Fréttablaðið - 05.10.2007, Blaðsíða 38

BLS. 6 | sirkus | 5. OKTÓBER 2007
„Ég byrjaði ekki sjálf að sauma fyrr en árið 2000.
Þangað til plataði ég mömmu til að gera það
fyrir mig því ég nennti hvorki né kunni að
gera það sjálf. Hins vegar hafði ég
hugmyndirnar,“ segir Kolbrún Ýr
Gunnarsdóttir fatahönnuður sem
hannar undir merkinu Kow. Kolbrún Ýr,
sem er lærður textílkennari, og vinkona
hennar, Íris Eggertsdóttir, reka saman
verslunina KVK á Laugaveginum. Þegar
hún er beðin um að lýsa stíl sínum segir
hún mikilvægt að fötin þrengi ekki að henni.
„Ég vil líka að hægt sé að nota fötin á fleiri en einn veg. Ég
er dálítið litaglöð í bland við svarta litinn og hef gaman
af björtum litum. Eins vinn ég og vel mér föt út frá
formum; hringir, kassar og þríhyrningar heilla.“
Aðspurð segist Kolbrún Ýr aðallega klæðast eigin
hönnun eða hönnun Írisar en það komi líka fyrir
að hún kaupi sér föt. „Ég hef mjög gaman af því
að kaupa mér föt og skó. Skóna kaupi ég oftast í
Kron og svo tapar maður sér í H&M erlendis. Ég
á líka nokkrar flottar flíkur úr KronKron svona
þegar ég leyfi mér að splæsa á mig og svo kaupi ég
einstaka sinnum í Nakta apanum. Annars klæðist ég
mest eigin hönnun.“
Kolbrún segir Íslendinga upp til hópa
frekar einsleita þegar kemur að
klæðnaði. „Ef spes er í tísku eru allir
spes, það er svolítið þannig. Maður
sér þetta best ef maður fer til
útlanda og kemur aftur heim. Það
eru samt nokkrar stíltegundir í
gangi. Sjálf reyni ég að velja mér föt
sem ég veit að klæða mig óháð því
sem þykir vinsælast hverju sinni. Ég
reyni að hafa það sem útgangspunkt,“
segir Kolbrún en bætir við að auðvitað sé
mikið af fallegu og smart klæddu fólki á
Íslandi. Þegar Kolbrún er innt eftir því
hvað verði í tísku í haust og vetur
segist hún sjálf vera veikust fyrir
yfirflíkum. „Mér finnst slár og
ullarflíkur voðalega skemmtilegar
núna, bæði köflóttar, einlitar og
röndóttar. Sniðin eru dálítið víð og kósí
svo ég er ánægð með þessa tísku.“
indiana@frettabladid.is
KOLBRÚN ÝR GUNNARSDÓTTIR HANNAR UNDIR MERKINU KOW. KOLBRÚN GENGUR AÐALLEGA Í EIGIN HÖNNUN EN
ÞEGAR HÚN FER TIL ÚTLANDA MISSIR HÚN SIG ALLTAF Í H&M. KOLBRÚN OPNAÐI FATASKÁPINN FYRIR SIRKUS.
EF SPES ER Í TÍSKU
ERU ALLIR SPES
UPPÁHALDSKJÓLLINN „Þessi kjóll er frá mér og er í miklu uppáhaldi enda ofsalega
þægilegur. Beltið er afmælisgjöf frá mágkonu minni en Íris Eggertsdóttir bjó til
spöngina handa mér. Skórnir eru úr Kron og eru flottustu fínu skórnir mínir.“
FLOTT HÁRSPÖNG „Ég gerði þessa spöng og
finnst hún mjúk og æðisleg og skemmtileg
tilbreyting frá svarta hárskrautinu mínu.“
ÆÐISLEG SLÁ Sláin er hönnun Kolbrúnar en
sláin er köflótt og flott eins og sjá má og
hægt að nota sumar sem vetur.
SKEMMTILEGUR HÚMOR
„Ég fékk þessa
háhyrningaháls-
festi í jólagjöf
frá manninum
mínum.
Festin er úr
Aurum. Það
er ótrúlega
skemmtilegur
húmor í
þessari
festi.“
Við hjá Móður Náttúru sérhæfum okkur í gerð næringarríkra,
ljúffengra og hollra grænmetisrétta úr fyrsta flokks hráefni.
Við leggjum metnað í að gæði handverksins og heimalagaða
bragðið haldi sér í gegnum alla framleiðsluna og skili sér beint
á matarborðið heima.
Hollur matur fyrir
alla fjölskylduna
P
L
Á
N
E
T
A
N
2
0
0
7