Fréttablaðið - 05.10.2007, Blaðsíða 30

Íslenskir fatahönnuðir vekja
víða athygli fyrir iðju sína.
Einn þeirra er Ragnhildur
Benediktsdóttir sem býr í
Suður-Þýskalandi og selur allt
jafnóðum og hún er búin að
sauma.
„Í Þýskalandi heiti ég bara Hilda
enda geta Þjóðverjar hvorki borið
fram skírnarnafn mitt né föður-
nafn. Foreldrar mínir kölluðu mig
líka alltaf Hildu,“ segir Ragnhildur
brosandi. Hún kveðst aðallega
sauma flíkur úr ullarefni sem hún
kaupir frá Ítalíu, einkum jakka og
pils og nokkrar gerðir af sportleg-
um karlmannsjökkum. „Flíkurnar
eiga að geta gengið við allt og fólki
á alltaf að líða vel í þeim,“ segir
hún. Spurð hvaðan hún fái hug-
myndir að sniðunum svarar hún.
„Þær koma úr mínum kolli. Ég
horfi á efnið, þreifa á því og læt
hugmyndirnar gerjast þar til þær
verða fullskapaðar.“
Ragnhildur ólst upp í Reykjavík
en flutti 25 ára til Karlsruhe í
Suður-Þýskalandi. Þar er hún í
fullu starfi við háskólann, sem upp-
lýsingafulltrúi við arkitektadeild-
ina. Hönnunin er í hjáverkum enn
sem komið er en hvenær skyldi
áhuginn á henni hafa kviknað. „Ég
lærði tískuhönnun í Þýskalandi
með þungamiðju á prjón og vann
við hana í nokkur ár hjá stóru fyr-
irtæki. Hætti þar því mér fannst
vinnan kosta of mikið af sálinni.
Þetta er harður bransi en ég lærði
mikið. Ég lagði fagið á hilluna um
tíma en byrjaði aftur fyrir nokkr-
um árum. Hef alltaf saumað eigin
föt og oft verið spurð hvar ég hafi
keypt þau. Þannig má segja að ég
hafi auglýst fötin mín sjálf.“
Hingað til kveðst Ragnhildur
hafa verið með framleiðsluna á
eldhúsborðinu en nú verði hún að
láta eitthvað frá sér því hún anni
ekki eftirspurn. Vinsældirnar megi
meðal annars rekja til þess að fólk
geti tekið fötin út úr skáp og verið
vel klætt í þeim án þess að vera allt
of fínt. „Markmið mitt er að hanna
föt sem fólk lætur ekki frá sér fyrr
en þau eru komin í tætlur,“ segir
hún.
Vill að fólki líði vel
Kynning á nýju línunni
í okkar Showroom
Flísfóðraðir
ullarvettlingar
Handprjónasamband Íslands
Skólavörðustíg 19 • sími: 552 1890
www.handknit.is
ICE
FASHION
Íslensk hönnun
Mörkinni 6, Símí 588-5518
Opið virka daga frá kl. 10-18 og laugardaga frá kl. 10-16
Auglýsingasími
– Mest lesið