvubúnað
lögreglu má nota til að leita upp-
lýsinga í þjóðskrá, ökutækjaskrá
eða öðrum gögnum lögreglunnar.
Jafnframt verður hægt að ganga
frá lögregluskýrslum á vettvangi.
Síðast en ekki síst koma þær að
gagni við leit eftirlýstra ökutækja.
Í bílunum er jafnframt stafrænt
götukort. Allar bifreiðar lögreglu
eru búnar ferilvöktun og því getur
fjarskiptamiðstöð staðsett alla
lögreglubíla á landinu á tölvuskjá.
Þannig er ávallt hægt að senda
það ökutæki sem næst er vett-
vangi í verkefni. Einnig gefur
kerfið upplýsingar um stöðu öku-
tækja hvort þau eru í eftirliti, for-
gangsakstri og svo framvegis.
Ferilvöktunarkerfi byggist á
TETRA-kerfinu sem er í öllum
lögreglubifreiðum í landinu. Til-
koma þess er mikilvægur þáttur í
því öryggishlutverki að tengja öll
lögreglulið landsins við eina fjar-
skiptamiðstöð.
Auk þessa er hafin innleiðing
hljóð- og myndupptöku við
skýrslutökur hjá lögreglu. Lög-
regluskólinn annast kennslu á
búnaðinn. Tilgangurinn er að gefa
sem skýrasta mynd af því sem
fram fer, þegar skýrslur eru tekn-
ar af sakborningum og vitnum.
Jafnframt er tilgangurinn sá að
styrkja sönnunarfærslu, tryggja
réttarstöðu sakbornings og hraða
meðferð sakamála.
„Vissulega kostar það sitt að
viðhalda og endurnýja bílaflota
lögreglunnar, sem og kaup á
góðum og nauðsynlegum tækni-
búnaði,“ segir ríkislögreglustjóri.
„Stundum örlar á þeim misskiln-
ingi að þessar fjárhæðir fari til
embættis ríkislögreglustjóra og
séu þar. En þær renna til löggæslu
í landinu öllu, til að auðvelda lög-
reglumönnum að vinna sín störf
og auka þar með öryggi lands-
manna.“
Stóraukin tæknivæðing lögreglu
Kalt stríð grannríkja í meira en hálfa öld