Fréttablaðið - 05.10.2007, Blaðsíða 70
Bandaríski barnabókahöfundurinn Bruce McMillan
hefur gefið út bókina Hvernig konurnar stöðvuðu
blásturinn með listaverkum eftir íslensku myndlist-
arkonuna Gunnellu og munu þau árita bókina í Iðu
laugardaginn 6. oktember næstkomandi.
Bruce segir samstarf sitt og Gunnellu hafa byrjað
eftir að hann sá sýningu hennar hjá Gallerí Fold vorið
2002. „Við hittumst svo aftur rúmu ári síðar á menn-
ingarnótt og ákváðum þá að gefa í sameiningu út bók-
ina Hænur eru hermikrákur,“ segir Bruce, en bókin
fékk verðlaun frá New York Times sem best mynd-
skreytta bók ársins og kom út bæði í Bandaríkjunum
og á Íslandi.
Gunnella segir nýju bókina, Hvernig konurnar
stöðvuðu blásturinn, vera
unna á sama hátt og
Hænur eru hermikrákur.
„Þetta eru barnabækur
en í raun og veru líka
listaverkabækur vegna
þess að sögurnar eru
skrifaðar út frá myndun-
um mínum,“ segir hún.
„Bókin kom út í Banda-
ríkjunum í sumar og fékk
frábærar viðtökur og lof
gagnrýnenda sem hvöttu
okkur til að halda samstarfinu áfram,“ bætir hún við
brosandi.
Bruce segir að myndir Gunnellu segi hver sína
sögu sem hann hafi raðað saman en fengið hana til að
fylla upp í þar sem honum fannst vanta mynd inn í
söguna. “„Ég heillaðist strax af málverkunum hennar
þegar ég kom á sýninguna hjá henni en svo sá ég
fleiri málverk eftir hana og komst að því að hver
mynd segir í raun sína sögu,“ segir Bruce sem hefur
margoft komið til Íslands og segist koma hingað eins
oft og hann geti. „Síðustu sjö bækurnar mínar eru um
Ísland og það hefur enginn gefið út fleiri bækur um
Ísland í Bandaríkjunum,“ segir rithöfundurinn víð-
frægi og bætir því við að þegar séu þau Gunnella
farin að leggja drög að næstu bók sem verði ástar-
saga ömmu og afa.
Barnabók með listaverkum
Nýtt orgel var vígt í Grindavíkur-
kirkju um síðustu helgi. Til þess að
gefa almenningi færi á að njóta
þess heldur Friðrik Vignir Stefáns-
son organisti tónleika í Grindavík
á sunnudaginn kl. 17 og leikur á
orgelið. Það verður í fyrsta skipti
sem leikið er á orgelið á tónleikum.
Friðrik Vignir Stefánsson, sem
er organisti Seltjarnarneskirkju,
leysti organista Grindarvíkur-
kirkju af síðastliðinn vetur og er
því kirkjunni vel kunnur. Á efnis-
skrá hans fyrir þessa tónleika eru
orgelverk eftir J.S. Bach, Buxte-
hude og fleiri tónskáld.
Orgelið nýja í Grindavíkur-
kirkju var vígt síðastliðinn sunnu-
dag en það er smíðað af Björgvini
Tómassyni orgelsmið. Orgelið er
með þeim stærri á landinu og er
hið stærsta á Suðurnesjum og má
því vera ljóst að orgelið gjörbreyt-
ir möguleikum til tónleikahalds í
Grindavík.
Tónleikar Friðriks Vignis hefj-
ast sem fyrr segir á sunnudag kl.
17 og eru allir boðnir velkomnir.
Fyrstu tónleikar orgels
Nú stendur yfir sýning á
verkum Þóru Sigurðar-
dóttur myndlistarmanns
í Artóteki Borgarbóka-
safns Reykjavíkur á 1.
hæð Grófarhúss,
Tryggvagötu 15. Á sýn-
ingunni má sjá ljós-
myndir og myndband.
Þóra hefur haldið
einkasýningar og tekið
þátt í fjölmörgum sam-
sýningum á Íslandi og
erlendis. Auk þess hefur
hún kennt við Myndlistarskólann í
Reykjavík og var þar skólastjóri á
árunum 1998-2005. Hún hefur tekið
þátt í og stýrt ýmsum innlendum og
alþjóðlegum verkefnum og má þar
nefna verkefnið Verklag/KnowHow
um nám og kennslu á verkstæðum
listaskóla 2004-2007,
tilraunasmiðjur með
íslensk jarðefni og Dala-
leir fyrir myndlistar-
menn og hönnuði 2006-
2007, Disturbances,
alþjóðlegt workshop
myndlistarmanna, arki-
tekta og tónlistarmanna
2003 og fleira.
Artótekið leigir út og
selur íslenska samtíma-
myndlist til einstakl-
inga og fyrirtækja.
Hægt er að skoða verkin á staðnum
eða á vefsíðunni www.artotek.is.
Sýningin stendur til 14. október.
Opið er mánudaga kl. 10-21, þriðju-
daga-fimmtudaga kl. 10-19, föstu-
daga kl.11-19 og um helgar kl. 13-
17.
Þóra sýnir í Artóteki
Miðasalan er opin alla daga nema mánudaga kl. 14-18 og fram að sýningu sýningardaga.
Símasala kl. 10-18 þriðjudaga - föstudaga. Miðasala á Netinu allan sólarhringinn.
www.opera.is opera@opera.is Sími: 511 4200
ARIADNE eftir Richard Strauss
Á morgun 6. október kl. 20 örfá sæti laus
Kynning Árna Heimis Ingólfssonar í boði VÍÓ kl. 19.15
3. sýn: Miðvikudaginn 10. október örfá sæti laus
4. sýn: Föstudaginn 12. október örfá sæti laus
5. sýn: Sunnudaginn 14. október örfá sæti laus
6. sýn: Föstudaginn 19. október örfá sæti laus
á K r i ng l u k r ánn i
í k v ö l d o g á
morgun laugardag 6. október
E y j a s t uð . . .
f r á V e s t m a n n a e y j u mLogar
E i n e l s t a og mes t a r o k kh l j óms ve i t l a nd s i n s