Fréttablaðið - 05.10.2007, Blaðsíða 27

Þótt Natalia Chow Hewlett sé þekktari sem
söngkona og kórstjóri en kokkur þá kann hún
ýmislegt fyrir sér í eldamennskunni. Hún ætlar
að deila þekkingu sinni á austurlenskri matar-
gerð með þeim sem vilja koma á námskeið heim
til hennar á næstunni.
„Ég hef óskaplega gaman af að elda mat. Nú í seinni
tíð hef ég safnað saman grænmetisuppskriftum og á
orðið gott safn af þeim, þannig að þó ég sé bara með
grænmetisrétti á borðum þá er mataræðið fjöl-
breytt,“ segir Natalia Chow. Hún kveðst hafa borðað
kjöt framan af ævinni og þá frekar sem meðlæti en
aðalmat en fyrir átta árum hafi hún alfarið snúið sér
að fæðu úr jurtaríkinu. „Hjá eiginmanninum kom
ekki annað til greina en að borða grænmeti og það
var ekki mikið mál fyrir mig að svissa yfir. Ég sakna
kjötsins ekki neitt.“
Natalía er frá Sjanghæ en hefur búið á Íslandi í
fimmtán ár. Hún hefur ekki síst vakið athygli fyrir
árangur sinn í kórstjórn síðustu ár þar sem hún
hefur drifið upp hvern söngflokkinn eftir annan,
Kvennakór Kópavogs, Englakórinn og Regnboga-
konur. Nú eru matreiðslunámskeið á dagskrá hjá
henni á næstu vikum þar sem áhersla verður lögð á
austurlenskt grænmetisfæði. „Ég ætla að kenna
fólki að nota hráefni sem það hefur ekki kynnst
áður en fæst þó hér á landi, til dæmis í Sælkerabúð-
inni, filippísku búðinni á Hverfisgötu, Fjarðar-
kaupum og jafnvel Bónus. Þar má nefna tófú, svört
hrísgrjón og soja,“ segir hún. Námskeiðið er haldið
á heimili hennar og eiginmannsins Julians, að
Sjávargötu 16 á Álftanesi.
Austurlenskt á Álftanesi
Ný sending
Gallabuxur og bolir á 20% afslætti